Luki 6
6
O Joa Bijua n die mi fuodima daali
(Mat 12.1-8; Mrk 2.23-28)
1Dayenli, U Tienu fuodima daali Jesu den tagi ki poandi ŋalikama kuani nni. O ŋoadikaaba den jobidi ŋalikama siandi ki nugi ki ŋmani. #Tia 23.26. 2Farisieninba bi tianba den yedi ba: «Be n teni ke yi tiendi yaala n kua mi fuodima daali?» 3Jesu den guani ki yedi ba: «Naani yii cogi Davidi n den tieni yaala mi koma n den cuo o, wani leni yaaba n ye leni o kuli yo? #1Sam 21.1-6. 4O den kua U Tienu diegu nni, ki taa dupengagidika ki ŋmani. Li den kua nitoa kuli n ŋmani dupen yeni, li yàá tie bi kopadicianba yaa ka. Ama Davidi den taa ki ŋmani, ki go teni yaaba n yegi leni o moko.» #Lev 24.9. 5Jesu go den yedi ba: «O Joa Bijua n die mi fuodima daali.»
Jesu paagi yaa joa yaa nuu n faani
(Mat 12.9-14; Mrk 3.1-6)
6Datoali mi fuodima daali goga, Jesu den kua li bali maama bangima dieli nni ki bangi bi niba U Tienu maama. O joa den ye likani ke o jienu faani. 7Li bali maama banda leni Farisieninba den kpaagi Jesu, ki baa le o yaa baa paagi o mi fuodima daali. Yeni, bi baa baa ban baa fidi ki kuli o leni yaala. 8Jesu den bani ban bungi yaala ki yedi yua yaa nuu n faani: «Fii ki sedi siiga nne.» O den fii ki sedi. 9Jesu den yedi ba: «N buali yi: ‹Naani li pia u sanu tin tieni yaala n ŋani bi yaala n bia mi fuodima daali, ki faabi o nilo, bi ki bolini o yo?› » 10O den diidi ki lindi bikuli ki yedi o joa yeni: «Tandi a nuu.» O den tandi u ke u paagi. 11Bi pala den beni hali ke li pendi, ke bi juogi leni biyaba ban baa tieni Jesu yaala.
Bi piiga n tondiliediba
(Mat 10.1-4; Mrk 3.13-19)
12Lanyogunu Jesu den gedi li juali po ki baa n jaandi. O den tieni ñiamungu ki jaandi U Tienu. 13Lan den fii ki faa, o den yini o ŋoadikaaba, ki gandi bi siiga nni piiga n nibilie, ki yini ba bi tondiba.
14Bi yela n tie ne: Simon, Jesu n den yini yua Pieli leni o waalo Andre, Jaki leni Jan, Filipi leni Batelemi, 15Matie leni Toma, Alife bijua Jaki leni Simon ban den yi yua o Yankuadaano,#6.15 Yankuadaano: Mi bonpienma nni tie zelote, yaala n taa bundima leni Kanana yua. Diidi Matie 10.4. 16Jaki bijua Jude leni Judasi Isikarioti#6.16 Mat 10.3 leni Mrk 3.18 yini Jude yeni Tade. Diidi Jan 14.22; JTT 1.13. Juda den tie yaa dogu n yi Isikarioti yua. Diidi Matie 10.4., yua n den ti tua i janbi daano.
Jesu bangi ku niligu ki go paagi a yiama
(Mat 4.23-25)
17Jesu den jiidi li juali po leni ba, ki sedi u tialu po. O ŋoadikaaba toaba boncianla den ye likani. Nitoaba moko den wuli ki ladi likani, ki ñani Jude nni leni Jerusalemi, Tiiri, Sidon leni yaa dogi n baali mi ñincianma kuli. Bikuli den cua ki bua ki gbadi o maama, ki go bua wan paagi ba bi yiani po. 18Mu cicibiadimu n den ye yaaba yaa niinni ki yagini bi yama moko den paagi. 19Ku niligu siiga yuakuli den moandi ki bua ki sii o, kelima u paalu den ña o niinni ki paagidi bikuli.
Li pamanmoanli leni o falabiado
(Mat 5.1-12)
20Lani, Jesu den yaadi ki diidi o ŋoadikaaba ki yedi:
«Li pamanli ye leni yinba yaaba n tie a luoda, kelima U Tienu diema tie yi yaame.
21Li pamanli ye leni yinba, mi koma n pia yaaba moala, kelima yi baa guo. Li pamanli ye leni yinba yaaba n buudi moala ne, kelima yi baa ti yaa laa.
22Li pamanli ye leni yi, bi niba yaa nani yi, ki deli ki ñandi yi bi siiga, ki sugidi yi, ki sengi yi nani ti joagindi yeni kelima o Joa Bijua yaa po. #1Pie 4.14.
23Li yaa tua yi po yeni yaa daali, yin mangi mani yi pala ki yaa yugi ki ciini li pamanli po, kelima yaa panpaani n bili yi po tanpoli po yabi. Bi yaajanba moko den tuuni bi saawalipuaba yene. #2Baj 36.16; JTT 7.52.
24Ama fala baa yaa ye leni yinba a piada, kelima yi mali ki baa yi yemanma no.
25Fala baa yaa ye leni yinba yaaba n pia ke li kandi moala ne, kelima mi koma baa ti gbadi yi. Fala baa yaa ye leni yinba yaaba n laa ti laadi moala ne, kelima yi pala baa ti boandi, yin yaa mua ti nunsiidi.
26Fala baa yaa ye leni yi bi niba kuli yaa ti pagi yi, bi yaajanba moko den pagi bi saawalipua-faadanba yene.
