Mateo 1
1
Jesús tynondeshi vekuare
1Kova hai tyree arykaivare Jesucristo ndei ourã vekua, hai David hareka Abraham ñymoñashiare. 2Abraham, Isaac tuu, Isaac, Jacob tuu; Jacob, Juda hareka tyvyre tuu. 3Juda, Fares hareka Sara, ishyre Tamar; Fares, Esron tuu; Esron, Aran tuu; 4Aran, Aminadab tuu; Aminadab, Naason tuu; Naason, Salmon tuu; 5Salmon, Booz tuu, hareka Booz ishy Rahab; Booz, Obed tuu hareka ishy Rut; Obed, Isaí tuu. 6Isaí, mburuvisha David tuu; hareka mburuvisha David, Salomón tuu, ishy Urias hyrekokue. 7Salomón, Roboam tuu; Roboam, Abías tuu; Abías, Asa tuu; 8Asa, Josafat tuu; Josafat, Joran tuu; Joran, Uzias tuu; 9Uzías, Jotam tuu; Jotam, Acaz tuu; Acaz, Ezequías tuu. 10Ezequías, Manasés tuu; Manasés, Amón tuu; Amón, Josías tuu. 11Josías, Jeconías hareka tyvyre tuu, ko Israelitare raha mbyperesoa Babiloniaperã vekua. 12Haivi ou oa Salatiel, Jeconías tay hai Zorobabel tuu. 13Zorobabel, Abihud tuu; Abihud, Eliakim tuu; Eliakim, Hazar tuu. 14Hazar, Sadoc tuu; Sadoc, Aquim tuu; Aquim, Eliud tuu; 15Eliud, Eleazar tuu; Eleazar, Matán tuu; Matán, Jacob tuu. 16Jacob, José tuu; hareka José, María ĩme; María, Jesús ishy Cristo he'iashua. 17Kyrã jahesha 14 Abraham ñymoñashi vekua retaivive David peve, hareka 14 David vivee Israelitare rahaha mbyperesohapeve Babiloniape, hareka ĩrũ 14 Israelita rahahaivive Cristo oapeve.
Jesús oarã vekua
18Jesucristo oarã kyrãmba: Ishy, María heima reko verã José; tẽvã ndeitẽ jyrekovare María purua Espiritu Santo rupii. 19José hai kuimbai heko kaviva, potãã mymarãkashurã mbavamba kuavape pota hejareshu. 20José pya mbijeta'irã, mondii jypaihupe ijeshakashu pente Tũpa jokueva hãrã heishu: “José, David ñymoñashia, avy kyje reru verã María ndyrekorã, ko sanjay María ĩmere verã hai Espiritu Santo japova rupii. 21Hai memby kuimbaipokui, hareka rymbyheepo ko sanjay Jesús, kyrãpo he'iashu shara hai mondojepepo henta ĩrũre mbai porãmbaivi”. 22Kova mbai jehu, hekope kavi iko verã Ñandeja heiva Tũpa ĩñee mbeu'ia rupii: 23Ko kuñatãi ndei kuimbai pokohea memby kuimbaipo. Hãrã hai heerãpo “Emanuel” he'iseva: “Tũpa ẽẽ ñanendie”. 24José sarekorã japo Tũpa jokueva heishua, hãrã veru hyrekorã María. 25Tẽvã ikoãmba hãndi, memby tynondeva oapeve, hareka mbyhee Jesús.
Currently Selected:
Mateo 1: TPJ
Highlight
Share
Copy
Want to have your highlights saved across all your devices? Sign up or sign in
©2023 LETRA Paraguay