ខគម្ពីរពេញនិយមពី Halloo 17

ចែក​រំលែក

Abraami yixenaa yiixiye nati asho bi tunehooba, Doono Yeeri biich bekkeꞌi ishichiye: “Beshe Hakkechi Nuggishoo taane. Bulli aaboon ta getoyich deꞌa getibee beebe. Muricaallo tunebe.

Meeti aageteenaꞌoyich qaabbechi nihoon neen ta tuniitoyich, ebiyee bekk ne shigo Abraami getaa ceekkeyaachemmone; tunebaani Abrahami getaa ceekkemmone.

Neennaa neyee gubbi ne shiijjereenaꞌonoyich Nuggishoo ta tunemmoyich, neennaa taanna daggooch, gubbi ne shiijjereenaꞌo bullinaa taanna daggoochoo, bulli yemeenee wogoon giyemmo taane.

“Neenna tookki ta giyemmi wogo ebine: Meeti aageteenaꞌoyich qaabbechi nihoo tunemmo neene.

Yeeriyoo biich ishichiye: “Ebi tuneyaache. Iberoon ne mechee Saari anaami bushoon neech shiyemmine. Bi shigoonoo, Yisaaqi geti shigiyemmo neene. Ta wogoon biinnaa biyee gubbi bi shiijjereenaꞌoyich bulli yemeenee wogoon tuniiree manjiyemmo taane.

Ebi and dallaawoo tunaꞌa ne beeti Kanaanee showoo bullin, bulli yemeenoon ittoshi hajjoo bi tunemmoyich, neennaa neyee gubbi ne shiijjereenaꞌonoyich immemmo taane; boonoshichoo Nuggishoo tunemmo taane” iye.

Arooba Abrahami bi baroona showooch guufehe; miicciibee bi mulloona ishichii gabiye: “Iberoon balle nati asho bushoon shiyehe? Yixena natteti Saariyoo shimon hakkehane?” iye.

Yeeri andoo daakkiꞌi Abrahamich ishichiye: “Ne mechee Saarayin ebiyee bekk Saarayi geti ceeggaahine. Ebiyee bekk bi shigo Saari getteebe.

Ittoshiyoo dokireyemmo ittoshine; ebiyoo taannaa ittoshina daggooch beeti wogee malletoo tunemmone.

Tunebaani waabeeti natooch ebi goora Saari neech shiyemmi bushoo Yisaaqichiye ta wogoon ta manjiyemmo” iye.

Gubbi ittoshi shiijjeroo bulliich beddaahaa, anaami bushoo bulli bi shiijjeti shimitte qemona dokireebe. Wotta ittoshi yaroo tuneyaanolla bi tunetaa, ittoshi kexooch shiijjeti guuno woyee bare showoochee gijjoona kemeeti guunolla tuneba, anaamo bulli dokireebe. Ittoshi kexooch shiijjeti guuno woyee ittoshi gijjoona kemeeti guunoo dokireebe. Ebina ta wogo bulli yemeenee wogo bi tunoon ittoshi achooch beeti malletoo bekkiyemmone.