ខគម្ពីរពេញនិយមពី John 6

ចែក​រំលែក

Et kigwan Jesus i “Si-kak iwa mekan a naengi-kan na biyag a nagwariy pengingkaan to. Sema naematid si-kak, nat maofa-ofa tan nat ma-ma-kow.

Sema Ispirito Santoy naengi-kan na biyag. Sema biyag, nat naedafod kabaalan na too. Sema iren kigwan kod si-kayo, edafon emiin cha Ispirito Santo, isonga sema kigwa-kigwan ko, nain-i-kan toy biyag a nagwariy pengingkaan to no memati kayo.

Say ipahat jo komen obdaen, nat sema mekan a mebojok, no diket sema mekan a onbayag a naengi-kan na biyag a nagwariy pengingkaan to. Sema mengi-kan niwa mekan cha si-kayo, si-kak a Anak na Too tep si Afo Chiyos a Awak, in-i-kan toy karebengan kon mengemag niwan a sinjal a iyapolbaran toak.”

Tep sejay i piyan Awak a emiin a toon meni-neng tan mematid si-kak a Anak to, gwara did si-kariy biyag a nagwariy pengingkaan to. Tan panpawil ko ira na kaonoran a akow.”

Insongbat Jesus i “Sema obden piyan Afo Chiyos a a-magen jo, sejay a memati kayod si-kak a into-no tho di.”

Emiin a toon inpiyal Awak cha si-kak, memati ired si-kak. Et emiin a mematid si-kak, nat chagchagen ko ira.

Et insongbat Simon Peter i “Afo, siyay onoran mi no nat si-kam? Si-kam bengat iwa engipaamta na ese-esel a naengi-kan na biyag a nagwariy pengingkaan to.

Si-kak iwa sibibiyag a mekan a sima-kod alid dangit. No kakanen na too ja mekan, manbiyag na ingked ingka. Seja mekan, si-kathoy angel kon i-kan ko say mebedin a manbiyag i tothoo na ingked ingka.”

Say too, mebedin bengat a mematid si-kak no si Awak a engito-nod si-kak, siya-dathan toy nemnem niwa too say mebedin a memati. Et sema iren memati, panpawil ko ira na kaonoran a akow.

Tep sema podnon mekan a nain-i-kan Afo Chiyos, si-katho ma sima-kod alid dangit a mengi-kan na biyag cha too.”

Tep si-kak i mekan a naengi-kan na biyag.

Et ida wen Jesus iwa tinapay a iyansalamat cha Afo Chiyos et inpaiap-ap to ired ma toon ketinokkong chiwan. Inges ngon man i inpasing tod ma paideng. Et engan iriy too ingkathod iyapsel ira. Idi iyapsel iren emiin, kigwan Jesus cha disipolos to i “Koskos joy ebay-anan say nagwariy maykawas.”

Idi iyanbangka ira ingkathod dima ono enem a kilomitro, mita res Jesus a man-aahad cha tapow na chanom a man-eesop alid bangka ra. Et timahot iren pasiya. Nem kigwan Jesus cha si-kara i “Si-kak iyay. Enog i tahot.”