នាងអេសធើរ 4:12-16 គេក៏ទៅជម្រាបម៉ា‌ដេកាយ តាមពាក្យរបស់ព្រះ‌នាងអេសធើរ។ ពេលនោះ ម៉ា‌ដេកាយក៏ប្រាប់គេឲ្យឆ្លើយតបនឹងព្រះនាងអេសធើរថា៖ «កុំនឹកស្មានថា ព្រះ‌នាងនៅក្នុងដំណាក់របស់ស្ដេច នឹងគេចផុតលើសពីស | ព្រះគម្ពីរបរិសុទ្ធកែសម្រួល ២០១៦ (គកស១៦)

នាងអេសធើរ 4:12-16 គកស១៦

គេក៏ទៅជម្រាបម៉ា‌ដេកាយ តាមពាក្យរបស់ព្រះ‌នាងអេសធើរ។ ពេលនោះ ម៉ា‌ដេកាយក៏ប្រាប់គេឲ្យឆ្លើយតបនឹងព្រះនាងអេសធើរថា៖ «កុំនឹកស្មានថា ព្រះ‌នាងនៅក្នុងដំណាក់របស់ស្ដេច នឹងគេចផុតលើសពីសាសន៍យូដាទាំងអស់នោះឡើយ។ ដ្បិតប្រសិនបើព្រះ‌នាងនៅស្ងៀមក្នុងវេលានេះ នោះនឹងមានជំនួយ និងរំដោះឲ្យរួច ដល់ពួកសាសន៍យូដាពីកន្លែងមួយផ្សេងទៀត តែព្រះ‌នាង និងញាតិ‌វង្សបិតារបស់ព្រះ‌នាង នឹងត្រូវវិនាសវិញ ហើយប្រហែលជាព្រះ‌នាងបានឡើងក្នុងរាជ្យនេះ សម្រាប់ពេលនេះឯងទេដឹង?» ពេលនោះ ព្រះនាងអេសធើរក៏ប្រាប់គេឲ្យទៅជម្រាបម៉ា‌ដេកាយថា៖ «សូមទៅប្រមូលពួកសាសន៍យូដាទាំងអស់ ដែលឃើញមាននៅក្រុងស៊ូសាន ឲ្យប្រជុំគ្នាតមអាហារសម្រាប់ខ្ញុំ កុំឲ្យបរិ‌ភោគអ្វីទាំងយប់ទាំងថ្ងៃ ក្នុងរវាងបីថ្ងៃ ឯខ្ញុំ និងពួកស្ត្រីបម្រើរបស់ខ្ញុំ ក៏នឹងតមអាហារដែរ។ បន្ទាប់មក ខ្ញុំនឹងចូលទៅគាល់ស្តេច ដែលជាការខុសច្បាប់ ហើយបើខ្ញុំត្រូវស្លាប់ ក៏ស្លាប់ទៅចុះ»។

អាន នាងអេសធើរ 4