Wĭkheegŭn 6
6
1Agĭmtĕ yootŭl kĕkwsāăl Sāsoos kwŏŏsŭl asoopŭn Goolelĕtk tŭlā’ soo’bĕkw tan Teibeleŭs oosoobĕkwŭm.
2Ha ŭktanakwsooŭk pŭmowsooenooŭk oonoosookwawŏbŭnĭl, eebŭchŭl oonŭmĭhtooneabŭnĭl kenooŏskoodeegŭnŭl tanĭl kesetagwĭl kĕsenookŭtejĭk oohŭkā’wĭkoo’ŏk.
3Ha Sāsoos tkwakwāhāāpŭn woochŏŏk, ha net tĕt oomowoopĭh’anĕbŭnĭhĭ tanĭhĭ ĕgĕhkematpŭnĭhĭ.
4Net nankŭmehamkāwā’ wĭkoobalteemŭk kŭte‐egĕhĕ: net Lĕsweesŭk wĭkoobaltĭmkāwāŭmooŏk.
5Netwāje Sāsoos āwābeu labĕsoopŭn ha oonŭmĭha kĕselĭt pŭmowsoo’enoo wĕchkooabaselejĭhĭ tan nāgŭm āĭt, toocheu ootĭha’bŭnĭl Pelĭpŭl: Tamapa’l kesutŭn’ooha’n hŭpan tanĭlp’ kese mŭhatejĭl yoohooh’t?
6Wĕjeyŭhat net ootookwĕtsskŏŏhlal: eebŭchŭl Sāsoos ookŭjejĭhtoon tanŭch ĕlātagĕch.
7Pelĭp ootasedāma’bŭnĭl ootĭhal: Nesa’tkw denāleŭl, (man net tana’p n’koodĭnsk kĕsĭtkegoon,) ĕlaootĭt hŭpan skatŭp māmehāoo chegaoo ā’taseu wekwĕhlat ăpsŭgĭlsŭswŏŏl.
8Pĕskooŭl yoohoo’ht pĕmŭkĕhkemajĭhĭ, Atŭlā’, Semoo Peāl’ wĭjegetetejĭl, ootĭhal Sāsoosŭl:
9Ooskenooses ëuloo tan ā’ooŏt nanoo baleāwāya ŭpkwāseegŭn; ha neaga nesoo ŭpsŭgĭlsŭselejĭhĭ nŭmĕse’s. Kākw pal nĭkt ŭleoolāta’geŭk kĕsĭt pŭmowsooĭn?
10Sāsoos eetŭm: Kesātoowŏŏk’ pŭmowsooenooŭk oolagwŏnea. Ha net woolaskekĕ. Net nŭ oolagwŏn’ea ooskedăpeŭk, tamaha’l nanam’kwakŭs’ooŭk.
11Ha Sāsoos wekwĕhlan yoohooh’t ŭpkwāse’gŭn, ha kese oolasooĕltŭk oosesĕnmooŏn nĭhĭht ĕlagwĕlejĭhĭ. Ha neaga nŭm’ĕsā tan kĕsepawŏtŭmootĭt.
12Tan toocheu’ māmĭhpooltetĭt, Sāsoos ootĭha tanĭhĭ ĕgĕhkemajĭhĭ: Magweiyāootŏŏk peĕhpŭnāgool; wĕlaman skat kĕkw ŭksĭhkāhāoo.
13Netwāje mawāootootĭt, ha wĕje ŭpsŭnātooteejĭl nesankoodool pŭsŭnoo’teŭl peĕhpŭnāgool, tanĭl wĕje‐peāmehagĭl wĕhkĕtkŭk nanook baleāwāyak ŭpkwĕseegŭnŭk tanĭk kesepooltĭtpŭnĭk.
14Netwāje pŭmowsooenooŭk tanek’ nĕmĭhtoo’tĭtpŭn kenooŏskoodeegŭn tan Sāsoos ĕlekesātakwpŭn, etŭmootoo’bŭnĭk: Oolămāwagŭn ĭkŏŏk woot nŭt neganedŭhasooeen tan kādepŭkŭchehatpŭn ooskĭt’kŭmĭkw.
15Netwāje tan toocheu’ kĕjejĭhat Sāsoos ookŭtepĕdabaselĭn oonăjĭt‐kwŏŏnkŏŏn ha oonăjekinchāmŭs‐wĕhlŭkoon, apch oomajĭhan, tkwakwĕhĕ wŏŏchŏŏk ’nkwŏŏtookwaeu’.
16Un wĕlagwewĭk tanĭk wĕdŭhkĕhkemoojĭk oohŭkĕk mŭtabea’baselĭn sŭnoocheu’.
