Saint Luc 17
17
1Da kè sa hi njou‐séna bong nèli: Mi tane ma baï dèna fèn fèna ya; da go̱ro̱ séta mi ba baï a kè on ko̱ mi ba fèn on bi domboro! 2Dadaon baï a njoukou aïn an klime gna loukou kone nène bi solè ka wou nè bou loukou mbi, ka ba aïn an kème nding fèn an lélé goune hana mbéo mi bèn. 3Oui pèng mone baï.
Tokoré yine no mi nding fèn bèlya, mo ba baï hi nè; da tokoré kème hèkè békéfèn nèli, mo yèng bi mboro nè. 4Da tokoré kème nding fèn bèlya jing mo bo̱ko̱ difala‐séré ka name mbéo, da kème féré bo̱ko̱ difala‐séré ka sa: Mè hèkè békéfèn nili tou, mapélékè mo yèng bi mborokè.
5Da njou‐mboro‐pinali mi sa hi Nanjou: Mo taïn tounassaon kon hi na an mi guèbambèl. 6Da Nanjou mi sa: Tokoré ko̱ tounassaon abaï mi mahana ka mèrèn sénévé, oui ma sa hi di sycomore aïn: Mo ourou ka saonkè fèno ka sé goro mono an bil loukou mbi tome; da koukoulion di aïn ma la oui.
7Guè an woro baï ko̱ koï nè mi kaou baï panapaï an waka, maléba kè kaou baï kora badouali, da tokoré kème féré an waka, yé kè sa hi njou‐bakara aïn lé: Mo gui koukoulion, ka kaou ka son laka lé? 8Da kè ba sana on hi nè tane tiya, da kè sa: Mo jou laka an mème son, mo bou la no, ka nding bakara hi mi bo̱l ko̱ mème son ka njo o̱da; da afal on yé mo ma ndé son ka njo kéng. 9Kè kaou koukoula hi koï on baï ko̱ kème nding fèn aïn ko̱ kème sa bi njakè lé? 10Da on oui kéng, tokoré ouime nding fènli on bon ko̱ mi sa bi njaka baï tou, oui sa: Na ba koïli bo̱on, na nding fèn aïnli ko̱ name mabongkè baï ndingnakè.
11Da baï mi gui mahana ka on, ko̱ Jésus mi guè séna pou Jérusalem, kè ta sé koukoula an guèl Samarie da sél koukoula an guèl Galilée. 12Da ko̱ kème kan bil pou hana mbéo, kè woutoul jing njou‐ndo̱wèli bo, da kli o dita. 13Da kli wan njaka mingta, ka sa: Jésus, njou‐to̱ko̱nafèn, mo nding haïo hi na! 14Da ko̱ kème ko̱ kli, kè sa hi kli: Oui sé ka to̱ko̱ mone baï hi sacrificateurli. Da baï mi gui mahana ka on, ko̱ klime yé séna, ndo̱wè aklili mi fé bon tou. 15Da hana mbéo an wora kli ko̱ kè ko̱ko̱ monè mi haï tou, kè féré ka jone Ouone, ka wan njaka. 16Da kè lé ka goukou nonè koukoula an mbèla bo̱ka Jésus, da kè kaou koukoula hi nè. Da kè ba njou‐Samarie. 17Da Jésus mi féré sa, ka sa: Oui mane bo ko̱ ndo̱wèli an mone baï mi fé tou ya lé? Da afékéli difala‐nèng an hane mèlé? 18Njoukouna mbéo mi tane ga féré baï hina jonafèn hi Ouone ya, bo̱l ba goni njoukou aïn mbéo bo̱l lé? 19Da Jésus mi sa hi nè: Mo ourou siya, mo sé; mbo̱l tounassaon on mi ko̱ kou mo tou.
20Da ko̱ pharisienli mi oui Jésus ba ko̱ bilkaou a Ouone mi gui ka name fèn lé, kè féré sa hi kli, ka sa: Bilkaou a Ouone mi gui, ti ka ba mboro ko̱nakè ya. 21Kli tane ma baï sanakè ya: Mo ko̱, an guèl aïn, maléba: An soko. Oui ko̱, baï ko̱ bilkaou a Ouone mana an woro baï.
22Da kè sa hi njou‐séna bongli: Yé namkè ma gui o, da ko̱ ouime ji baï ko̱na name mbéo a name a Goune a njoukou, da yé oui tane ga ma baï ko̱nakè ya. 23Da yé kli ma sa hi oui: Mo ko̱ an soko, da mo ko̱ an guèl aïn. Oui ourou ya, oui tane sé fal kli ya. 24Baï ko̱ mahana ka ba fananone mbame ko̱ mi fan none mboro mbéo an bo̱ko̱ nonkala bo̱l tèn mbora lèkè ka bo̱ko̱ nonkala, yé Goune a njoukou ma gui mahana ka name amè. 25Da kè ma to̱ko̱ssé jing fènli nyèta ti dambèl da mèran njoukou aïnli ma pong nè.
26Da mahana ka on ko̱ mi tèn ka name a Noé, mono ndé mahana ka on ka name a Goune a njoukou kéng. 27Kli son, kli njo, kli é waïn da hi waïn baï éna nè bo̱l tèn name ko̱ Noé ri bil kombone; da mbina loumi mi gui, da i kli bon. 28Mahana ka on ko̱ mi tèn ka name a Lot, kli son, kli njo, kli njé, kli jo̱l, kli goro mèrènfèn, kli za voulou; 29da name on ko̱ Lot mi yèng pou Sodome, mbame mi to̱ ka ba hèlè da soufre lé ka nonkala da i kli bon. 30Mono, ndé mahana ka on ka name ko̱ Goune a njoukou mi gui.
31Ka name o̱kèo̱, kè ko̱ makaou an toul voulou da fèn nèli mana an bil voulou, yèng an kème diri baï fana fèn nèli tèn kala ya; da yèng kè on ko̱ mi kaou an bil waka, an kème féré fal ya. 32Oui yangnaran waïn a Lot ya. 33Njoukouna ko̱ nza baï kouna yana nè yé kè bo̱l yana nè, da njoukouna ko̱ bo̱l yana nè ma kou yana nè. 34Mè sa hi oui: Ka hangnachoung o̱kèo̱, njoukouli séré ma na name an bil toko mbéo, kè ma ya aïn mbéo da yèng kènkè. 35Waïnli séré ko̱ mi kaou kone nène jing hana, kè ma ya aïn mbéo, da yèng kènkè. 36Njoukounali séré ko̱ mi kaou bil waka, kè ma ya aïn mbéo, da yèng kènkè.
37Da klime féré sa, ka sa hi nè: An hane dé? Nanjou lé? Da kè sa hi kli: Guèl ko̱ kli‐mone mana, mono yé dikili ma ndé ndoï an ndourou kéng.
ទើបបានជ្រើសរើសហើយ៖
Saint Luc 17: KBN1947
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Published by the British and Foreign Bible Society in 1947.
