Ranehlö 5
5
Mīkūönö Ātöm
(1 Kinṙöt 1.1-4)
1Līpöre tumkölchap Ātöm ön ngih, Im sakāmö hē tī ngam Tēv nö vī tarik, sā Tēv tī Anga-aṅ nö vīlen ò; 2Vīlen cha Angā-aṅ nö kikōnyö, kikānö inrē; ngaich hakôlò cha, ngaich kaheuk minë-eny cha nö Ātöm ik sakāmö hēcha nö vī-i. 3Hēngòng lūöi anāi samyeūheu Ātöm, ngaich hakūöntö nyīö kikōnyö nö tösā ò nö insāten tö ò; ngaich kaheuk minënyö ò nö Set: 4Ngaich nuk sakāmö Ātöm unôichrit ò nö hakūönten Set nö hëvhöre ṙòng samyeūheu: ngaich angā-aṅ nö hakūöntö nyīö kikōnyö, kikānö inrē. 5Ngaich ṙòkhöre nuk sakāmö Ātöm nö aṅ nö machūötöre ṙòng lūöi anāi samyeūheu kapah ngaich angā-aṅ.
6Ngaich Set nö hēngòng taneui samyeūheu nö aṅ, ngaich hakūönten Ēnòs: 7Hëvhör ṙòng sat samyeūheu Set nö aṅ unôichrit ò nö hakūönten Ēnòs, ngaich hakūöntö nyīö kikōnyö, kikānö inrē: 8Ngaich ṙòkhöre nuk sakāmö Set nö aṅ nö machūötöre ṙòng nëtsīön samyeūheu: kapah ngaich angā-aṅ.
9Machūötör anāi samyeūheu ang Ēnòs nö aṅ, ngaich hakūönten Kēnan: 10Hëvhör ṙòng taneuisīön samyeūheu Ēnòs nö aṅ unôichrit ò nö hakūönten Kēnan, ngaich hakūöntö nyīö kikōnyö, kikānö inrē: 11Ngaich ṙòkhöre nuk sakāmö Ēnòs nö machūötör ṙòng taneui samyeūheu: kapah ngaich anga-aṅ,
12Sat anāi samyeūheu Kēnan nö aṅ, ngaich hakūönten Mahalalīl: 13Hëvhör ṙòng fën anāi samyeūheu Kēnan nö aṅ, unôichrit ò nö hakūönten Mahalalīl, ngaich hakūöntö nyīö kikōnyö, kikānö inrē: 14Ngaich ṙòkhöre nuk sakāmö Kēnan nö machūötör ṙòng söm samyeūheu: kapah ngaich angā-aṅ.
15Tafūöl anāi taneui samyeūheu Mahalalīl nö aṅ, ngaich hakūönten Yaret: 16Hëvhör ṙòng lūöi anāi samyeūheu Mahalalīl nö aṅ unôichrit ò nö hakūönten Yaret, ngaich hakūöntö nyīö kikōnyö, kikānö inrē: 17Ngaich ṙòkhöre nuk sakāmö Mahalalīl nö hëvhör ṙòng machūötör anāi taneui samyeūheu: kapah ngaich angā-aṅ.
18Hēngòng tafūöl anāi nët samyeūheu Yaret nö aṅ, ngaich hakūönten Ēnòk: 19Hëvhör ṙòng samyeūheu Yaret nö aṅ unôichrit ò nö hakūönten Ēnòk; ngaich hakūöntö nyīö kikōnyö, kikānö inrē: 20Ngaich ṙòkhöre nuk sakāmö Yaret nö machūötör ṙòng tafūöl anāi nët samyeūheu: kapah ngaich angā-aṅ.
21Tafūöl anāi taneui samyeūheu Ēnòk nö aṅ, ngaich hakūönten Metūsĕlā: 22Ngaich Ēnòk nö hol ngam Tēv nö kiröönköre, lūöyòng samyeūheu angā-aṅ unôichrit ò nö hakūönten Metusĕlā, ngaich hakūöntö nyīö kikōnyö, kikānö inrē: 23Ngaich ṙòkhöre nuk sakāmö Ēnòk nö lūöyòng tafūöl anāi taneui samyeūheu: 24Ngaich Ēnòk nö hol ngam Tēv nö kiröönköre: ngaich rö-övö angā-aṅ; pò ngam Tēv nö kēḵ an.
25Hēngòng hëvhör anāi sat samyeūheu Metūsĕlā nö aṅ, ngaich hakūönten Lamek: 26Sātòng hëvhör anāi nët samyūheu Metūsĕlā nö aṅ unôichrit ò nö hakūöntö nyīö kikōnyö, kikānö inrē: 27Ngaich ṙòkhöre nuk sakāmö Metūsĕlā nö machūötör ṙòng tafūöl anāi machūötöre samyeūheu: kapah ngaich angā-aṅ. 28Hēngòng hëvhör anāi nët samyeūheu Lamek nö aṅ, ngaich hakūöntö nyīö kikōnyö:
29Ngaich kaheuk minë-eny ò angā-aṅ nö Nō-a, nö ngöṙô, Angā-aṅ an min mahaṙamlōn hā i la-en hā ane inrē i në ṙanëyö la-en në kunti hā, kūö ngam tumlat, ngam törūtiṙen töngam Mā Tēv. 30Taneūyòng machūötör anāi taneui samyeūheu Lamek nö aṅ unôichrit ò nö hakūönten Nō-a, ngaich hakūöntö nyīö kikōnyö kikānö inrē: 31Ngaich ṙòkhöre nuk sakāmö Lamek nö sātòng sat anāi sat samyeūheu: kapah ngaich angā-aṅ.
32Taneūyòng samyeūheu kanöinyö ngaich Nō-a: ngaich hakūönten Sem, Hem, Yafet inrē, ang Nō-a.
ទើបបានជ្រើសរើសហើយ៖
Ranehlö 5: CANIBSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.