Hechos 15
15
Jerusalén llaqtapi huñunakusqankumanta
1 #
Lv 12.3. Chay punchawkunapim wakin runakuna Judeamanta Antioquiaman rispanku, llapa iñiqkunata kaynata yachachirqaku:
Moisespa kamachisqanman hina mana señalachikuspaykichikqa manam salvakuyta atiwaqchikchu, nispanku.
2Chaymi Pablowan Bernabeyqa llumpayta paykunawan atipanakurqaku. Chayraykum Pablotawan Bernabeyta hinaspa wakin iñiqkuta akllarurqaku, Jerusalenman rispa apostolkunawan hinaspa chaypi kaq iñiqkunapa ancianonkunawan chay asuntomanta rimamunankupaq.
3Antioquía llaqtapi kaq iñiqkunapa kachasqanmi Jerusalén llaqtaman rirqaku, chaymi Fenicia lawninta hinaspa Samaria lawninta rispanku, mana judío kaqkunapas Diosman iñikusqankuta willakurqaku. Hinaptinmi lliw iñiqkuna chay willakuywan llumpayta kusikurqaku.
4Jerusalenman Pablowan Bernabé chayaruptinkum, llapallan iñiqkuna, apostolkuna hinaspa ancianokuna kusikuyllawanña chaskirqaku, chaymi Pablowan Bernabeyqa willakurqaku imayna payninkunatakama tukuy imata Dios ruwamusqanmanta. 5Ichaqa Jesucristoman iñiq wakin fariseokunam sayarispanku nirqaku:
Mana judío kaqkunamanta iñiqkunapas qari kayninkupi señalasqam kananku, kamachinataqmi Moisespa leyninkunata kasukunankupaqpas, nispanku.
6Chaymi apostolkuna, hinaspa ancianokuna chay asuntomanta rimanankupaq huñunakurqaku. 7#Hch 10.1-43.Llumpayta atipanakuptinkum Pedroñataq sayarispan nirqa:
Wawqekuna, yachasqaykichikpi hinam qamkunamanta Dios akllawarqa Jesucristomanta allin noticiata mana judío kaqkunamanpas willakunaypaq, chaynapi paykunapas iñikunankupaq. 8#Hch 10.44.#Hch 2.4.Llapa runakunapa sonqon reqsiq Diosmi paykunamanpas Chuya Espiritunta qorqa ñoqanchikman hina, chaynapim qawachiwarqanchik paykunatapas chaskisqanta. 9Diosqa manam ñoqanchikmanpas nitaq paykunamanpas sayapakunchu, aswanqa iñikuptinkum sonqonkuta chuyanchaykun. 10Chaynaqa ¿imanasqataq Diosta piñachinkichik, ñoqanchikpapas hinaspa ñawpaq taytanchikkunapapas mana apay atisqan llasaq qepita iñiqkunaman churkuspaykichik? 11Yachasqanchikman hinaqa Señor Jesús kuyawasqanchikraykullam Diosqa salvawanchik, ñoqanchiktapas chaynataq paykunatapas, nispa.
12Lliw upallaruspankum Bernabeytawan Pablota uyarirqaku, paykunam willakurqaku Diospa qosqan atiywan mana judío kaqkunapipas admirakuypaq milagrokuna ruwamusqankumanta. 13Paykuna willakuyta tukuruptinkum Jacobo nirqa:
Wawqekuna, uyariykuwaychik. 14Simón Pedrom willawarqanchik mana judío kaqkunamanpas Dios watukuykusqanta, chaynapi paykunamantapas runankunata akllaykunanpaq. 15Chaykunaqa tupanpunim profetakunapa qellqasqanwan. Chuya Qellqam nin:
16“Kaykuna pasaruptinmi kutimusaq,
hinaspaymi Davidpa tuñisqa wasinta hatarichisaq,
perqankunata allichaykuspaymi musoqmanta hatarichisaq,
17chaynapi wakin runakunapas,
ñoqapaq sapaqchasqa nacionkunapas,
Señorta maskanankupaq.
18 #
Am 9.11-12. Ñawpaqmantaraq kaykunata reqsichiq Diosmi chaynata nin”, nispa.
19Chaynaqa, Diosman iñikuq mana judío kaqkunataqa amañayá iskayrayachiychikchu, 20#Ex 34.15-17.#Lv 18.6-23.#Lv 17.10-16.aswanqa kaynatayá qellqaykusunchik: “Amam mikunkichikchu idolokunaman ofrecesqa mikuytaqa, amam huchapakunkichikchu, amam mikunkichikchu yawartaqa nitaq yawarpa pasasqan aychatapas”, nispanchik. 21Ñawpaq tiempokunamantaraqmi, Moisespa leynintaqa sapa llaqtapi yachachinku, chaytaqa sinagogakunapi sapa samana punchawpi huñunakuspankum leenku.
