ខគម្ពីរពេញនិយមពី ଲୁକା 6

ចែក​រំលែក

ଏମେପେ, ଏଣ୍ଡେ ଆପେକେ ହ ଏମୋଗା। ହୋଡ଼ୋକୋ ପୁରା ନାପି କେତେ ଅତା-ଅତା କେତେ ଆଡୋଃ ହିଲାଅ-ହିଲାଅ କେତେ ଆଡୋଃ ଫେରେଃ ଉୟୁଗୋଃ ସାନ୍ ଆପେୟାଃ କୋୟୋଙ୍ଗ୍ ରେ କୋ ସାଜୁୟା, ଚିୟାଃଚି ଅକନ୍ ନାପ୍ ତେ ଆପେ ସୋଙ୍ଗେୟା, ଏନ୍ ନାପ୍ ତେଗି ଆପେୟାଃ ଲାଗିନ୍ ସୋଙ୍ଗୋଗା।”

ବେଶ୍ ହୋଡ଼ ଆଜାଃ ମୋନ୍ ରାଃ ବେଶ୍ ଭାଣ୍ଡାର୍ ଏତେ ବେଶ୍ କାଜି ଅଡୋଙ୍ଗ୍ ୟାଏ, ହାର୍ ଖାରାପ୍ ହୋଡ଼ ଆଜାଃ ମୋନ୍ ରାଃ ଖାରାପ୍ ଭାଣ୍ଡାର୍ ଏତେ ଖାରାପ୍ କାଜି ଅଡୋଙ୍ଗ୍ ୟାଏ। ଚିୟାଃଚି ଅକନାଃ ମୋନ୍ ରେ ଫେରେଜା କାନା ଏନାକୋ ଗି ଇନିଜାଃ ମୋନ୍ ଏତେ ଅଡୋଙ୍ଗୋଃ ୱା।”

ମେନ୍ଦୋ ଆପେ ଆପେୟାଃ ବାଇରୀ କୋଲୋଃ ଦୁଲାଡ଼୍ ମାଣ୍ଡାଅ ୱେପେ, ଆଡୋଃ ବୁଗିନାଃ ରିକାଏପେ, ଆଡୋଃ ରୁଆଡ଼୍ ନାମେ ରାଃ ଆଶ୍ରା କାମାଣ୍ଡାଅ କେତେ ଉଧାର୍ ଏମେପେ; ଆଡୋଃ ଆପେୟାଃ ଲାଗିନ୍ ମାରାଙ୍ଗ୍ ଯଅ ହୋବାୱା, ଆଡୋଃ ଆପେ ମାରାଙ୍ଗ୍ଉତ୍ତାର୍ ପାର୍ମେଶ୍ଵାର୍ ରାଃ ସାନ୍ତାନ୍ ପେ ବାଇୟୋଗା, ଚିୟାଃଚି ହିନିଃ ଇନ୍‍କୁ ନାଙ୍ଗ୍ ଅକଏ ଧାନ୍ୟାବାଦ୍ କାକୋ ରିକାୟା ଆଡୋଃ ଖାରାପ୍ କୋ ନାଙ୍ଗ୍ ହ ଶୋଗାଅ ନିଈ ତାନିଃ।

ଜେଲେକା ଆପେୟାଃ ଆପୁ ଦାୟା ନିଈ ତାନିଃ ଏନ୍‍ଲେକାଗି ଆପେ ହ ଦାୟାଲୁ ବାଇୟେନ୍ ପେ।”

“ଆଲୋପେ ବିଚାର୍ ଏୟା, ଏଣ୍ଡେ ଆପେକେ ହ କାକୋ ବିଚାର୍ ପେୟା। ଦୋଷୀ ଆଲୋପେ ବାଇକୋୱା, ଏଣ୍ଡେ ଆପେ ହ ଦୋଷୀ କାପେ ବାଇୟୋଗା। ଛାମା ରିକାଏପେ, ଏଣ୍ଡେ ଆପେକେ ହ ଛାମା ନାମୋଗା।

“ମେନ୍ଦୋ ଇଙ୍ଗ୍ ଆପେ ଆୟୁମ୍‍ତାନ୍ କୋକେ କାଜିତାନିଙ୍ଗ୍ ଚି ଆପେୟାଃ ବାଇରୀ କୋକେ ଦୁଲାଡ଼୍ କୋପେ; ଅକଏ ଆପେକେ ଖିସ୍ ପେୟାକୋ, ଇନ୍‍କୁୱାଃ ବୁଗିନ୍ ରିକାଏପେ। ଅକଏ ଆପେକେ ସାର୍ପାଅ ପେୟାକୋ, ଇନ୍‍କୁକେ ଆଶିଷ୍ ଏମାକୋପେ; ଅକଏ ଆପେକେ ଆପ୍‍ମାନ୍ ପେୟାକୋ, ଇନ୍‍କୁ ଲାଗିନ୍ ବିନ୍ତି ରିକାଏପେ।

ଆଡୋଃ ଜେଲେକା ଆପେ ସାନାଙ୍ଗ୍ ତାନାପେ, ଚି ହୋଡ଼ୋକୋ ଆପେୟାଃ ଲୋଃ ରିକା ୟାକୋ, ଆପେ ହ ଇନ୍‍କୁ ଲୋଃ ଏନ୍‍ଲେକାଗି ରିକାଏପେ।

ଅକଏ ଆପେକେ ମିୟାଃ ଯୋୱା କେ ଥାପ୍ଡ଼ାଅ ପେ ରେ, ହୀନିଜାଃ ପାଡ଼୍ ଏଟାଃ ଯୋୱା କେହ ଦେଖାୱିପେ; ଆଡୋଃ ଜାହାଁଏ ଆପେୟାଃ ଚାଦାର୍ ରେଏଃ କେରେ, ଇନିଃକେ ଝୁଲା ଇଦି କେରେ ହ ଆଲୋପେ ରୋକାୱିୟା। ଜାହାଁଏ ଆପେକେ ଆସିରେ, ଇନିଃକେ ଏମାଇପେ; ଆଡୋଃ ଜାହାଁଏ ଆପେୟାଃ ଜିନିଷ୍ ରେଏଃ କେରେ, ଏନାକେ ଆଲୋପେ ଆସିୟା।

“ଜେତାନ୍ ବେଶ୍ ଦାରୁ ବାନୋଗା, ଅକନାଃ ଖାରାପ୍ ଯଅ ଆଉୱେୟାଏ, ହାର୍ ନା ଜେତାନ୍ ଖାରାପ୍ ଦାରୁ ମେନାଃ, ଅକନାଃ ବେଶ୍ ଯଅ ଆଉୱେୟାଏ।

ସବେନ୍ ଦାରୁ ଆଜାଃ ଯଅ ଏତେ ନେଲ୍ଉରୁମୋଃୱା; ଚିୟାଃଚି ହୋଡ଼ୋକୋ ଜାନୁମ୍ ଦାରୁ ଏତେ ଲୋୱା କାକୋ ଗୋଦେୟା ହାର୍ ନା ଜାନୁମ୍ ଚୁପାଃ ଏତେ ଆଙ୍ଗୁର୍ ଗୋଦେୟାକୋ।