Yohané 21:15-17

Ndùlala ngelaṅ bo jù jujù là, Yésu tshob Simon Pétro ndù: Simon mén Yohané, o num nkô àm ntshùa tshen ben ni ké? A tshob yi ndù: Ṅ, me Tshùaben, o lèn ndù me num nkô o. A tshob yi ndù: Béb bon njùmbwe tshàm. A tshob yi mbatte bàa ndù: Simon mén Yohané, o num nkô àm ké? A tshob yi ndù: Ṅ me Tshùaben, o lèn ndù me num nkô o. A tshob yi ndù: Béb njùmbwe tshàm. A tshob yi mbatte yoṅ tat ndù: Simon mén Yohané, o num nkô àm ké? Pétro nywin mb'a tshob yi num mbatte yoṅ tat ndù: O num nkô àm ké là, ntshob yi ndù: Tshùaben, o lèn njoṅ tshu fa, o lèn ndù me num nkô o. Yésu tshob yi ndù: Béb njùmbwe tshàm.