Salmos 16

1Dio kya̱a̱nꜙ, hä̱ä̱ˋ jnäꜘ,

jëëhꜘ chaˉ baˊ oˉjø̱hꜙ dsëꜗ kinꜙ kya̱a̱hˊ hneˉ.

2Gaꜙjwɨɨnꜗ Dio: “Hneˉ la̱a̱hꜗ DSAˉJØ̱Ø̱Hˈ kya̱a̱nꜙ,

saꜙ cha̱a̱ˉ gaˊ jñahꜘ hi̱ˉ jmeeꜙ heˉ lluꜗ kinꜙ.”

3Kihꜗ hi̱ˉ naˉjngëëˈ hi̱ˉ tä̱ä̱hˊ hwaˈ laˉ,

hiꜙ läꜙja̱ˉ hi̱ˉ saꜙ maˉhlä̱ä̱hˉ niꜙ miihˉ,

hi̱ˉ heꜘ baˊ cha̱a̱nˉ lluꜗ kya̱a̱hˊ.

4Chaˉgaˊmiihˉ wɨɨꜘ jëëꜗ dsaˉ ko̱o̱ˉ häˊ ko̱o̱ˉ häˊ

hi̱ˉ jmeeꜙ jʉʉhˉ kihꜗ dio hi̱ˉ naˉla̱a̱ꜚ ka̱a̱h˜ dsaˉ.

Pero ji̱hˊko̱hꜘ saꜙ llanˋ chaˊnëyˊ läꜙko̱hꜘ të̱ë̱ˈ dsaˉ jmeeꜙ,

hiꜙ niꜙ saꜙ hänˋ kiyhˈ kaˉlähꜘ.

5DSAˉJØ̱Ø̱Hˈ kya̱a̱nꜙ baˊ heꜘ hi̱ˉ la̱a̱ꜗ he̱e̱nꜚ.

Hi̱ˉ heꜘ baˊ kwaꜙ läꜙjëꜙ heˉ hnøøꜗ kinꜙ.

Hneˉ baˊ høøhˉ heˉ gaꜙtë̱ë̱nꜘ hyohnꜙ.

6Peerꜙ jnaahˈ laꜗ jeeˊ maˉtë̱ë̱nꜘ,

heˉ baˊ cheˉ naˊhñaahꜗ laꜗ he̱e̱nꜚ.

7Pero jnaahˈ llu̱u̱ꜗ Dio hi̱ˉ kwaꜙ nʉʉhꜚ kinꜙ,

läꜙkye̱ˉ hwëˈ kwëëyh˜ jnäꜘ hʉʉˊdsëˉ lluꜗ.

8Dsooh˜ dsënꜙ tä̱ä̱ꜘ kiyhꜗ, kihꜗ heˉ cheyhꜗ kooꜘ kinꜙ,

heˉja̱ˉ saꜙ jehꜗ dsënꜙ ji̱hˊko̱hꜘ.

9Läꜙka̱a̱ˉ tuhˉdsënꜙ cha̱a̱nˉ lluꜗ.

Moꜙsoꜙ kye̱nˊ niꜙ miihˉ hʉʉˊdsëˉ,

kihꜗ heˉ maˉchaˉ baˊ oˉjø̱hꜙ dsëꜗ kinꜙ.

10Jëëhꜘ, saꜙ kwahˈ jwëˈ jä̱nˋ jeeˊ kihˈ hi̱ˉ maˉnaˉju̱u̱ˊ,

niꜙ saꜙ kwahˈ jwëˈ jyahꜙ jmɨˉngoꜗ kihꜗ hi̱ˉ naˉjngëëˈ kya̱a̱hˈ nehꜙ toˉhø̱ø̱ˉ.

11Hneˉ miˉjnäähˈ kinꜙ jwëˈ heˉ jmeeꜙ cha̱a̱nˉ tä̱ä̱ꜘ.

Heˉ chehnꜗ chaˊnëhˊ, jmeeꜙ jë̱ë̱ˉ dsënꜙ chaˉmiihˉ.

Läꜙjëꜙ heˉ lluꜗ heˉ jëën˜ kooꜘ kyahꜗ saꜙ lla̱a̱ꜙ ji̱hˊko̱hꜘ.

Currently Selected:

Salmos 16: chz

Highlight

Copy

Popular Bible Verses from
Salmos 16