ខគម្ពីរពេញនិយមពី JENESIS 3

ចែក​រំលែក

Chidadege ’mpuimi ze chipau bang rachî ze teuyi-desang zai peluiyi-desang de lei be ngaupat ti zai kaningchingbe ngau le ra teu ra yibe rachî de lei ze ’nning gai lu dege â, chipau rachî rai lu teu gai ’ndi de lei; zai pe napeu je du gêsa â pei bei pa du teu gai de lei.

Chunage Tingwang Hera ne tewgaibe hekaubena ramme leine ruage henêu ne pa ningching sia lang de lei. Pa ne ’mpuimi je, “Hera ne ningnai je, ‘Merie gu herachi leine ningnai teu mak ra lei,’ ze rang gai mei?” acheu ze ka’nneu de lei.

Nang benai ’mpuimi kakge, zai ning dagene reheipiakeume, zai pe dagene reheipiakeume kakge heteu-herei chang ra I ne tew gai gu lei; pe na ’mpeumi ne ning peî ze chaîkeniak ku, zai nang ne pe pî ’nsâu gu lei,” ze rang gai bei de lei.

’Mpuimi je pa ne, “Nang henalungbe ge keteubeted I ne tewpung gai gu lei; keteubeted lie ze ning name je nang lungkeu gu lei, sede ning napeu je ’nchâ ze nang bam ra lei, zai pa ne ning peireige rezietei gu lei,” ze rang gai bei de lei.

Kedei lam nang helattat dai mak tâne ning ju ge tebeudui luabe gene nang teu ra ngau gu lei, chigene ningchu I lupat daseu; nang â kedeinia de lei, zai kedei lam nang helettat dai gu lei,” ze rang gai bei de lei.

Zai Adambe je pa ne, “Ning nâu kuâ nang ’ngkinggai’ndibe ziegene zai ‘Nang teu mak ra lei,’ ze I samdiegaibeibe rachî nang teube ziegene, ning ziegene kedei je deset kai ’nde lei; nang kering ting tâluî hereu ze tâtewbe gene nang hetak hang ngau gu lei

Hera ne, “Ning pumrua lei be châu ne ningchu rang lau? Teu mak ra ningchu I samdiegaibeibe bang rachî nang teu gai ’ndi de mei?” ze kacheu de lei.

Pa ne ziemmena je kelituâ ’ndi de lei; zai Eden merie gene naimik pat ’mbia ge keringbe chingbang bâm ’mbe gutbe ’mpuî reî ra hangge kerubme benai hemitaube hiazutkie ne ’mpuî leine reîduibe kau hekie ze kai bei de lei.

’Mpeumi ne pe nâu ji hang Ebile ze ’ntak kai bei de lei, pa â keringbe zat leine pui hang changbe ziegeneu.