Apostelit Piniarningit 8
8
Saulusib unangmiklerninganik ilinniartunik. Samâriamiut sâgiarninginik. Simonib angakoninganik. Pimaklertib sâgiarninganik.
1Saulusible Stefanusib toᴋotauninga idluarivâ. Taipsomane ilagêktut Jerusalemêtut angijomik unangmijaulerput; tâpkoalo ilûnatik siamarterput nunangnut Jûdeamut Samâriamullo, Apostelit kisimik pinatik.
2Angutille okpertut Stefanuse ilijartorpât, angijomiglo ᴋeavât.
3Saulusible ilagêktut nungupait, iglut ilûnaita itersârpaklugit, angutillo arnallo sakᴋertipait, pitilaitalo parngnanairsimavingmut.
4Siamartersimajulle arvertarput, Oᴋautsillo tusarnertut oᴋariartôtigivlugit.
5Filippusele atersârpok iglugasaksoarnut Samâriamêtunut pilune, Kristusemiglo oᴋâlavigivait.
6Inuille nâlatsiaᴋatigêkput Filippusib oᴋausinginik, tautularmiglo nalunaikutaksoarnik piniarnerijanginik.
7Anernerit maᴋijungnartut aningmatta unuktunit ilumiktunit nippeᴋadlarlutik, tumângajullo tusiaktullo unuktut âᴋiktauvut.
8Iglugasaksoarnelo tâpkonane ᴋuviasuvaksoadlarput.
9Anguteᴋarporle iglugasaksoarne tâpkonane Simonemik atilingmik, sivorngane tôrngilauktomik. Tâpsoma Samâriamiut uivêridlalaukpait, angakomariksônerminik oᴋarlune.
10Ilûnatiglo, mikijullo angijullo, tâmna kamagivât oᴋarlutiglo: Tâmna Gûdib pitsartunersoangatun-ipoᴋ.
11Tamanna pivlugole kamagivât, akunersoarmik uivêrilaungmagit angakôtsiminut.
12Filippusible oᴋâlaninginik Gûdib nâlegauvinganik Jêsusiblo Kristusib atinganik okpileramik, baptitaulerput angutillo arnallo.
13Tagva Simonetauk okperivok baptitauvlunelo, Filippuselo najugarilerpâ. Nalunaikutaksuillo tatamnartullo pijut takogamigit, tataminiarpok.
14Apostelille Jerusalemêtut tusaramik Samâriamiunik Gûdib oᴋausinginik ilaliulertunik, Pêtruselo Johanneselo taipkonunga tilivakit.
15Tâpkoa atâramik, tuksiarutivait, Anernermik ajunginermik tunitsivioᴋovlugit.
16(Tâpsoma sule tâpkoa ilangallônêt tikivigilaungimago, Nâlekab Jêsusib Kristusib atinganut kisiane baptitaulaungmatta.)
17Aggangmingnullo patingmingmatikik, Anernek ajunginek pigilerpât.
18Simonible takogamigit Anernermik ajunginermik tunitsiviojut, Apostelîk aggangmingnut patingmikpatikik; kênaujanik tunitjivigijomavak,
19Oᴋarlunelo: Uvangatauk taimaitomik pitsartunermik tunitsivigitinga, naliat aggamnut patingmijaujok Anernermik ajunginermik tunitsivioᴋovlugo.
20Pêtrusible oᴋautivâ: kênaujaᴋotitit ilagivlugit erᴋartortait, isumagavit, Gûdib tunergutâ pisiarilugo kênaujanut.
21Oᴋausek una piginagolo ilangiutiviginiangilallônêt, ômatit idluangimat Gûdib sângane.
22Tamanna pivlugo ᴋaᴋialerit tamattominga idluilungnernik, Gûdemullo tuksiarit ômativît isumalungningit isumagijaujungnainiangimangâta.
23Tukisigapkit, sungarmik ᴋasilinartomik tattenavit, ᴋelaksorsimavlutillo idluiluktomut.
24Tagva Simon kiovoᴋ oᴋarlunelo: Iliptik Nâlekamut tuksiaritik pivlunga, oᴋautigijaptik naliallônêt uvamnut perᴋonago.
25Tâpkoale, Nâlekab oᴋausingit kigligiutigilaitalo oᴋautigilauramikik, Jerusalemut uterivuk, oᴋâlavlutiglo oᴋautsinik tusarnertunik Samâriamiut iglugasangine unuktune.
26Nâlekable Engelinga Filippusemut oᴋarpok: Nikovilerit ailerlutillo seᴋinerdlinut, apᴋosinek Jerusalemit Gâzamut ilingajok atorlugo inuᴋangitokut.
27Nikovidlunelo ailerpok, ahâglo, Etiôpiamiok (ingergajok) pimaklerte angut angajoᴋâksoak Etiôpiamiut atanersoangane arname, Kandâzemik atilingme, taipsoma perᴋutinginik ilûnainik udsertortok; tâmna Jerusalemut tikilaukpok tuksiariartorlune.
28Angergarasuarporlo nunaminut ᴋemukserlune, nalautaijublo Jesaiasib aglangit atuarpait.
29Anerneruble Filippuse oᴋautivâ: Ailerit, ᴋemuksit ukua najorlugit.
30Filippusible akpangerdlune tikinamiuk, tusâvâ nalautaijub Jesaiasib aglanginik atuarsijok, aperivâlo: Atuartatit tukisigalloarpigît?
31Oᴋautivâle: Ajoᴋertortaunanga ᴋanok pijungnarᴋêk? Filippuselo inalerpâ ikimaᴋatigigumavlugo.
32Aglaillo atuartangit imaiput: Tassiortauvok saugaktut toᴋotauvingminut, saugâraktullo niplingitotut salijiminut, taimaktauk tâpsoma ᴋanine aitalaungilâlônêt;
33Miklilertisimanermine âniatitaunersoane anigorpait. kiale inôningata sivituninga oᴋautigijungnarpaûk? inôninga nunamit pêrtaulaungmat.
34Tagva pimaklertib Filippuse kiovâ oᴋarlunelo: Kenuvigivagit, oᴋautilaunga, nalautaijub kina oᴋautigivaûk? nangminerminiglônêt asiminiglônêt oᴋarᴋâ?
35Filippusible ᴋanine angmalerpâ, oᴋautsit tamakkoa pitjutigerᴋârdlugit, oᴋâlavigivâlo oᴋautsinik tusarnertunik Jêsuse pivlugo.
36Ingergaramiglo imeᴋartomut tikipuk; pimaklertelo oᴋarpok: Ahâk, imek tagga, suna agviarᴋâ baptitauᴋonangâ?
37Filippusele oᴋarpok: Omamut iluitomut okperuvit pijuksauvotit. Tâmna kiovok oᴋarlunelo: Okperpunga, Gûdib Jêsuse Kristuse erneringmago.
38Kemuksillo noᴋᴋartipait, imermullo tamarmik pilutik Filippuselo pimaklertelo; Filippusiblo baptipâ.
39Kaᴋᴋingmaniglo imermit, Nâlekab Anerningata Filippuse aularutivâ; pimaklertiblo takojungnairpâ; ᴋuviasuklunele angergarpok.
40Filippusele Asdodeme naipitauvok, tagvanelo arvertarpok iglugasaksoarnut ilûnainut, oᴋautsillo tusarnertut oᴋautigilugit, Zesarêa tikilugo.
Currently Selected:
Apostelit Piniarningit 8: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.