मरकुस 1
1
ईसू के आबा की त्यारी
(मत्ती 3:1–12; लूका 3:1–18; यहुन्ना 1:19–28)
1परमेसर का पूत ईसू मसी#1:1 मनकाँ ने पापऊँ बंचाबावाळा राजा का हव हमच्यार की सरुआत। 2#मला 3:1जस्यान यसाया परमेसर का आड़ीऊँ बोलबावाळे लिक्यो हे,
“देक, मूँ आपणाँ दूत ने थाँरा आगे खन्दाऊँ,
ज्यो थाँरा वाते गेलो हुदो करी
3 #
यसा 40:3
हुन्ना काँकड़ में एक बोलबावाळा को हाको हुणारियो हो के,
‘परबू को गेलो त्यार करो
अन वींकी हड़क हुदी करो।’”
4यहुन्नो हुन्ना काँकड़ में बतिस्मा देतो अन परच्यार करतो तको आयो अन केतो हो के, “पापऊँ मन फेरो अन बतिस्मो लो, जणीऊँ परमेसर थाँका पाप माप करी।” 5यहूदी परदेस अन यरूसलेम नगर का नरई मनक वींका नके उपदेस हुणबा वाते ग्या। जणा आपणाँ पाप ने मान लिदा वाँने वणी यरदन नंदी में बतिस्मो दिदो।
6यहुन्नो ऊँट की ऊन का बण्या तका गाबा पेरतो अन कमर पे खालड़ा को पट्टो बंद्यो राकतो हो। वो हुन्ना काँकड़ में टिड़्या अन माक्याँ को हेंत खातो हो। 7वो ईं बात को परच्यार करतो के, “मारा पाच्छे एक मनक आबावाळो हे, ज्यो माराऊँ भी घणो मोटो हे, मूँ वींके अतरो भी लायक कोयने के, वींकी पगरख्याँ खोल सकूँ। 8मूँ थाँने पाणीऊँ बतिस्मो देऊँ, पण वो थाँने पुवितर आत्माऊँ बतिस्मो देई।”
ईसू को बतिस्मो अन वींकी परक
(मत्ती 3:13; 4:11; लूका 3:21,22; 4:1–13)
9वाँ दनाँ अस्यी बात वी के, ईसू गलील का नासरत नगरऊँ आया अन वणा यरदन नंदी में यहुन्ना नकूँ बतिस्मो लिदो। 10जस्यानी पाणीऊँ बारणे निकळ्या तो, वणा देक्यो के, आकास खुल्यो तको अन परमेसर की आत्मा परेवड़ा की जस्यान वींका ऊपरे उतरी। 11#उत्प 22:2; भज 2:7; यसा 42:1; मत्ती 3:17; 12:18; मर 9:7; लूका 3:22पछे हरगऊँ अवाज अई के, “थूँ मारो लाड़लो बेटो हे अन मूँ थाँराऊँ घणो राजी हूँ।”
12पछे तरत परमेसर की आत्मा वींने हुन्ना काँकड़ में खन्दा दिदो, 13जटे चाळी दनाँ तईं सेतान वींकी जाँच-परक करतो रियो। वटे वीं हुन्ना काँकड़ का जनावराँ का लारे हा अन हरग-दुत वाँकी सेवा-चाकरी करता हाँ।
ईसू च्यार चेला को चुणाव किदो
(मत्ती 4:12–22; लूका 4:14,15; 5:1–11)
14ईंका केड़े जद्याँ यहुन्ना ने जेळ में बन्द कर नाक्यो हो, पछे ईसू गलील में आया अन वटे परमेसर का हव हमच्यार को परच्यार करबा लागा। 15#मत्ती 3:2वाँकाणी क्यो, “अबे टेम पुरी वेगी हे अन परमेसर को राज आरियो हे। थाँ मन बदलो अन परमेसर का हव हमच्यार पे विस्वास करो।”
16जद्याँ ईसू गलील समन्द के नके वेन निकळरया हाँ, तो वाँ समोन अन वींका भई अन्दरियास ने समन्द में आपणी जाळ बिछाता तका देक्या, काँके वीं दुई माछळ्याँ पकड़बावाळा हाँ। 17तो ईसू वाँने क्यो, “थाँ मारी लारे आवो, मूँ थाँने परमेसर का राज में मनकाँ ने लाबावाळा बणा देऊँ।” 18तो पगईं वीं दुई जणा आपणो जाळ छोड़न ईसू का लारे वेग्या।
19पछे थोड़ाक आगे जान ईसू जब्दी का छोरा याकूब ने अन वींका भई यहुन्ना ने देक्यो। वीं दुई आपणी नाव में जाळाँ ने हळजारिया हा। 20वाँकाणी तरत वाँने बलाया, तो वीं दुई आपणाँ बापू जब्दी ने दानक्याँ का हाते नाव मेंईस छोड़न ईसू का लारे ग्या।
ईसू एक मनक ने हुगली आत्मा का हाताऊँ छुड़ावे
(लूका 4:31–37)
21अन वे हंगळा कफरनूम नगर में ग्या, पछे आगले आराम#1:21 जिंने सबत केवे हे ज्यो यहूदियाँ का हपता को आकरी दन हे। के दन ईसू यहूदियाँ का परातना घर में पूग्या अन मनकाँ ने उपदेस हुणाबा लागा। 22#मत्ती 7:28,29वाँका उपदेस हुणन लोग-बाग घणा अचम्बा में पड़ग्या, काँके वे मूसा का नेमा ने हिकाबावाळा के जस्यान ने, पण हकऊँ उपदेस देरिया हा।
