LIRAANGA KUKHURAANJILILA
KUKHURAANJILILA
Liraanga, nalio lira livoolanga “Vuraanjililu.” Shitabu yishi, shivaalanga makhuva khulondokhana khuli likulu nende lilova vialoongwa, khuli mundu yaloongwa, khuli vwoni nende linyakhana viaranga mu shivala, khandi khuli Nyasaye akholanga mihinzilu chiechie mu vandu. Shitabu yishi shinyala khukavulwamu mu vikha vikali vivili: Shikha shiukhuraanga miliango 1—11, shivaalanga makhuva khuli shivala shialoongwa khandi makhuva kakhale khulondokhana khuli mundu yaloongwa. Khulimu na makhuva kahandikwa khulondokhana khu Adamu nende Hawa, Kaini nende Abili, Nuhu nende michelelo chia matsi, khandi khulondokhana khu Munaara kumbakhwa mu litaala likali lia Babilonia. Shikha shia khavili miliango 12—50 shivaalanga makhuva khulondokhana khu vakuuka vali vakhale va Israeli. Kuuka wali wu khuraanga yali Aburahamu; yali wamanyikhana muno shichila lisuuvila lielie khandi khuli yalondanga malako ka Nyasaye. Kalondakhu kivaalanga makhuva khulondokhana khu mwana wewe Isaka, khandi khulondokhana khu kuuka wewe Yakobo (walaangwangwa lira lindi Israeli); khandi makhuva khulondakhana khu vaana likhomi na vavili va Yakobo, varaanjitsa vandu vi tsimbia likhomi na tsivili tsia Israeli. Khushila muno, makhuva manyishi kahandikwa khulondokhana khu mulala khu vaana venavo, walaangwangwa Yosefu, khandi vindu viachila Yakobo nende vaana veve vi shiyayi vandi halala na vandu vi tsinzu tsiavo vasimukha nivatsia khumenya mu shivala shia Misri.
Khali niiva shitabu yishi shivaalanga makhuva kahandikwa khulondokhana khu vandu, lichomo likali mu shitabu yishi lili khulondokhana khu mihinzilu chia Nyasaye yali nakholi. Shiranganga nu khumanyinya havulavu ndi Nyasaye neye waloonga likulu nende lilova, khandi shimalilanga ni lilaaka ndi Nyasaye alatsililila khukhonya vandu veve. Nusoma mu shitabu yishi shiosi, Nyasaye neye ulomolomwakhu mu vunyishi, uli nu muhinzilu ku khukhalachila khandi khusalilitsa vandu vakholanga vindu vitamanu. Shivaalanga khandi khulondokhana khuli Nyasaye yimililanga khandi akhonya vandu veve, nu khuvakholela ka yenyanga khumatukhu koosi kikholeshe mu limenya liavo. Shitabu shiakhale yishi shiahandikwa munjila indahi yene khumanyinya makhuva khulondokhana khu lisuuvila lia vandu nu khuvakhonya vatsililile khuva mwoyo shichila lisuuvila lienelo.
Kalimu Muvwimbi
Khuloongwa khwi Likulu, Lilova nende Vandu 1:1—2:25
Khuli Vwoni nende Linyakhana Viaranga 3:1-24
Khuraanjila khu Adamu khutukha khu Nuhu 4:1—5:32
Nuhu nende Michelelo chia Matsi 6:1—10:32
Munaara kwa Babilonia 11:1-9
Khuraanjila khu Shemu khutukha khu Abramu 11:10-32
Vakuuka: Aburahamu, Isaka nende Yakobo 12:1—35:29
Vitsukhulu va Esau 36:1-43
Yosefu nende Vamwavo Veve 37:1—45:28
Vaisraeli mu Shivala shia Misri 46:1—50:26
ទើបបានជ្រើសរើសហើយ៖
LIRAANGA KUKHURAANJILILA: LLLCATHOLIC
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© The Bible Society of Kenya, 2013