Yohane 1
1
Ngoa dwirɛ ne
1 #
Yes 55.11; Nye 19.13; Flp 2.6; Gye 1.1 Ahyɛaseɛ ne, né Edwirɛ ne wɔ berɛ, né Edwirɛ ne ne Nyameɛ yeɛ bɛwɔ berɛ ɔ, na Edwirɛ ne ala yeɛ ɔte Nyameɛ ɔ. 2#Gye 1.1; Nye 1.8 Ahyɛaseɛ ne, né ɔne Nyameɛ yeɛ bɛwɔ berɛ ɔ. 3#1 Kor 8.6; Kol 1.16; Heb 1.2 Ɔnate ye so yeɛ bɛyɔle nningyein amukoraa ɔ, na bangwati ye banyɔ nikyee biala bɔ bɛyɔle ɔ. 4#Heb 7.16; Nye 1.18; Edw 36.9 Ye nu yeɛ ngoa wɔ ɔ; na ngoa ne te mmenia kanea. 5#Edw 18.28 Na kanea ne ta awosii nu, na awosii ne angora angye kanea ne.
6 #
Mat 3.1
Na biaa bie wɔ berɛ bɔ Nyameɛ somane ye ɔ, bɔ ye dumaa li Yohane. 7Ye yeɛ ɔwale adanzeɛlilɛ, kyɛ ɔbaali kanea ne nwo adanzeɛ, amaa ɔnate ye so mmenia mukoraa bale bali. 8Nna ye bɔbɔ ole kanea ne, na mmom ɔwale oolili kanea ne nwo adanzeɛ. 9#Yes 49.6 Nahorɛ kanea bɔ ɔta ma sona biala ne yeɛ né ɔba wiase ɔ. 10Né ɔwɔ wiase dada, na ɔnate ye so yeɛ bɛbɔle wiase ɔ, nakoso wiase annwu ye 11#Yes 53.3 Ɔwale ye bɔbɔ ye deɛ nu, nakoso ye bɔbɔ ye mmenia banne ye bando nu. 12#Gal 3.26; Rom 8.14 Nakoso mmeni soma bɔ belele ye bɛtole nu, bɛ bɔ belele ye dumaa belili ne, ɔmane bɛ tumi maa bɛɛyɛle Nyameɛ mma; 13#Yak 1.18; 1 Pet 1.23 bɔ bamva mogya so, anaakyɛ anwoɔnaen apɛdeɛ so, anaakyɛ sona apɛdeɛ so, na mmom Nyameɛ nu yeɛ bɛwole bɛ ɔ.
14Na Edwirɛ ne ɔɔyɛle anwoɔnaen, na ɔne yɛ ɛɛtenane, na yɛnwuni ye animnyam kyɛ Baba n’Awa bɔ ɔwole ye komapɛ twe n’animnyam, na adom ne nahorɛ ayi ye tɛkyɛ. 15Yohane lili ye nwo adanzeɛ, na ɔteane nu hane kyɛ, “Ɛhe ole bɔ ngane ye nwo dwirɛ kyɛ, ‘Bɔ oli me si ɔ́ba ne, odi mu tra me, ofikyɛ né ɔwɔ berɛ koraka yeɛ meba ɔ.’ ” 16Ɔnate ye adom totohyia ne aso yeɛ yɛ mukoraati yanya adom mmorosoɛ ɔ. 17Mmeraa ne de, bɛnate Mose so yeɛ bɛfa bɛmane ɔ; na adom ne nahorɛ ne de, ɔnate Yesu Kristo so yeɛ bɛwale ɔ. 18#Yoh 3.16, 18; 1 Yoh 4.9 Ebiala nnwuni Nyameɛ le; sana Baa komapɛ twe ne, bɔ ɔla Baba n’ahone nwo ne, na ye yeɛ wala ye ali wahyire ɔ.
