ខគម្ពីរពេញនិយមពី wandījo 15

ចែក​រំលែក

Ū Abulamu ūgūzunya ū mhayo gwa ng'wa SEEBA, nang'hwe ūng'wisaabīla būtūngīlīja.

Hanuma ya yenīyī ū mhayo gwa ng'wa SEEBA gūng'wizīīla ū Abulamu mu koolechiwa; ūng'wīla gīkī, “Ūtogohage Abulamu. Ū nene nalī Lūmūūda lwako; nīyo nal'inong'ho itaale no ū kūlī bebe.”

Hūna ū SEEBA ūmfunya hanze ū Abulamu, ūng'wīla gīkī, “Alilolaga ū kwigūlū; jibalage ī sonda ūlū ūdūgije kūjibala.” Ūng'wīla, “Ū būbyīle wako būkūbiza gīko!”

A henaho ū mhayo gwa ng'wa SEEBA gūng'wizīīla gūlīhaya, “Ū ng'wenūyo atūbiza ng'wingīji wako yaya, ū ng'wingīji wako akūbiza ng'witūnja wako wa kūbyala bebe gete.”

Ī likanza lyenīlo, ū SEEBA ūng'wīla, “Managa hape gīkī, a banhū ba būbyīle wako bakūbiza balobeji mu sī ītī yabo, bakwītwa kūbiza basese na kūluhiwa kūshisha ikanza lya myaka magana anè.

Alīyo ū Abulamu ūhaya, “Ee SEEBA wa būdūla bose, ūkūninha kī? Īkī ū nene nalīshila alīyo hū natī na ng'wana; hama ū wa kwīyingīla ī kaya yane alīho Elieza muna Damasko!”

Ū mu lūshikū lwenūlo ū SEEBA ūbeeja ilagane nū Abulamu, ūhaya gīkī, “Ū būbyīle wako nalīwinha ī sī yenīyī, kwandīja kū mongo gwa Misili kūkaja kū mongo gwa Flati.

A banhū ba būbyīle wako bakūshoka hangī ū mu sī īyī mu shibyalīlwe sha kanè; nguno ū būbi wa Baamoli būtaalī ū kūshika a ha būkalīkījo wabo.”