Ageun 2
2
1Kodaun aisub akuj ka akwap, ka ajoresiokee kere. 2#Any 31:17; Bur 4:4,10. Kapaaran nakikanyetekaarei kodaunite Edeke aisubuke nakesubi. 3#Any 16:22-30. Kisireren Edeke apaaran nakikanyetekaarei, kitalau; naarai ŋipeŋin ŋes ebworaria kaisubuke kere nakesubi Edeke, nakiswamai.
4Ŋol ŋes esube loka akuj, ido loka akwap naasubere.
Kapaaran nakesubia EJAKAIT Edeke akwap ka akuj, 5#Sab 104:14; 65:9,11. ido korina eiauna luebwanete luka ais kakwap, koroko da ebwanuna ikui luka ais; naarai mam EJAKAIT Edeke kitetepit akiru kakwap, komamei ituŋanan yenekoriei akwap. 6Konye kopurionori elisina kokwap, kitapapalenenei akwap kere. 7#1 Kor 15:45. Kosub EJAKAIT Edeke etuŋanan kapua naka akwap, kokutak eiyeŋane loka aijar okumesike; koraun etuŋanan etau lokajaran. 8#Age 13:10. Kiraik EJAKAIT Edeke emanikor ari nakokide, toma Eden; kibwaik nen etuŋanan lokesubi ŋesi. 9#Esk 31:8; Age 3:22; Apu 2:7; 22:2,14. Kitabwan EJAKAIT Edeke kakwap ŋolikitoi loisiyalamikinit akonyen, loejok ainyam; ekitoi loka aijar da kokidin omanikor, ka ekitoi da loka ajenun nuejok ka nueroko.
10 #
Sab 46:4. Kolom ecor kotoma Eden, aitapapal emanikor; ido kanen kotiakas koraunos icorin iwonon, 11#Age 25:18. Losodit ekekiror Pison; ŋol ŋes loirimorit akwap kere naka Kabila, naejai esabu. 12Esabu da loka akwap kaŋin ejokuna; ejai nen ebedelium #2:12 ebedelium eputos bala emina. ka amor nuemelomeloto. 13Ecor lokiareit da ekekiror Gikon: ŋol ŋes loirimorit akwap kere naka Kus. 14#Dan 10:4. Ecor lokiwuniet da ekekiror Kidekel, ŋol ŋes loelosi kari nakokide naka Asuria; ka ecor lokiwononet ŋes Eupurat.
15Koyana EJAKAIT Edeke etuŋanan, kibwaik ŋes toma omanikor loka Eden, akorienen ka aidar ŋes. 16Kicorak EJAKAIT Edeke etuŋanan ebe, “Inyamenenei kwape ikotor araito nuka ŋolikitoi lokomanikor: 17dimarai mam inyami nuka ekitoi loka ajenun nuejok ka nueroko: naarai kapaaran nainyamia ŋun itwani cut.”
18Kobala EJAKAIT Edeke ebe, “Mam ejok etuŋanan ajakut bon; asubakini eoŋ ŋes ikenarakinan yenibusakinit.” 19#Sab 8:6. Kosodi kosubak EJAKAIT Edeke toma akwap nolitian loka ais, ka lueporitos kotoma apak; koyau kes neejai etuŋanan aanyun kwape emaanakinia ikecekiroriajido nolikiror kere lokemaikin etuŋanan ŋinibore yenikaiaran, koraun ŋol ekekiror. 20Komaanak etuŋanan ibaren kere ikiroria, ka lueporitos kapak, ka itian kere luka ais. Konye komam etuŋanan edumakina ikenarakinan yenibusakinit. 21#Age 15:12. Kitojoto EJAKAIT Edeke etuŋanan ajo nuipu, kojotoor; koditu amaran adiopet, kinyakak akiriŋ toma aiboisike. 22#Awa 18:22; Bur 13:4. Kosub EJAKAIT Edeke aberu kamaran kaŋin naadituni kotunanan, koyau ŋes neejai etuŋanan. 23#Age 29:14; Tub 9:2; 2 Sam 5:1; Pes 5:30; 1 Kor 11:8. Kobala etuŋanan ebe,
“Na ŋes akoit naka akoioka,
Ido ŋes akiriŋ naka akiriŋika: enyarao ŋes Aberu,
naarai aditunio kotunanan.”
24 #
Sab 45:10; Mat 19:5; Mk 10:7-8; 1 Kor 6:16; Pes 5:28-31. Ŋes inyeinia ekiliokit papake ka totoke, kiketakin neejai akeberu: koraut adiopekuan. 25#Any 32:25; Isa 47:3. Emujalalas kesi kere, etuŋanan ka akeberu, komam ileicikinito.
Currently Selected:
Ageun 2: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.