ម៉ាកុស 15:42-47 លុះដល់ល្ងាច ដោយព្រោះថ្ងៃនោះជាថ្ងៃរៀបចំ គឺមួយថ្ងៃមុនថ្ងៃសប្ប័ទ លោកយ៉ូសែប ជាអ្នកស្រុកអើរី‌ម៉ាថេ ជាសមាជិកដែលមានកេរ្ដិ៍ឈ្មោះល្អម្នាក់ក្នុងក្រុមប្រឹក្សា ហើយក៏ជាអ្នករង់ចាំព | ព្រះគម្ពីរបរិសុទ្ធកែសម្រួល ២០១៦ (គកស១៦)

ម៉ាកុស 15:42-47 គកស១៦

លុះដល់ល្ងាច ដោយព្រោះថ្ងៃនោះជាថ្ងៃរៀបចំ គឺមួយថ្ងៃមុនថ្ងៃសប្ប័ទ លោកយ៉ូសែប ជាអ្នកស្រុកអើរី‌ម៉ាថេ ជាសមាជិកដែលមានកេរ្ដិ៍ឈ្មោះល្អម្នាក់ក្នុងក្រុមប្រឹក្សា ហើយក៏ជាអ្នករង់ចាំព្រះរាជ្យរបស់ព្រះដែរ លោកទៅជួបលោកពីឡាត់ដោយក្លាហាន ដើម្បីសុំព្រះសពព្រះ‌យេស៊ូវ។ លោកពីឡាត់នឹកឆ្ងល់ ដោយឮថាព្រះ‌អង្គសុគតផុតទៅហើយ លោកក៏ហៅមេទ័ពមកសួរឲ្យដឹងថា ព្រះ‌អង្គសុគតមែន ឬមិនមែន។ ពេលលោកបានដឹងពីមេទ័ពនោះថាព្រះ‌អង្គសុគតមែន លោកក៏ប្រគល់ព្រះ‌សពព្រះ‌អង្គដល់លោកយ៉ូសែប។ លោកទិញសំពត់ទេស‌ឯក យកព្រះ‌សពព្រះ‌អង្គចុះ រុំនឹងសំពត់ទេសឯកនោះ បញ្ចុះទៅក្នុងផ្នូរដែលបានដាប់នៅក្នុងថ្ម រួចប្រមៀលថ្មមួយផ្ទាំង បិទមាត់ផ្នូរ។ នាងម៉ារាជាអ្នកស្រុកម៉ាក់‌ដាឡា និងនាងម៉ារា ជាម្តាយយ៉ូសេ បានឃើញកន្លែងដែលគេបញ្ចុះព្រះ‌សពព្រះ‌អង្គ។

អាន ម៉ាកុស 15