Nikamowina 8

okistēyihtākosiwin kisē-manitow

onikamon David

1hāw, kā‑tipēyihcikēyan, nitipēyihcikēminān,

kikistēyihtākosiwin wāpahcikātēw misiwē askīhk!

kimamihcimikowin pēhcikātēw kihci-kīsikohk;

2oskawāsisak mīna apiscawāsisak ē‑isi-nikamocik.

kikī-kanawēyimikon ē‑sōhkisihtāyan

ita ohci kinōtinākanak,

kita-nakinacik ē‑wī-āpēhocik.

3ispīhk ē‑kitāpahtamān kīsik kā‑kī-osīhtāyan,

tipiskāwi-pīsim mīna acāhkosak itē ē‑kī-apīhacik,

4kīkway ana ayisiyiniw kā‑nākatohkātat?

mīna ana mosci ayisiyiniw kā‑kitēyimat?

5ēkosi apisīs kikī-nīhtakimāw ispīhci kiya,

mīna kikihci-okimāwīhāw sōhkisiwinihk

mīna kistēyihtākosiwinihk.

6kikī-tipēyihtamōhāw kahkiyaw kīkway kā‑kī-osīhtāyan;

kita-pimipayihtāt kahkiyaw kitōsīhcikana:

7māyatihkwa mīna mostoswa,

asici pakwaci-pisiskiwa;

8piyēsīsa mīna kinosēwa

mīna pisiskīsa kihcikamīhk.

9kā‑tipēyihcikēyan, nitipēyihcikēminān,

kikistēyihtākosiwin wāpahcikātēw misiwē askīhk!

ទើបបានជ្រើសរើសហើយ៖

Nikamowina 8: PCSBR

គំនូសចំណាំ

ចែករំលែក

ចម្លង

ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល

ខគម្ពីរពេញនិយមពី
Nikamowina 8