Saint Luc 13
13
1Name o̱kèo̱ njoukou hanali makaou soko, da kli sa baï toula njou‐Galiléeli hi nè, ko̱ jinguèl Pilate mi ya séme akli, ka gnama jing sacrifice aklili. 2Da Jésus mi féré sa, ka sa hi kli: Oui kèrè ba njou‐Galiléeli on mi ba njou‐békéfènli ta gara njou‐Galiléeli bon, baï ko̱ klime to̱ko̱ssé jing fènli on lé? 3Mè sa hi oui, haï. Da tokoré ouime tane ga hèkè békéfèn abaï ya, yé oui bon ma limna mahana ka kli. 4Maléba ouime kèrè ko̱ njoukouli mi mane botoulè‐difala‐saï, ko̱ gangnafèn Siloé mi lé toul kli, ka i kli, kli on mi ba njou békéfènli ta njoukou afékéli bon ko̱ bi a pou Jérusalem lé? 5Mè sa hi oui, haï. Da tokoré ouime tane ga hèkè békéfèn abaï ya, yé oui bon ma limna mahana ka kli.
6Da kè sa ébélbaï aïn: Njoukouna mbéo mi goro di njouï mbéo an bil waka nè. Da kè gui baï nzana lénakè an ndourou, da kè tane ko̱ hana mbéo ya. 7Da kè sa hi njou‐ko̱ra waka on: Mo ko̱, ma saka saï tou, da mè gui baï nzana léna di njouï on, da mè tane ga ko̱ hana mbéo ya. Oui koung di on: baïfèn da kè mi dèn koukoula on bi bo̱on lé? 8Da kème féré sa, ka sa hi nè: Nanjou, mo yèng nè ka sakanaï da; da yé mème guéré sissili bi saonkè, da mème fan wènrèn kon bo̱ko̱kè kéng. 9Da tokoré mi lé lénakè bo̱l go on bèlta; da tokoré mi tane lé ya, yé mo ma koung nè kon koukoula.
10Da Jésus mi pane to̱ko̱na fèn an bil synagogue hana ka name sabbat. 11Da mono, waïn hana mbéo ko̱ kaou jing esprit jangma ko̱ komoron nè mane saka botoulè‐difala‐saï; kè biri, da sé guè siya pélé. 12Da ko̱ Jésus mi ko̱ nè, kè di nè, ka sa hi nè: Waïn, mè sél mo an jangma komoron no tou. 13Da kè goukou ndo̱kè toulè, da koukoulion kè ourou siya tane guédék, ka jone Ouone. 14Da go̱ro̱ a zaworo synagogue mi sé nè ta, baï ko̱ Jésus mi haï mona njou‐jangma, ka name sabbat, da kème féré sa, ka sa hi ro̱kè njoukouli: Name difala‐mbéo mana ko̱ njoukouli ma baï ndingna pina aklili, da mono on, oui gui ka name o̱kèlio̱ an kème haï mona njou‐jangma abaïli, da oui tane gui ka name sabbat ya. 15Da Nanjou mi féré sa hi nè, ka sa: Oui njou‐mongnafènli, oui mbéo mbéo bon, ka name sabbat, mo sél ndaïya no tèn torofio no an bil hila aklili, ka miri kli sé guè mbi njona ya lé? 16Da waïn on, ko̱ ba goune waïn a Abraham, kè on ko̱ Satan mi gna nè ma saka botoulè‐difala‐saï on, mapélékè yé mè sélè, ka name sabbat, an fèn on ko̱ mi gna nè ya lé? 17Da ko̱ kème pane sana baï on, bakèlion bon mi kaou ka chonron da ro̱kè njoukouli on mi jangndaï baï fèn bon ko̱ hi jonafèn ko̱ kème nding.
18Da mono on, kè sa,: Bilkaou a Ouone mahana ka fèn lé? da yé mè lé nè mahana ka fèn lé. 19Kè mahana ka mèrèn sènévé, ko̱ njoukou mi ya ka wou kon bil waka nè; da bou da lang mone ka tèn ba di, da ndoïli an nonkala mi kaou an bong wanando̱ko̱kèli.
20Da kè sa ba aféké: Yé mè lé bilkaou a Ouone mahana ka fèn lé? 21Kè mahana ka vounafèn on ko̱ waïn mi ya ka mou an bil chome mapa, ko̱ lé yong saï, bo̱l yé ko̱ mi vou mapa bon on.
22Da Jésus sé mboro amè, ka ta loukou pouli tèn lélé pouli, ka to̱ko̱ fèn, da ta sé guè domboro séna pou Jérusalem.
23Da njoukouna mbéo mi sa hi nè: Nanjou, njoukouli ko̱ kou, kli mi nyè ya lé? Da kè sa hi kli: 24Oui joung hang baï, baï rina sé bil njaka mboro ko̱ mi aya. Mè sa hi oui, yé njoukouli nyèta ma nza mborokè baï rina sé guè bilkè, da kli mapélékè baï rina sé guè bilkè ya. 25Da tokoré nanjou voulou mi ourou ka tou njakakè birou tou, da ouime kaou kala, oui tissaon baï hangna njaka mboro, ka sa: Nanjou, bourou njaka mboro hi na! Da kè ma féré sa, ka sa hi oui: Mè tane tou oui ya, da mè tane tou guèl ko̱ ouime ourou an ndourou ya. 26Da on yé oui tissaon baï sanakè: Na son ka njo an nono, mome to̱ko̱ fèn an bong pou nali. 27Da kè ma sa: Mè sa hi oui, mè tane ga tou kong oui gui ka ba guèl hane dé; oui ourou an bèl moni, oui bon ko̱ ba njou ndingna fèn maï maï. 28Guèl ko̱ lénaléou da sona sél kli mana an ndourou, ouime ko̱ Abraham da Isaac da Jacob da prophèteli bon an bilkaou a Ouone, da abaï kli ma wou oui tèn kala. 29Da kli ma gui ka mboro tènassé da ka mboro rinassé da ka mboro nord da sud; da makaou bèl table an bilkaou a Ouone. 30Da mono, njoukouli ko̱ ba sèkèrèkèli ma féré tèn ba titilikèli, da njoukouli ko̱ ba titilikèli ma féré tèn ba sèkèrèkèli.
31Ka l’heure o̱kèo̱ pharisien hanali mi gui, kli sa hi nè: Mo ourou guèl aïn da sé guèl aféké, baï ko̱ Hérode ji baï ina mo. 32Da kè sa hi kli: Oui sé ka sa hi guè on: Ko̱, mè ni zabololi da haï mona njou‐jangmali kassénaï da yépélé, da name a saïkè mè nding fèn nili o̱tou. 33Da mono, mè ma sé mboro ni kassénaï da yépélé da péla féké; baï ko̱ prophète mbéo ma baï houl an guèl aféké ya, wara pou Jérusalem ya.
34Jérusalem, Jérusalem, mo ko̱ i prophèteli ka wou kli ka kone, kli on ko̱ Ouone mi pi kli guè mono, bo̱ko̱ ro̱ko̱ta mè ji ndoïna goune noli jing hana, mahana ka ma kaka ko̱ ndoï goune nèli an bo̱ko̱ bassane nè, da oui tane ji ya! 35Mono on, voul baï mi na bo̱on jing oui da mè sa hi oui: Yé oui ma ko̱ mi ya, bo̱l ko̱ ouime sa: Same kè on ko̱ mi gui ka ling a Nanjou!
ទើបបានជ្រើសរើសហើយ៖
Saint Luc 13: KBN1947
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Published by the British and Foreign Bible Society in 1947.