Mana judío kaqkunaman cartasqankumanta
22Chaymi apostolkunawan ancianokuna hinaspa lliw iñiqkuna rimanakurqaku, paykuna ukumanta akllaspa Pablotawan Bernabeytawan kuskata Antioquía llaqtaman kachanankupaq. Chaypaqmi akllarqaku Barsabaswan sutichasqa Judastawan Silasta, paykunaqa karqaku allin reqsisqa qarikunam. 23Paykunawanmi kay cartata apachirqaku:
“Apostolkunawan iñiqmasinchik ancianokunam rimaykamuykiku Antioquiapi, Siriapi hinaspa Ciliciapi kaq mana judío wawqe-panikunata. 24Yachanikum ñoqaykuwan kaqkunamanta wakin runakuna mana kamachichkaptiyku qamkunaman hamusqanta. Paykunam yachachikuyninkuwan pantachisuspaykichik iskayrayachisurqankichik, señalachikunaykichikpaq hinaspa Moisespa leyninta kasukunaykichikpaq kamachisuspaykichik. 25Chaymi lliwchayku tanteanakuruspayku runakunata akllarqaniku, chaynapi kuyasqanchik Bernabeywan hinaspa Pablowan qamkunaman hamunanpaq. 26Paykunaqa wañuytapas mana manchakuspam Señorninchik Jesucristota servinku. 27Kachamusqayku Judaswan Silasmi qamkunaman tukuy kaykunata willasunkichik. 28Chuya Espiritupaqpas chaynataq ñoqaykupaqpas allinpaq kasqanraykum sasa kamachikuykunataqa ama qonaykupaq tantearuniku, aswanqa kamachimuykikuqa kaykunallatam: 29Amam mikunkichikchu idolokunaman ofrecesqa aychataqa, amam mikunkichikchu yawartaqa nitaq yawarpa pasasqan aychatapas, amataqmi huchapakunkichikchu. Allinpunim kaykunata kasukuptikichikqa. Qamkunañayá allinlla” niqta.
30Chay riqkunam despedikuykuspanku Antioquía llaqtaman pasarqaku. Chaypim llapa iñiqkunata huñuruspanku cartata qorqaku. 31Chaymi iñiqkuna leeruspanku sonqonku tiyaykuptin llumpayta kusikurqaku. 32Judaswan Silaspas profetakuna kasqankuraykum iñiqkunata kallpancharqaku, chaynapi qaqa hina sayanankupaq. 33Chaypi unay punchawkuna karuptinkum, llapa iñiqkuna hawkallata aviarqaku, chaynapi Jerusalenmanta kachamuqkunaman kutinankupaq. 34#15.34 Kay textoqa ñawpaq manuscritokunapiqa manam kanchu.[Silasmi ichaqa hinapi qepakurqa]. 35Pablowan Bernabeypas Antioquía llaqtapim qeparqaku, hinaspam wakinkunapiwan Diospa palabranta yachachispanku Jesucristomanta allin noticiata willakurqaku.
PABLOPA ISKAY KAQ ILLASQANMANTA
Pablopa illasqanmanta
36Punchawkuna pasaruptinmi Bernabeyta Pablo nirqa:
Huktawan kutisun Jesucristomanta willakusqanchik llaqtakunaman, chaynapi llapa iñiqkunapa imaynam kasqanta qawaykamunanchikpaq, nispa.
37Chaymi Bernabeyqa munarqa Marcoswan sutichasqa Juanta pusanankupaq. 38#Hch 13.13.Pablopaqmi ichaqa mana allinpaq hinachu karqa, punta illayninkupi Panfilia lawmanta kutikuspa paykunawan manaña risqanrayku. 39Llumpayta piñanakuruspankum iskayman rakinakururqaku. Bernabeymi Marcosta pusarikuspan barcopi Chipre lawman pasakurqa. 40Pabloñataqmi reysinanpaq Silasta akllaykurqa, chaynapim Señorpa yanapakuyninta iñiqkuna mañaykapuptinku pasarqaku.
41Hinaspam Siria lawninta, Cilicia lawninta llapa iñiqkunata kallpanchastin rirqaku.
Currently Selected:
Hechos 15: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012