Mi buama yibalinba po
(Mat 5.38-48; 7.12)
27Yinba yaaba n cengi n maama, n yedi yi line: Yaa bua mani yi yibalinba, ki yaa tiendi yaala ŋani yaaba n nani yi po. 28Yaa gaaliti mani yaaba n solini yi, ki yaa jaandi yaaba n sugidi yi po. 29Nilo yaa pabi a kpianyendu po, ŋan pegidi ki teni o une mo. Nilo yaa fie a liadicianli, ŋan da yie ke o kan gaa a liadiga mo. 30Pa yua n mia ŋa kuli. Nilo yaa fie ŋan die yaala, da guani ki buali o la. 31Yin yaa tiendi bi niba po, nani yin bua ban yaa tiendi yi po maama. #Mat 7.12. 32Yi yaa bua yaaba n bua yi, bi baa pagi yi yeni mo lede? Ba ti tuonbiadi danba moko bua yaaba n bua ba. 33Yi yaa ŋanbidi yaaba n ŋanbidi yi po yaa po, bi baa pagi yi yeni mo lede? Ti tuonbiadi danba moko tiendi yene. 34Yi yaa ledi yin daani ke yaaba n baa guani ki pa yi yi ligi, bi baa pagi yi yeni mo lede? Ti tuonbiadi danba moko ledi bi tuonbiadanlieba bi ligi, ke ban guani ki pa ba. 35Ama yin yaa bua mani yi yibalinba, yaa ŋanbidi mani bi niba po, ki yaa ledi ba ki da daani ke yi baa guani ki gaa bi kani liba. Yeni, yi panpaani baa yaa yabi, yi baa yaa tie U Tienu yua n ye hali tanpolijoma bila, kelima wani, o ŋanbidi bi ŋanwaadanba leni bi nibiadiba kuli po. 36Yin yaa tiendi mani mi ŋanma nani yi Baa moko n tiendi mi ŋanma maama yeni.
Ŋan da ja ti buudi
(Mat 7.1-5)
37Yin da ja mani ti buudi, ke U Tienu n da ti jia yimo yaa buudi. Yin da bu ki cuo oba, ke ban da ti bu ki cuo yimo. Lani, bi kan jia ki bili yimo yaa cuonu. Yaa tiendi mani yi nisaalilieba tagili po sugili, lani bi baa tieni yimo yaa tagili po sugili. 38Yaa puuni mani, lani bi baa yaa puuni yimo ki biigidi yi po bonŋanla, ki ñiigi ki yegini ki kuodi hali lan cuudi. Bi baa taa yin biigidi nitoaba po leni yaa bonbiigikaala, ki biigi yimo yaa po.»
39Jesu den pua ba mi kpanjama moko ki yedi: «Naani o juamo baa fidi ki dadi o juamo bi? Bani nibilie yeni kuli kan baa ku buogu nni te? #Mat 15.14. 40O ŋoadika ki cie o canbaa, ama yaa ŋoadika n bangi ki gbeni, o baa yaa naani leni o canbaa. #Mat 10.24-25; Jan 13.16; 15.20.
41Be yaa po ke a nua yaa muagu n ye a lielo nunbu nni, ki naa nua yaa dajenli n caa a yaabu nni? 42Li gaa lede ke a baa yedi a kpiilo: ‹N kpiilo, cedi min ñani yaa muagu n ye a nunbu nni,› fini yua n ki nua yaa dajenli n caa a yaabu nni? Fini palalie daano, ŋan kpa ñani yaa dajenli n caa a yaa nunbu nni, lane a baa fidi ki le bonŋanla ŋan baa ñani yaa muagu n ye a lielo yaabu nni maama.
Bu tibu leni bu bonluonkaala
(Mat 7.15-20; 12.33-37)
43Tiŋanbu kan luoni yaa bonluonkaala n ki ŋani. Yaa tibu n ki ŋani mo kan luoni yaa bonluonkaala n ŋani. 44Bi bandi tibu kuli kelima bu bonluonkaala po yo. Bi kan sobidi a kankana ku konkongu po, bi kan go sobidi i cabi u naakpanyuanu po. #Mat 12.33. 45O niŋamo ñandi o paŋanli nni yaala n ŋani, o nibiado mo ñandi o pabiadili nni yaala n bia, kelima o nilo maadi yaala n gbie o pali nne. #Mat 12.35.
A dielieda
(Mat 7.24-27)
46Be n teni ke yi yi nni: ‹Li Miali Diedo U Tienu,› ki naa tiendi min yedi yaala? 47N baa waani yi yua n cua n kani ki gbadi n maama ki tiendi min yedi yaala kuli n naani leni yua. 48O tie nani yaa nilo n den bua ki maa li dieli. O den gbiidi hali ke li ñuagi ki pundi ku tangu, ki puu li tanpuuli ku yaa po ki maa o dieli. Li ñingocianli n den cua ki puubi ki tudi li dieli yeni, lii den fidi ki ŋmiagi li kelima li den maa ku tangu po. 49Ama yua n gbadi n maama ki naa tiendi man yedi yaala, omo tie nani yaa nilo n maa li dieli ki naa kpa gbiidi ki puu li tanpuuli, ama ki puu ki tinfanga po. Li ñingocianli n puubi ki tudi li yaa yogunu liga, li den baa. Li dieli yeni mudima den bia.»
ទើបបានជ្រើសរើសហើយ៖
Luki 6: BGP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Gulmancema Protestant Bible © Bible Society of Burkina Faso, 2013.
