ZLI VIRZI 10
10
Mizli ngisi ruwuyoy: dideˀ ngi Sem, ngi kam waɗ ngi Zafet
(Pura 1 Ɓi Hi 1.5-25)
1A dirba mekepel madiɗa muzuɓ na, Sem, kam waɗ Zafet, ziri ngi Noweheye, a yam ziri mizilehey le. Slimiɗ ngi dideˀ taŋhay ani: 2Ziri mizile ngi Zafetey i ti Gomer, Magok, Maday, Yavaŋ, Tubal, Mesek waɗ Tiras. 3Ziri mizile ngi Gomerey i ti Askenas, Rifat waɗ Togarma. 4Ziri mizile ngi Yavaŋhay i ti Elisa, Tarsis, Kitim waɗ Rodanim 5Mizli mizliɗam hirnga ng'ar maturahay ati li ngi ciki mubuliyey na, i dideˀ taŋhay vuna gar, a lum hirwuyo, avu mi taŋ maɓam di maɓam di, yo avu sukwi taŋ mubo tivi dideˀ purla. 6Ziri mizile ngi Kamay i ti: Kus, Misrayim, Put waɗ Kanaˀan. 7Ziri mizile ngi Kusoy i ti: Seba, Havila, Sabta, Rakma waɗ Sabtaka. Ziri mizile ngi Rakmahay i ti Saba ati Dedaŋ. 8Kus a yi Nemrot. Buy madiɗa mihimaˀ mudumbuŋ a ruwuyo i naŋ. 9Nemrot i gaw madiɗa zleˀe a mihiri ngi Bumbulvuŋ. Vurˀe, mizli a ɓam: «Gaw madiɗa a mihiri ngi Bumbulvuŋ kaɓa Nemrot.» 10Walahay madiɗa ngisi ruwuy naŋhay i Babel, Erek, Akad waɗ Kalne, taŋ cek angi hirwuy Sineˀar. 11Nemrod a bi ti ngi hirwuy hana, aru nga hirwuy Asiri. A pa walahay madiɗa Niniv, Rehobot - Ir, Kalah, 12waɗ Resen ar wala ngi Niniv ati Kelah walahay madiɗaŋ. 13Misrayim a yi Ludihey, Enemey, Lehabay, Naftuhoy, 14Patrosoy, Kasuluhoy. Filistihey waɗ Kafturoyo a boko baɗ avu taŋ. 15Kanaˀan a yi Sidoŋ modogom naŋ, waɗ Het. 16Het a yi Zebusihey, ngi Amorihey, Girgasihey, 17Hivihey, Arkihey, Sinihey, 18Arvadihey, Semarihey waɗ ngi Hamatay. A dirba nah, sukwi ngi Kanaˀnay a zliɗam hirnga bilyãˀ, 19yo hirwuy ngi Kanaˀanay a ndih zle a Sidoŋ ngir ti Gerar, hã sesẽŋ a Gaza, ngir ti Sodom ati Gomor, Adma ati Seboyim hã a ndila Lesa. 20Hanayna a yi Kamay micifam vur dideˀ vur dideˀ, vur mi taŋ vur mi taŋ, angi hirwuy taŋ waɗ angi sukwi taŋ. 21Sem sukumuŋ madiɗa ngi Zafete, a yi le ya. Naŋ i dideˀ madiɗa ngi Heber ati tizer naŋ gar. 22Ziri mizile ngi Semey i ti Elam, Asur, Arpakzat, Lud waɗ A ram. 23Ziri mizile ngi Aramay i ti Us, Hul, Geter waɗ Mas. 24Arpakzat a yi Sela, Sela a yi Eber. 25Eber a yi ziri mizilehey cuw: mangal mudumbuŋ a zilaka Peleg, mbiɗeˀvra ‹Wunuk›, vur ar hin ngi siifa naŋ na, a wunkaka hirwuyo wunak wunak, yo a zilaka sukum naŋ Yoktaŋ. 26Yoktaŋ a yi Almodat, Selef, Hasarmavet, Yera 27Hadoram, Uzal, Dikla, 28Obal, Abimayel, Saba, 29Ofir, Havila waɗ Yobab. Hanayna gar i ziri mizile ngi Yoktaŋhay. 30Hay taŋhaya, a ndiraka taŋ zle a Mesa, kini ngir ti sarmuwã Sefar misi tisi pas ngi mipriki. 31Hanayna a yi Semey, a cifam vur dideˀ vur dideˀ, vur mi taŋ vur mi taŋ, vur hirwuyo vur hirwuyo, waɗ vur sukwi vur sukwi. 32Naŋ kahana, sukwi mubo tivi ziri ngi Noweheye vur wazlaray vur wazlaray, a jumom vur hirwuy vur hirwuy. A dirba mekepel madiɗa, sukwi ngi mizli mizliɗam hirnga asi ruwuy gar na, a boko baɗ avu taŋ.
Currently Selected:
ZLI VIRZI 10: BEGDC
Highlight
Share
Copy
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.