Matí Injíl 2
2
II. DUHMÍ BÁB.
1Waktá ki Yesu Yahúdah dehá Bait‐ul‐laham shahr neáṉwáṉ paidá bíṯẖa, ma hawán roshá ki Herodís bádsháh nishta, najúmí mardá azẖ rosh ásána phalwá Yerúsalam neáṉwáṉ áḵẖto, 2pholkhuṯẖa ki án bachh ki Yahúdí álam bádsháh paidá bíṯẖa, bakhoe; Áṉhí istar díṯẖag̱ẖúṉ, rosh ásána phalwá, pha sijda khanag̱ẖá áḵẖtag̱ẖúṉ. 3Haḏẖeṉ ki Herodís bádsháhá hawí gálwar ashkhuṯẖa, án de thewag̱ẖe Yerúsalam nindoḵẖ de go áṉhí phajiá dilá armán bíṯẖag̱ẖant. 4Guḍá sirdar káhin de shará likhoḵẖ de much khuṯẖo pholkhuṯẖai ki Masíh bakho paidá bí. 5Gwashtaish ki Yahúdah Bait‐ul‐laham neáṉwáṉ ki hacho nabiá likhṯẖa ki
6Thau de, yá Bait‐ul‐laham pha Yahúdah dehá,
Azẖ Yahúdah sardará kastar nê:
Hawí sángá ki azẖ thai phalwá yake sardar darkhafí,
Ki mai álam sará ráj khat.
7Guḍá Herodísá azẖ najúmí mardá chupkhuṯẖe gwanjṯẖo phol‐phurs khuṯẖa ki thán welá istar sahrá bíṯẖa? 8Guḍá Bait‐ul‐laham phalwá shashtáṯẖo ánhánrá gwashtai ki baroe, bulu phol‐phurs khane, waktá ki ginde maná hálá de, ki ma de kháṉ, sijda khanáṉ. 9Hawí hál ashkhuṯẖo sargiptag̱ẖant. Guḍá istar ki rosh ásána phalwá díṯẖa, demvá shuḏẖa dánkho ki áḵẖto án hand burzá kharo bíṯẖa ki hawoḏẖa bachh nishta. 10Istar díṯẖo sakhia whash bíṯẖag̱ẖant. 11Guḍá log̱ẖ andará áḵẖto bachhar go áṉhí máṯẖá Maryam díṯẖaish wa khapto sijda khuṯẖaish. Guḍá waṯẖí horjín buḵẖto tangav, lubán, murr, áṉhiar naḏẖar írkhuṯẖaish. 12Whává sahíh bíṯẖo ki Herodís gura ma thare baroe, guḍá waṯẖí dehá thíh dagá sar giptag̱ẖant.
13Hacho sargiptag̱ẖant, guḍá Huḏẖáwand firishtag̱ẖá whává Yusufar sahrá bíṯẖo, gwashta ki kharo bí, bachh de áṉhí Máṯẖ de gir Misrá baro; hawoḏẖa nind dánkho ki man thará thíh hukm na deáṉ pachi ki Herodís bachhar pholí pha kushag̱ẖá. 14Guḍá kharo bíṯẖo bachh de áṉhí máṯẖ de gipto, Misrá rawán bíṯẖa. 15Hawoḏẖa de nishta dánkho ki Herodís murtho shuḏẖa, ki án gálwar phílav bí, ki Huḏẖáwandá waṯẖí nabí dastá gwashta ki, Azẖ Misrá waṯẖí bachhar gwánjṯẖáṉ. 16Guḍá Herodís surphaḏẖ bíṯẖa ki najúmí mardá maná shag̱ẖán jaṯẖa, sakhia zahr gipta; guḍá lashkar shashtáṯẖo thewag̱ẖe bulu kushenṯẖa ki Bait ul‐lahamá de nazík halká de azẖ do sálá kisán aṯẖant, hacho ki azẖ najúmí mardá phol‐phurs khuṯẖagẖaṯẖ. 17Guḍá án gálwar, ki Yaramiyáh nabiá gwashta, phílav bítẖa ki
18Rámah neáṉwáṉ taukh jaṯẖa,
Gẖam wa sakhia dilgír ki,
Ráḵẖíl waṯẖí bachhání sara greg̱ẖe;
Tarsalla na khanag̱ẖe pachi ki nestant.
19Waktá ki Herodís murtho shuḏẖa, guḍá Huḏẖáwand firishtag̱ẖá Misr neáṉwáṉ Yusufar whává sahrá bíṯẖo gwashta ki, 20Kharo bí, bachh de gir áṉhí máṯẖ de gir, Israel dehá baro, ki áṉ mard murtho shuḏẖag̱ẖant ki buluar kushag̱ẖá saláh khuṯẖa. 21Guḍá kharo bíṯẖa, bachh de, áṉhí máṯẖ de gipta, Israel dehá áḵẖta. 22Haḏẖeṉ ki ashkhuṯẖai ki Yahúdah neáṉwáṉ Arḵẖiláus waṯẖí phiṯẖ handá ráj khanag̱ẖe, azẖ oḏẖa rawag̱ẖá tursṯẖai: whává de sahíh bíṯẖo Jalíl phalwá chupkhuṯẖo shuḏẖa. 23Guḍá shahreá, Násarat námá, áḵẖto nishta, ki áṉ gálwar phílav bí ki nabiá gwashta ki áṉhiar Násarí gwánjanant.
Currently Selected:
Matí Injíl 2: BGPRMAT
Highlight
Share
Copy
Want to have your highlights saved across all your devices? Sign up or sign in
Published in 1884 for the Punjab Bible Society.