Si do Aposela ki kera ilidaki 12
12
1Ma fuliṉana si maṉa eri tha Heroda na kiṉa e tekwasia abana, ka fare taa ana tei toa ana ṉa figua. 2Ma nia thauṉia tha Jemesi doorana tha Jone ana nini ni firu. 3Ma uria ne rikia na si do eri e faalea Ju ki, nia raua lau boo tha Pita. Ma fa boṉi eki si maṉa ana berede ne ai ta lefena iei. 4Ma nia raua e sui, ka suusi nia i la lokafu, ka fale nia ifana tee akwala ma ono wane ana firua ki keki suusi nia, ta fai nonii wane, sui ta fai nonii wane, ka fula ana toa eki sui boo; manatana sa kai talaia mai isana toa eki buriana Tathafafi la ba. 5Mania kera suusia tha Pita i la lokafu: ma figua eri keka seemabe ana foa la atha God uri nia. 6Ma lalae e karaṉia naa si maṉa na tha Heroda kai talai nia mai, afa rodo eri boo tha Pita kai biṉa ana i maalutana ro wane ana firua ki, fafia ro nailii thalo na kera kani nia ania: ma toa ni kwaisuusi la kera takwe i maa, keka suusia lokafu eri. 7Ma rikia fasi, angel tha Lord ka takwe isana, ma lalaa la ka laa ana kadee biu eri: ma nia kwae i ninimana rakena tha Pita, ka tharasi nia, ka una eri, Oki tatae fofoa. Ma nailii thalo eki ka asia faisia ro aba nia ki. 8Ma angel eri ka soree isana, Oki ali oe, ma oki kania butu oe ki i aaemu. Ma nia ilia si do eri. Ma nia soree isana, Oki tooni oe, ma oki lae mai iburiaku. 9Ma nia kotho i maa, ka lae iburiana; ma nia e ai si thaitoomana na do eri e mamana, do na angel eri e ilia, manatana sa nia rikia bana si na kera fatai lalaa ania. 10Ma lalae kero tatha naa ana wane totonao ana suusi lana lokafu ma ruana wane, keko fula ana maana olofolo na kera thauwai nia ana thalo, ne lio uria toaa susu eri; ma olofolo eri ka tala ifi i talaana ifada: ma keko kotho kau, keko lae sulia tee tala; ma si maṉa eri u boo angel eri ka lae faisi nia. 11Ma si maṉa na tha Pita ka bii thaitoomana lea, nia ka sorea, Ku bii thaitoomana mamana, na tha Lord e arasia mai angel nia ma ka faamaruki nau faisia abana tha Heroda, ma faisia si do eki sui boo na toa eki ana Ju ki kera manatatoo ṉado uria. 12Ma buriana ne thaitoomana maalutana si do eri, nia fula i maafera ni Meri thainana tha Jone na ruana thata nia tha Mako; asi kula na toa oro kera figu mai iei, keka foa. 13Ma si maṉa tha Pita e kikidi buira maa, tee thari e lae fasi kai soetoona, thatana ni Roda. 14Ma si maṉa ne thaitoomana ṉata lana tha Pita, thari eri e ai si ifinia maa uria nia seethathala, e fita mai i fera, ka faaroṉoda na tha Pita ka takwe i maa. 15Ma kera soree isana, O oeimola. Ma ni nia e ṉata seeraa, ka sorea si do eri e mamana. Ma kera sorea, Angel nia neri. 16Ma tha Pita ka kikidi ka toto bana: ma lalae ifi naa, kera riki nia, keka tona. 17Ma ni nia ka faabona kera ana abana, ka uunu sulia ade la eri isada na tha Lord e ilia si maṉa ne talai nia faisia lokafu. Ma nia sorea, Lae, muki faaroṉoa tha Jemesi ma baree wai doorana ba ki, asi do eki. Ma nia lae nana, ka tatha uria ta kula eeta lau. 18Ma si maṉa ne dani u boo, kanababae la baita ka tae mai i maalutana wane ana firua eki, sulia si ta ne uria tha Pita. 19Ma si maṉa na tha Heroda e rofe uri nia, me ai si fulatoona, nia soekalitana toa eki na kera susuusi nia, ka sorea keki talaida uria thauṉi lada. Ma nia sifo faisia Judia uri Sesaria, ka to ni laea asi kula eri.
20Ma tha Heroda rakena e aṉofia toa i Taera ma i Saedona: ma kera lae mai isana ana tee si lio, keka adea tha Bilasitasi, wane ne beta sulia si kula na kiṉa eri ka biṉa iei, kai ado bi kera, sui keka gania sa keki to kwaimani lau, sulia faṉa na keki ania i fanua kera kai lae mai ana fanua kiṉa eri. 21Ma ana fa boṉi ne gwalua tha Heroda e lauṉi asi maku ne farana kiṉa, ma ka ono ana do ni ono la ana inotoa eri, ka fofolota baea isada. 22Ma toa eki kera suni, keka una eri, Ṉata lana ta god neri, ṉata lana imole e ai. 23Ma si maṉa eri u boo angel tha Lord ka kwae nia, uria ne ai si faainotoa tha God: ma wa ki kera aani nia, ka nofi.
24Ma bae lana tha God ka tae ma ka oro ka oli alaa.
25Ma tha Banabasi ma tha Solo keko oli faisia Jerusalema, buriana na kera ilia ra keroa ba e sui, keko tolea tha Jone na ruana thata nia tha Mako bi keroa.
Currently Selected:
Si do Aposela ki kera ilidaki 12: MLU1949
Highlight
Share
Copy
Want to have your highlights saved across all your devices? Sign up or sign in
British and Foreign Bible Society 1949, 1951