मत्ती 28
28
यीशु को जी उठण
(मरक 16:1-8; लूका 24:1-12; यूहन्ना 20:1-10)
1यहूदियों का विश्राम का दिन छो रात्बियां मा मरियम जु मगदल गौं की छै अर हैंकी मरियम जब उज्यलो हूंणु छो यु जनन कब्र पर ऐनी। 2अर देखा एक बड़ो भ्युंडोल हवे किलैकि प्रभु को एक स्वर्गदूत स्वर्ग बट्टी उतरी अर कब्र का संमणी ऐ के वे ल कब्र का द्वार बट्टी बड़ो ढुंगो हटै दींनि अर वे ढुंगा पर बैठी गै। 3-4वेको रूप बिजली का जन अर वेका कपड़ा पाला का समान उज्ज्वल हवे गैनी वेकी डौराल चौकिदार कांपी गैनी अर मुरयां जन हवे गैनी। 5स्वर्गदूत ल ऊंकु बोलि, “भैचक मा नि पोड़ा तुम यीशु नासरत वला जै तैं सूली पर चढ़ै गै छो ढुंडणा छा।” 6उ इख नि च, पर अपड़ा वचन का अनुसार ज्यूँदो हवे गै, आवा ईं जगह तैं देखा, जख प्रभु तैं रख्युं छो। 7अर चम जै के वेका चेलों मा बोला, कि यीशु ज्यून्दो हवे गै अर उ तुम से पैली गलील जिला म चलि जांण जन वेल तुम मा अपड़ा मुरण से पैली बोलि छो तुम ल उ उखि दिखण। 8उ डैरी के अर भौत खुश हवे के कब्र बट्टी तुरंत लौटि के ऊंका चेलों तैं यु शुभ समाचार दींणु कु अटगी गैनी।
जननों तैं यीशु को दर्शन
9तब यीशु ऊं तैं मिली अर वेल बोलि सलाम चेलों ल संमणी ऐ के अर वेका खुट्टों मा मुंड झुकै के वेकी आराधना कैरी। 10मेरा विश्वासी भयों तब यीशु ल ऊंमा बोलि “डैरा न जु वेका अपड़ा भयों मा बट्टी नि छा ऊंमा जै के बोलि, कि गलील जिला कु चलि ज्वा उख उ मि तैं दिखला।”
चौकीदारों की सूचना
11उ जनन चेलों तैं यु समाचार बतौंणु कु जांणा ही छा कि पहरेदारों ल जु कब्र कि रखवलि कना छा शहर मा ऐ के पूरो हाल प्रधान याजक तैं सुंणै दींनि। 12प्रधान याजकों, दाना-सयाणों बट्टी मिली अर अपड़ी योजना की बात ऊंल सिपैयूं तैं घुस का रूप मा एक बड़ी धन राशि दींणु कु फैसला कैरी कि यु बतौंणु कि कब्र खाली किलै छै 13ऊंल सिपैयूं कु बोलि, सभियूं तैं बता की राती कु जब हम सिणा छा त वेका चेला ऐनी अर वे तैं चुरैके लीगिनि। 14अर जु तुम रखवली का बगत सै गै छा या बात राज्यपाल तक पौंछिलि त हम वे तैं समझै दयुला अर तुम कै भि बात की चिंता कनै की जरूरत नि च। 15अर ऊंल भौत रुप्या लै के जन ऊं तैं सिखै छो ऊंल उन ही कैरी। अर य बात आज तक यहूदियों मा जंणै जांदी।
चेलों तैं दर्शन अर आखरी आज्ञा
16अर ग्यारह चेला गलील जिला मा वे डांडा पर गैनी जु यीशु ल ऊं तैं बतै छो। 17चेलों ल वेका दर्शन पै के वे तैं प्रणाम कैरी के वेकी आराधना कैरी, कै तैं सन्देह हवे की उ ज्यूँदो हवे गै। 18तब यीशु ल ऊंकु बोलि, “स्वर्ग अर धरती को सैरो अधिकार मि तैं दियुं च।” 19“तुम सैरा दुनिया मा हर जगह जै कै सभि जातियों का लुखुं तैं चेला बणांव अर ऊं तैं बुबा अर नौंना का अर पवित्र आत्मा का नौं बट्टी बपतिस्मा द्यावा 20अर ऊं तैं सभि बात जु मिल तुम तैं आज्ञा दींनि मणन सिखावा अर देखा मि दुनिया का अंत तक हमेशा तुम दगड़ी रौलु।”
ទើបបានជ្រើសរើសហើយ៖
मत्ती 28: GHMNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Garhwali New Testament(गढवली नयो नियम), 2020 by The Love Fellowship is licensed under a Creative Commons Attribution-ShareAlike 4.0 International License.
