Akisy. 10
10
Ŋipapae a ŋidwe a Noa
(1 Ŋakiro a ŋirwa 1:5-27)
1Erae lu ŋirorwa a ŋipapae a ŋidwe a Noa a lu: Sem, Am ka Yapes; erae lu ŋidwe ŋulu a potu ikes touruut ekaku ka akalele.
2Ŋidwe a Yapes ŋulusapa lu: Gomer, Magog, Madai, Yapan, Tubal ka Mesek ta Tiras. 3Ŋidwe a Gomer ŋulusapa lu: Askenas, Ripas ka Togarima. 4Ŋidwe a Yapan ŋulusapa lu: Elisa, Tarisis ka Kitim ta Dodanim. 5Lopapae a Yapes ŋul akorarotor ŋituŋa ŋulu eboiyete alodiyete ŋanamyo nakwapin. Totyakaros ŋulutuŋa irworosi aŋajep apei ka erae ateker apei ka a ŋakwapin kec.
6Ŋidwe ka Am ŋulusapa ikes lu: Kus, Ijipit, Put ka Kanaan. 7Ŋidwe a Kus ŋulusapa lu: Seba, Apila, Sabita, Raama ka Sabiteka. Ŋidwe a Raama ŋulusapa lu: Ceba ka Dedan. 8Abu Kus touru Nimirod ŋolo abu toruwor arwonit ŋina esyaunan anakwap a daadaŋ, ekajion ŋolo agogoŋon. 9Anakiŋarakinet a ŋina ke Ekapolon, arae Nimirod ituŋanan ŋini erikana ŋityaŋ nooi. Ŋun iŋes erworotor ŋituŋa ebasi, “Ikigasi ikituruwo Ekapolon iyoŋ ekerikan ŋityaŋ nooi ikwapei Nimirod.” 10Abu apukan a Nimirod kisyak alo Babilon, Erek, Akad ka Kaline. Aya ŋakiboisyo ŋun nakwap ŋina a Sinar. 11Alo Sinar, abu Nimirod tolot Asiriya, todukok ŋitaunio lu nen: Ninepe, Reobosir ka Kala; 12todukok Resen kidiŋ Ninepe ka etaun ŋolo apolon nooi ŋolo anyaritae Kala. 13Touru Ijipit Ludim, Anamim, Leabim, Napituim, 14Pusirusim ka Kapitorim ta Kasiluim ŋolo erae neni keŋ aponiata Ŋipilistin.
15Touru Kanaan Sidon lokoku keŋ ŋolokiyae ka Es 16ta Ŋiyebusi, Ŋiamori, Ŋigiragasi, 17Ŋiipi, Ŋiarakit, Ŋisiniti, 18Ŋirapaditi, Ŋisemariti ka Ŋiamasiti. Ekaku, apotu Ŋikanaani ŋul kielakin akwap. 19Arae egyer ka akwap a Ŋikanaani iŋes lo: Anyoun a lo Sidon alowae a ŋolo a Gerar tari Gasa; nabo alowae a ŋolo a Sodoma, Gomora, Adama ka Seboim tari Lasa. 20Ŋul ikes ŋidwe ka Am ŋulusapa ŋulu apotu kiboikinos nakwap a ŋatekerin kec, a ŋaŋajepa kec, a ŋakwapin kec ka a ŋulutuŋa.
21Touru Sem daŋ Eber ŋolo abu touru ŋisapa, arae Eber lokaato a Yapes a ŋolo arae ekiyae alokal kec. 22Ŋidwe a Sem ŋulusapa lu: Elam, Asur, Aripakasad, Lud ka Aram. 23Ŋidwe ka Aram ŋulusapa lu: Us, Ul, Geser ka Mas. 24Touru Aripakasad Selak, touru Selak Eber. 25Touru Eber ŋisapa ŋiarei, ŋolokiyae arae Peleg #10:25 Peleg iŋes atemar atyakatyak edounio iŋes ŋirwa ŋulu atyakatyatar ŋituŋa anakwap; arae ekiro alokaato keŋ Yokitan. 26Touru Yokitan Alimodad, Selep, Asarimapes, Yera, 27Adoram, Usal, Dikila, 28Obal, Abimael, Seba, 29Opir, Apila ka Yobab. Arae ŋul daadaŋ ŋidwe a Yokitan ŋulusapa. 30Eboiyete ikes anyoun alo Mesa tari Separ nakwap ŋina a ŋikamukumukui ŋina iwasiyarit Kide. 31Erae lu ŋirorwa a ŋipapae a Sem a ŋikalya kec, a ŋaŋajepa kec, a ŋakwapin kec ka a ŋulutuŋa. 32Ŋirorwa a ŋikalya a ŋidwe a Noa a ŋulusapa ikes ŋul, akisyakin aneni atapapaa kec, a ŋakwapin kec. Lotuŋa ŋul eelakinotor ŋituŋa nakwapin ekaku ka akalele.
ទើបបានជ្រើសរើសហើយ៖
Akisy. 10: NIB2008
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Ngakarimojong Interconfessional Bible © Bible Society of Uganda, 2008.