Yohane di Yesu nwo adanzeɛ
(Mateo 3.1-12; Marko 1.1-8; Luka 3.1-18)
19 #
Mat 3.1
Na adanzeɛ he yeɛ Yohane lili ɔ, mmerɛ bɔ Yudafoɛ bɛsomane asɔfo mɔ ne Lewifoɛ befili Yerusalem maa beebisale ye kyɛ, “Nwa ole wɔ?” 20#Luk 3.15, 16 Ɔhane ye pefee, na wanza; na ɔhane ye pefee kyɛ, “Nna me ole Kristo ne.” 21#Mat 11.14; Deut 18.15 Na bebisale ye kyɛ, “Nzaade, nwa ole wɔ? Wɔ ole Elia anaa?” Na obuale kyɛ, “Nna me ole ye.” Na besa bebisale kyɛ, “Wɔ ole ngɔmhyɛlɛniɛ ne anaa?” Na obuale kyɛ, “Daabi.” 22Yeɛ bebisale ye kyɛ, “Nzaade nwa ole wɔ? Na yɛnya mmuayɛɛ yɛɛma bɛ bɔ bɛsomane yɛ ne. Nzikyɛ dwirɛ yeɛ ɛkã fa wɔ bɔbɔ wɔ nwo ɔ?” 23#Yes 40.3; Mat 3.1 Na obuale kyɛ, “Me ole komviɛ bie bɔ ɔtea nu wɔ ɛserɛ so kyɛ, ‘Ɛ́mɔtengyɛ Awurade atee,’ kyɛbɔ ngɔmhyɛlɛniɛ Yesaya hane ne.”
24Na ɛbɔfoɛ mɔ bɔ Farasiifoɛ nemɔ somane bɛ ne, 25bebisale ye kyɛ, “Na sɛ nna wɔ ole Kristo ne, anaa Elia, anaa ngɔmhyɛlɛniɛ ne a, né nzu ati yeɛ ɛ́bɔ asu ɔ?” 26#Mak 1.4 Yeɛ Yohane buale bɛ kyɛ, “Me de, mefa nzue yeɛ mebɔ asu ɔ; nakoso ebie bɔ ɛmɔnze ye ɔ ogyi ɛmɔ afia wa. 27#Mak 1.7 Ye ole bɔ oli me si ɔ́ba, bɔ memvata kyɛ mesangye ye mbaboa nyamaa po ɔ.” 28#Yoh 3.26; 10.40 Edwirɛ hemɔ sili wɔ Betania, wɔ asue Yɔɔdan si dɔ, nekaa bɔ né Yohane ɔ́bɔ asu ne.
Nyameɛ Boaen Ba ne
(Mateo 3.13-17; Marko 1.9-11; Luka 3.21-22)
29 #
Gye 22.8; Yes 53.7; Nye 5.6; 13.8; 1 Pet 1.19 Aleɛ hyene ne, Yohane nwuni Yesu kyɛ ɔba ye berɛ ɔ, na ɔhane kyɛ, “Ɛ́mɔnea, Nyameɛ Boaen Ba ne, bɔ ɔye wiase bɔne fi berɛ ne! 30Ɛhe ole bɔ ngane ye nwo dwirɛ kyɛ, ‘Biaa bie li me si ɔ́ba bɔ odi mu tra me ɔ, ofikyɛ né ɔwɔ berɛ koraka yeɛ meba ɔ.’ 31Me bɔbɔ de, ahaa menze ye; nakoso mmale kyɛ mebaafa nzue mebɔ asu, kyɛbɔ ɔkɔyɛ bɔ bɛkɔye ye bekohyire Yisrael ɔ.” 32#Mat 3.16 Na Yohane lili adanzeɛ kyɛ, “Nwuni Sunzum ne kyɛ ofi nyameɛso odwu ba ase kyɛ abubure ɔ, na ɔtenane ye so. 33Me bɔbɔ de, né menze ye, nakoso bɔ ɔsomane me kyɛ mmamva nzue mmɔ asu ne yeɛ ɔhã hyirele me kyɛ, ‘Bɔ ekonwu kyɛ Sunzum ne ódwu batena ye so nen, ye ole bɔ ɔbɔ asu Sunzum Krongron nu ne.’ 34Me bɔbɔ manwu ye, na medi adanzeɛ kyɛ ye ole Nyameɛ Awa ne.”
