Fagsigadan 5
5
Adan ay at ngay Fufu sat Dagat Daga
(1 Kru. 1:1-4)
1-2Ebi ataw, tam Diyus naawat taw. Ay nu kawat, naawat mangama ay mangena. Ay nafakata tuwa anya. Ay nu naawat wan, Diyus nafoyung tuwa sas taw te, “E fasadan aktuwa masine sa ayu.” Ay Diyus nafangayan at naawat te, “Kanya at ngayan, taw.”
Ay katatuy at foyungan sas Adan baliwa, ay anggan sat ngay fufu sat dagat daga:
3At naawat fag mangama, at ngayan, Adan. Ay Adan banwa nu anwa 130, kanya inke unga, sik ama. At ngayan Set. Kanya Set, kata fiya fiya at tama. 4Ay siginan Set insalug, Adan igleleg yay 800k banwa. Ay ginanya fag 800k banwa, Adan inke ngay unga yay ayuwayu, sik ngay ama ay sik ngay ina. 5Ay at banwa nu anwa 930, inkate wan Adan.
6Ay Set banwa nu anwa 105, kanya inke unga, sik ama. At ngayan Enus. 7Ay siginan Enus insalug, Set gleleg yay 807k banwa. Ay ginanya fag 807k banwa, Set inke ngay unga yay ayuwayu, sik ngay ama ay sik ngay ina. 8Ay at banwa nu anwa 912, inkate wan Set.
9Ay Enus banwa nu anwa 90, kanya inke unga, sik ama. At ngayan Kenan. 10Ay siginan Kenan insalug, Enus gleleg yay 815k banwa. Ay ginanya fag 815k banwa, Enus inke ngay unga yay ayuwayu, sik ngay ama ay sik ngay ina. 11Ay at banwa nu anwa 905, inkate wan Enus.
12Ay Kenan banwa nu anwa 70, kanya inke unga, sik ama. At ngayan Maalalel. 13Ay siginan Maalalel insalug, Kenan gleleg yay 840k banwa. Ay ginanya fag 840k banwa, Kenan inke ngay unga yay ayuwayu, sik ngay ama ay sik ngay ina. 14Ay at banwa nu anwa 910, inkate wan Kenan.
15Ay Maalalel banwa nu anwa 65, kanya inke unga, sik ama. At ngayan Yared. 16Ay siginan Yared insalug, Maalalel gleleg yay 830k banwa. Ay ginanya fag 830k banwa, Maalalel inke ngay unga yay ayuwayu, sik ngay ama ay sik ngay ina. 17Ay at banwa nu anwa 895, inkate wan Maalalel.
18Ay Yared banwa nu anwa 162, kanya inke unga, sik ama. At ngayan Inuk. 19Ay siginan Inuk insalug, Yared gleleg yay 800k banwa. Ay ginanya fag 800k banwa, Yared inke ngay unga yay ayuwayu, sik ngay ama ay sik ngay ina. 20Ay at banwa nu anwa 962, inkate wan Yared.
21Ay Inuk banwa nu anwa 65, kanya inke unga, sik ama. At ngayan Metuselak. 22Ay siginan Metuselak insalug, Inuk gleleg yay 300 banwa. Ay ginanya fag 300 banwa, Inuk inke ngay unga yay ayuwayu, sik ngay ama ay sik ngay ina. 23-24Ay Inuk kaduge gbanwan, masadi tuwa sas Diyus. Ay bandi, at banwa nu anwa 365, Inuk di nkate. Ay deyud inkate, Diyus nataban anya sat fagbanwanan.
25Ay Metuselak banwa nu anwa 187, kanya inke unga, sik ama. At ngayan Lamek. 26Ay siginan Lamek insalug, Metuselak gleleg yay 782k banwa. Ay ginanya fag 782k banwa, inke ngay unga yay ayuwayu, sik ngay ama ay sik ngay ina. 27Ay at banwa nu anwa 969, inkate wan Metuselak.
28Ay Lamek banwa nu anwa 182, kanya inke unga, sik ama. 29Ay Lamek glong te, “Tuy nangus ku unga at tumarabang antam laman ban di tam dawdaw gatakan. Teway gatakan watam dawdaw nu gfagbulun tam katsi, teway tam daga wa kamasine ebi. Diyus nafauri wan ay.” Ay Lamek nafangayan at unga te Nuwe, teway kanya fag ngayan at masuwad, sik tagtarabang. 30Ay siginan Nuwe insalug, Lamek gleleg yay limak 595. Ay ginanya fag 595k banwa, inke ngay unga yay ayuwayu, sik ngay ama ay sik ngay ina. 31Ay at banwa nu anwa 777, inkate wan Lamek.
32Ay Nuwe banwa nu anwa 500, kanya inke unga. Ay bandi nu glugo wan, at baguwama tulu wan. At ngayan, Sem, Kam, ay Afet.
Currently Selected:
Fagsigadan 5: TAWEAST
Highlight
Share
Copy
Want to have your highlights saved across all your devices? Sign up or sign in
Copyright © 2023 by OMF International, Philippines