Maatoosa 1
1
Yesuusa yeletith xussii
(Luq. 3:23-38)
1Dawute na7a Afraame na7a maaqqeez Yesuus Kiristtoosa yeletith.
2Afraame Isaaqa yeleeza;
Isaaqa Yayqqooba yeleeza;
Yayqqooba Yihudarannee e ishita yeleeza;
3Yihuda Ti7imaaripp Paaresannee Zaara yeleeza;
Paaresa Asroome yeleeza;
Asrooma Raame yeleeza;
4Raame Aminadaba yeleeza;
Aminadaba Na7asoona yeleeza;
Na7asoona Salmoone yeleeza;
5Salmoona Ra7aabppe Boo7eeza yeleeza;
Boo7eeza Uritppe Iyobeede yeleeza;
Iyobeede Issaye yeleeza;
6Issaye kaata Dawite yeleeza;
Kaat Dawite Ooriyo machchattippe Solomone yeleeza;
7Solomone Robi7aama yeleeza;
Robi7aame Abiya yeleeza;
Abiye Asaafe yeleeza;
8Asaafe Iyosaafexe yeleeza;
Iyosaafixe Iyoraame yeleeza;
Iyoraame Oozanee yeleeza;
9Oozanee Iyo7ataame yeleeza;
Iyo7ataame Akkaza yeleeza;
Akkaza Hiziqasa yeleeza;
10Hiziqasa Minaase yeleeza;
Minaase Amooxa yeleeza;
Amooxa Iyosaasa yeleeza;
11Iyosaasa Ikonaanarannee e ishita yeleez ya laythate Isreele asay di7inttii Baabiloone biitta yhanigeeza.#2 Kaat. 24:14-15; 2 Zeena. 36:10; Erim. 27:20
12Baabiloone biitta Isreele asay di7inttii yhanigeezaypp guye Ikonaana Salatiyaale yeleeza.
Salatiyaale Zerubaabela yeleeza;
13Zerubaabela Abdiyu yeleeza;
Abdiyu Eliyaaqeme yeleeza;
Eliyaaqeme Azoora yeleeza;
14Azoora Sadooqe yeleeza;
Sadooqe Akime yeleeza;
Akime Eliyuuda yeleeza;
15Eliyuuda Alaazara yeleeza;
Alaazare Maatane yeleeza;
Maatane Yayqqooba yeleeza;
16Yayqqooba Yooseefa yeleeza;
Yooseefa Kiristtoosa giz Yesuusana yeleez Mayramii azina.
17Yikkee, yeletithii Afraamepp Dawute hellodayis taphpho oydde. Dawutepp yhanigii Baabiloone di7a hellodayis taphpho oydde. Baabiloone di7aypp yhanigii Kiristtoosa hellodayis taphpho oyddii yeletithi maaqqiza.
Yesuus Kiristtoosa yeletithi
(Luq. 2:1-7)
18Yesuus Kiristtoosa yelintto taarikay yhaypp kaalliza. E indat Mayrama Yooseefas oyccinttii yezar Yooseefar wolla aqekkazar geeshsha Ayyanapp woddexeeza.#Luq. 1:27 19Yooseefa geesh as maaqqeez gisho izo asii ododay garkk koyekkazay gishos geemar ashshodayis qoppeeza. 20E ye qofayil yezin Xoossa kiitanchchay abukkar ees benttii, «Dawute na7a, Yooseefa, Mayrama woddexeezay geesha Ayyanapp maaqqeez gisho izo ekkodayis yashittippe» yeegeeza. 21Iza dhiirath na7a yeloda, E woyita u nagaraypp ashshizay gisho e suntha ne Yesuusa gi xeegoda.#Luq. 1:31
22Goday nabay doonar, 23«Yeezako wudirtta wodexxoda; dhiirath na7a yeloda; e sunthay Amanu7eela ginttinttoda» geezay polinttoday garkk yha ubbay haneeza. Amanu7eela guusayis birshshithay «Xoossay nuuri yeza» guussii.#Isa. 7:14
24Yooseefa genttapp barkkii Goday kiitanchchay kiitteezay garkk Mayramo fa kara kanggeeza. 25Zin fa bayra na7a yelod gatho izo bochchekaya;#1:25 Izo bochchekaya: Machchir azinar aqizaygarkk wolla aqekka guussii. yelintteez na7akka Yesuusa gi xeegeeza.#Luq. 2:21
Currently Selected:
Maatoosa 1: MeloNTL
Highlight
Share
Copy
Want to have your highlights saved across all your devices? Sign up or sign in
The Word for the World Ethiopia