Yesu frɛ ye asuafoɛ bɔ beli moa
35 #
Mat 3.1
Aleɛ hyene bieku nen, né Yohane ne ye asuafoɛ nyɔ begyigyi berɛ. 36Na onwuni kyɛ Yesu nate berɛ nen, ɔhane kyɛ, “Ɛ́mɔnea, Nyameɛ Boaen Ba ne ɛhe!” 37Asuafoɛ nyɔ ne tele bɔ ɔhane ne, na beelili Yesu si. 38#Mat 23.7 Yesu kakyili ye nwo, na onwuni kyɛ beli ye si nen, obisale bɛ kyɛ, “Ɛmɔpena nzu?” Na bebuale ye kyɛ, “Rabi” (ye bo kyire Kyerɛkyerɛniɛ), “nisua yeɛ ɛte ɔ?” 39Na osele bɛ kyɛ, “Ɛmɔbra bɛɛnea.” Na bɛhɔ bɛɛneane nekaa bɔ ɔte ɔ, na bɛɛtenane ye berɛ sɔ kyẽa ne, ofikyɛ né wabɔ kɔyɛ nɔsoa nnɔnan. 40Mmenia nyɔ bɔ betele kyɛ Yohane ódwudwo ná beelili ye si ne, ko ole Andrea, Simɔn Petro aliɛma ne. 41Olili moa nwuni oliɛma Simɔn, na osele ye kyɛ, “Yanwu Mɛsaya ne” (bɔ ye bo kyire Kristo ne). 42#Mat 16.18; 1 Kor 15.5 Ɔfale ye hɔle Yesu berɛ, na Yesu neane ye haa sele kyɛ, “Wɔ ole Simɔn, Yohane awa ne. Bɛkɔfrɛ wɔ Kefa.” (Ye bo kyire Petro#1.42: PETRO: Nyɔbotaen.).
Yesu frɛ Filipo ne Nataneɛl
43 #
Mat 4.19
Aleɛ hyene ne, Yesu yɛle ye adwene kyɛ ɔkɔ Galilea. Onwuni Filipo, na osele ye kyɛ, “Di me si!” 44Filipo fi Betesaeda, Andrea ne Petro bɛ kuro. 45#Luk 24.27 Filipo nwuni Nataneɛl, na osele ye kyɛ, “Bɔ Mose, wɔ mmeraa ne anu, ɔne bɔ ngɔmhyɛlɛfoɛ bɛhyerɛle ye nwo dwirɛ ne, yanwu ye: Yesu bɔ ofi Nasarɛte, Yosef awa ne.” 46Na Nataneɛl bisale ye kyɛ, “Aso nikyee paa bie kɔhora kofi Nasarɛte kɔwa?” Yeɛ Filipo buale ye kyɛ, “Bra baanea.” 47#Edw 32.2 Na Yesu nwuni kyɛ Nataneɛl ɔba ye berɛ nen, ɔhã fale ye nwo kyɛ, “Ɛ́mɔnea, Yisraelniɛ turoloo bɔ ngondombo biala nne ye nu ɔ!” 48Na Nataneɛl bisale ye kyɛ, “Nisua yeɛ ɛse me ɔ?” Yesu buale kyɛ “Anzana Filipo baafrɛ wɔ, bɔ né ɛwɔ borɔdoma bakaa ne abo nen, yeɛ nwuni wɔ ɔ.” 49#Edw 2.7; Mak 15.32; Yoh 12.13 Nataneɛl buale kyɛ, “Rabi, wɔ ole Nyameɛ Awa ne! Wɔ ole Yisrael Hene ne!” 50Yesu buale kyɛ, “Ɔnate kyɛ nga ngyirele wɔ kyɛ nwuni wɔ wɔ borɔdoma bakaa ne abo ne ati yeɛ ede di ye anaa? Ekonwu anwanwadeɛ mbiri bɔ ɔtra ɛhemɔ ɔ.” 51#Gye 28.12; Mat 3.16 Na Yesu sele ye kyɛ, “Nahorɛ nu paa, mekã mekyire ɛmɔ kyɛ, ɛmɔkonwu kyɛ nyameɛso abukye, ná Nyameɛ abɔfo mɔ bɛ́fo na bédwu Sona Awa ne so ɔ.”
ទើបបានជ្រើសរើសហើយ៖
Yohane 1: EBP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Esahie Bible © Bible Society of Ghana, 2018.