23वटे वीं यहूदी परातना घर में एक अस्यो मनक भी हो, जिंमें हुगली आत्मा धस्यी तकी ही, तो वो जोरऊँ हाको करन बोल्यो, 24“हे, नासरत का ईसू, थूँ मारा नकूँ कई छावे हे? कई, थूँ मारो नास करबा ने आयो हे? मूँ थाँने जाणूँ हूँ के, थूँ कूण हे, थूँ परमेसर को पुवितर मनक हे।”
25तो ईसू वींने तापड़न क्यो, “छानी रे अन ईंमूँ बारणे निकळजा।”
26पछे वा हुगली आत्मा वीं मनक ने धधूणियो अन जोरको हाको करन बारणे निकळगी। 27हारई जणा अचम्बा में पड़ग्या अन अतरो अचम्बो व्यो के, वे एक-दूँजा ने पूँछबा लागा, “यो कई हे? यो कई नुवो उपदेस हे? वो हकऊँ हुगली आत्माने आदेस देवे अन वा आत्मा वींने भी माने हे।”
28अणीऊँ गलील अन वींका अड़े-भड़े की हारी जगाँ में ईसू को नाम तरत फेलग्यो।
ईसू नरई माँदा मनकाँ ने हव किदा
(मत्ती 8:14–17; लूका 4:38–41)
29पछे ईसू अन वींका चेला परातना घरऊँ निकळन याकूब अन यहुन्ना की लारे समोन अन अन्दरियास का घरे ग्या। 30समोन का हवजी हुता हा, काँके वाँने ताव आरियो हो। जद्याँ ईसू वटे आया तो वाँने वाँका बारा में बतायो ग्यो। 31तो ईसू वाँका नके ग्या अन हात पकड़न वाँने बेटा किदा, तो तरत वाँको ताव उतरग्यो अन वीं वाँकी सेवा-चाकरी करबा लागग्या।
32दन आत्याँ केड़े, जद्याँ हाँज पड़गी, तो वटा का मनक हंगळा हुगली आत्माऊँ दकी अन मान्दा मनकाँ ने वाँका नके लाया। 33गाम का हारई मनक वाँका घर का बारणे आग्या। 34वाँ घणा जणा ने नरी मांदकीऊँ हव किदा अन नरई जणा मूँ हुगली आत्माने बारणे काड़ी। ईसू वणा आत्माने कई ने केबा दिदो, काँके वी वाँने जाणती ही।
गलील में परच्यार
(लूका 4:42–44)
35भाग-फाट्याँईं जद्याँ अन्दारो हो, ईसू उटन घरऊँ हून्नी जगाँ में पराग्या, जटे वणा परातना किदी। 36पण, समोन अन वींकी लारे का हण्डाळ्याँ वींने हमाळबा निकळ्या 37अन वाँने हमाळन क्यो, “हंगळा जणा थाँने होदरिया हे।”
38पण ईसू वाँने क्यो, “आपाँने अड़े-भड़े का गामाँ में भी जाणो छावे, अन वटे भी परच्यार करा, काँके मूँ ईं काम वातेईस आयो हूँ।”
39 #
मत्ती 4:23; 9:35 तो अस्यान वीं गलील में हंगळी जगाँ यहूदियाँ का परातना घर में परच्यार करता अन मनकाँऊँ हुगली आत्माने बारणे निकाळता रिया।
ईसू एक कोड़्या मनक ने हव किदो
(मत्ती 8:1–4; लूका 5:12–16)
40पछे एक कोड़यो#1:40 कोड़ की मांदकी एक अस्यी मांदकी ही जिंने यहूदी मनक परमेसर की मेमा करबा वाते हव ने हमजता हा। मनक ईसू नके आयो। वो वाँका हामे धोग देन क्यो, “यद्याँ थाँ छावो, तो मने हव कर सको हो।”
41वींने वींका पे दया अई अन वणा आपणो हात लाम्बो करन वींके अड़ायो अन क्यो, “मूँ छावूँ के, थूँ हव वेजा।” 42अन वींने तरत कोड़ऊँ छुटकारो मलग्यो अन वो पुरी तरियाऊँ हव वेग्यो। 43-44ईसू वींने कड़ी चेतावणी देन क्यो, “देक, ईं बात का बारा में थूँ दूजाँ ने मत बताज्ये, पण याजक का नके जा अन आपणे आप ने बतान मूसा का नेमाऊँ आपणे सुद वेबा की भेंट चड़ाज्ये, ताँके दूजाँ ने भी थारे हव वेबा को सबूत मल सके।” पछे ईसू वींने पगईं खन्दा दिदो।
45पण, वो बारणे जान चोड़े-धाड़े ईं बात को परच्यार करबा लागो। ईं वाते ईसू कदी नगर में चोड़े-धाड़े ने जा सक्या, पण वीं हून्नी जगाँ में रेरिया हा अन मनक हर कटूँई वाँका नके आता रिया।
ទើបបានជ្រើសរើសហើយ៖
मरकुस 1: एम टी आर
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
(c) 2010-2017, New Life Computer Institute. All rights reserved