یوهَنّا یوهَنّائے اِنجیلئے پجّار
یوهَنّائے اِنجیلئے پجّار
اے کتابئے نبیسۆک، یوهَنّا، وت یَهودیے اَت. چه ایسّا مَسیهئے مُریدیا پێسر، شَمون‌پِتْرُسئے دۆست و ماهیگیریئے کارا آییئے شریکدار اَت (لوکا 5:1–11؛ مَرکاس 1:19–20). یوهَنّایا وتی نام اے کتابا نِبشته نکرتگ بله وتا اے پئیما پَجّارێنتگی: ”هما مُرید که ایسّایا باز دۆست اِنت“ (یوهَنّا 21:20). رندا نبشتهَ کنت که ایسّا مَسیهئے دۆست‌ترێن مُرید هماییئے جند اِنت (یوهَنّا 21:24).
اَنچُش که یوهَنّا وت نبشتهَ کنت، اے کتابئے سجّهێن سرگوَستی چمِّ وت دیستگ‌اَتنت، پمێشکا اے هبرانی بارئوا وت شاهدیَ دنت. وتی اِنجیلئے نبیسگئے مکسدئے بارئوا گوَشیت که اے سرگوَست و مۆجزه و اَجَبَّتێن نشانی، من پمێشکا نبشته کرتنت که ”شما باور بکنێت که ایسّا، مَسیه اِنت و هُدائے چُکّ اِنت“ و آییئے نامئے برکتا اَبدمانێن زِندئے واهند#1:0 واهند، بزان مالک، ساهب، هُدابند. ببێت. (یوهَنّا 20:31).
یوهَنّائے اِنجیلا ایسّائے بازێن تالیم و مۆجزهێئے هبر مان اَنت. اے جهانا ایسّائے گُڈّی هپتگ و آییئے مَرک و چه مُردگان جاه جنَگا#1:0 جاه جنَگ، بزان چه وتی جاها یکدم پاد آیگ، زندگ بئیگ، چست بئیگ. رند وتی مُریدانی دێما زاهر بئیگئے کسّه هم یوهَنّائے اِنجیلا آرگ بوتگ‌اَنت.
ទើបបានជ្រើសរើសហើយ៖
یوهَنّا یوهَنّائے اِنجیلئے پجّار: HPKB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2016-22 Wycliffe Bible Translators, Inc.