ខគម្ពីរពេញនិយមពី Mateo 19

ចែក​រំលែក

Yeso oda‑ya nokotonihi, ati yanane, “Hini ai ene ai sawiteraboneni. Deoso ene ai one sawibisaboneni. Deoso ene kitabotebisa amane.” Yeso ati nemarine.

Mai fama mai aboni ohariwamani. Deoso ati ene mai aboni ohariwama, Deoso ene dai arabanahi. Mai honita wahawamariyahi.” Yeso ati nemarine.

“Deoso‑ka yama hani dai kadikara‑mani? Yama yanakani‑ya maki toha, fana toha na‑ya i‑di Deoso wamanematane. ‘Maki fana‑ya famebona, badi, madi mai na, mai‑ya dabamaterene. Maki fadi‑bone‑ya fame, mai aboni ohariteboneni.’ Deoso‑ka yama hani ati nineni.

“Madehe dai ati baririyahi. Madehe owati‑ya nofa, madehe‑nima mai na, Neme‑ke ai nafi‑ka hidi kitabote tohawahe‑ya mai saweboneni.” Yeso ati nemarine.

Bofe‑ya hidi webote mai toha, Deoso tabaro‑ya mai bi‑bidi na mai tohabisaba awineni. Bofe‑ya mai bi‑bidi na mai toha Deoso tabaro‑ya hidi mai ba‑basi na mai tohawahaba awineni.” Yeso ati nemarine.

Owati dai mitahi. Owati‑ya mai tokadaba ihi mai‑ka yama nafi‑ya mai tonawadakosa, mai ihi manakone wadaboneni. Mai‑ka yobe, mai‑ka fadara, mai‑ka ayo, mai‑ka asima, mai‑ka abi, mai‑ka ami, mai‑ka madehe, mai na, mai tonokosa, mai manakone amosa‑ya mai kayafaboneni. Mai manakone fiyakanaboneni. Makobote mai abateraboneni.

“Tiwa ene amosa hinama tohabone tina, tiwa yehe honene nafi daatinahi, manakone waratiniya, mai yahi hone wadara mai‑ya daatinahi. Deoso tabaro‑ya tika yama dama tohaboneni. Eya tiwa ene niya, makobote owa‑ya tisawiyahi.” Yeso ati nemarine.

“Tiwa ene amosabone tina, Deoso ohari‑ta amosabotebisa amane. Ai abarabone‑kaya tisawebone tina, Deoso ati‑ya tikadabiya, tisaweboneni.” Yeso ati nemarine.

Owati dai mitahi. Akoye hodone‑ya kamero tokiyomaterene. Fara‑nima mai naboneni. Mai yahi hone dama Neme‑ke ai nafi‑ka hidi kitabote tohawahebona‑ya mai dami sawiraboneni.” Yeso ati nemarine.

Owati timitahi. Tiwa honita wahawamariyahi. Fadi hini ati ihi maki bare‑ya famawaha, maki daidi ene tohi awire, maki daidi‑ta sibarane. Maki hini ene honita wahawameya, fana one‑ya famawaheya, ene ati kasiro, hiniya siwanane.” Yeso ati nemarine.

“Owati amosa dai mitahi. Mai yahi hone dama toha, Neme‑ke ai nafi‑ka hidi kitabote tohawahe‑ya mai dami sawiraboneni.