ខគម្ពីរពេញនិយមពី Fuɗɗoode 17

ចែក​រំលែក

Nde Abram hewtunoo duuɓi 99 ndeen, Joomiraaɗo ɓangani ɗum wi'i: — Miin woni Laamɗo Jom Baawɗe. Njokkaa laawol am, laatoɗaa ponnditiiɗo.

A noddirtaake Abram katin, de joonin kaa, innde maa laatake Ibrahiima sabo mi waɗete baaba lenyi keewɗi.

Mi tabintinan amaana hakkunde am e maaɗa e ƴuwdi maaɗa ley jamaanuuji muɓɓen fuu. O laatoo amaana duumotooɗo faa abada. Mi laatoto Laamɗo maaɗa, aan e taaniraaɓe maa caggal maaɗa.

— Inan amaana mo ngaddammi e maaɗa: A laatoto baaba lenyi keewɗi.

Laamɗo jaabii, wi'i: — Wanaa noon! Saaratu deeka oon jaati rimante ɓiɗɗo gorko. Inndiraa mo Isiyaaka. Mi tabintinan amaana hakkunde am e makko, de amaana oon laatanto taaniraaɓe makko ley jamaanuuji fuu faa abada.

Mi hokkete aan e ƴuwdi maaɗa ngaroori caggal maa, leydi ndi laatinoɗaa beero ley muuɗum ndiin ɗum woni leydi Kanaana. Leydi ndiin fuu laatoto jeyal maaɗa faa abada. Wooɗi miin du, mi laatoto Laamɗo ƴuwdi maaɗa.

Ibrahiima hippi yeeso muuɗum dow leydi de jali. O wi'i ley ɓernde makko: — Gorko mo duuɓi 100 na waawi rimude katin naa? Yalla Saaratu mo duuɓi 90, na waawi heɓude ɓeyngu katin naa?

Laamɗo haaldi e Ibrahiima katin, wi'i ɗum: — Saaray deeka oon du, taa noddiraa ɗum Saaray katin. Joonin kaa, Saaratu woni innde makko (ɗum na fiirta «ɓii laamu debbo»).

Taadol ngool laatoo maande amaana gonɗo hakkunde am e mooɗon oon.

Ammaa amaana am oon kaa, e Isiyaaka mo Saaratu rimante mawuuri ley wakkati oo tabintinanmi ɗum.

Ley jamaanuuji fuu, nde ɓiɗɗo gorko rimaa faa hewti balɗe jeetati fu, taadon ɗum. Noon ngaɗanton ɓii maccuɗo dimaaɗo ley ɓaade mooɗon e maccuɓe ɓe cooduɗon laatii yimɓe mooɗon fuu. Ndelle maccuɗo dimaaɗo ley ɓaade maaɗa e mo cooduɗaa fuu taadee faa amaana am oon tawee e ɓalli mon de laatoo amaana duumotooɗo faa abada.