17Noo ootĕba’base’nea ŭpŭso’lŭkŏŏk ha kwŏŏsŭkaha’nea soobĕkw, lĭmtŭtŭka’heyŭk Cāpŭlneŭmk. Ha agĭs pĭskĭtpookŭt, ha māch mĕskw Sāsoos pŭkŭchehawŭn āoolteelĭt.
18Ha asoolbĕkw ŭksatkwĭn ĕlĭkslămsŭk.
19Netwāje kes ĕleĕljenaskwĕsoolteetĭt tamaha’l nŭhooŭk meiālŭk, kŭsŭnaha’l nŭhooŭk meiālŭk chĕl ābahseu, oonŭmehawŏl Sāsoosŭl pĕmehalejĭl ooskĭtpāmŭk, ha chkooechŭse’hehŭl ŭpŭso’lŭkŏŏk, ha sĕksooltooŭk.
20Kānookŭloo Sāsoos ootĭha: Ekwesĕksooltikw! Nel net.
21Toocheu ooledŭha‐sooĭm‐sŭnawŏl ŭpso’lŭkŏŏk; ha net tĕhna ŭpsolŭkw ŭkwĕhĕ tan ĕlehatĭtpŭn.
22Ehchĕhkwewĭk ā’taeu’kesook, tan toocheu’ pŭmowsooenooŭk tanĭk sĕkŭltejĭk kameu’ soobāgŏŏk oonŭmetoo’nea skadama kŭtŭk ŭpŭsolŭkw ëeu nĕt tĕpook’t pĕskoon, ha Sāsoos skat wejāwowebŭnĭhĭ tanĭhĭ ĕgĕhkemajĭhĭ ŭpŭso’lŭkŏŏk’; kānookŭloo tanĭk wĕtŭkĕhkemoo’bŭnĭk oohŭkĕk majāheoo’bŭnĭk n’kwootŏŏkookayoo;
23Kānookŭloo kes ooche‐kwŭhādoo’bŭnĭl kŭtŭkĭl ŭpŭso’lŭkool Teibeleŭsk, ha ŭkwŭhādoo’bŭnĭl kwĭheu’ tan tĕt ĕtle‐mejoolte‐tĭtpŭn ŭpkwāseegŭn, kese oolasooĕltŭkpŭn K’sakŭmamŭn.
24Netwāje kesenŭmetootĭt ŭkwtanakwsejĭk mowehamŭk Sāsoosŭl skat ooteëlewŭn net, ha tĕhna tanĭk wĕtŭkĕhkemoojĭk oohŭkĕk, nāgŭmow nŭ tĕbĕsooltooŭk ŭpŭso’lŭg-wĭkŏŏk, ha ŭkkwahlŭtooŭk Cāpŭlneŭmk oopĕjekwelooŏhawŏl Sāsoosŭl.
25Ha kesĭmskooalĭt kamŭk, ootĭhawŏl: N’sakŭmamŭn, tanwĕk’ ŭkpŭkŭcheha’ps yoot?
26Sāsoos ootasedāma, ha eetŭm: Ulĭhĕ ŭlĭhĕ, yŏŏhoolĕkw, kwelooeheepa, skat eebŭch ŭl k’nŭmĭhtoonea’bŭnĭl kenooŏskoodeegŭnŭl; kānookŭloo eebŭchŭl kŭmahawa’bŭnĭk ŭpkwāseegŭnŭk, ha neaga kŭmāme‐pooltepapŭn.
27Moo saak oocheloo’kŭtekĕk’w net mechooagŭn ĭkŏŏk tan pĕmĭksekahak: oolamĭsta’k oochelookŭtĭkw net mechooagŭn ĭkŏŏk, tan chĕnĕsĭk askŭmowsooagŭn ĭkook, tan pŭmowsooĭn Ookwŏŏsŭ lkŭmĭlkoonea’ch. Eebŭchŭl Wāgwŏŏsĭt Nŭkskam kese kenooŏskoolal netŭl.
28Netwāje yŭhahtĭt: Tanŭch’n’tŭlātakhŭtenĕn lookadŭmoo‐ook’t Nŭkskam ootŭlookāwa’gŭnŭl?
29Sāsoos asedāmat ha ootĭha: Yoot Nŭkskam ootŭlookāwagŭn, koolamsŭtŭmoote’nea nāgŭm oohŭk, tanĭl Nŭkskam kese lŭkemajĭl.
30Netwāje ootehawŏl: Kĕkwsā’ kenooŏskoodeegŭn ĕloo’keŭn? wĕlaman kesenŭmĭhtoonānŭp, ha wĕlaman koolămsŭtoolpŭn? Kākw ĕlooka’dŭmŭn?
31Kŭmĭtakwsŭnook’ mĭjoolte’tĭtpŭnĭk’ mana pĕnāgwĭk’pŭnĕkw bakatakŭmeekw. Stŭkā’ tan ĕlooĭkhasĭkpŭn: Wĕjemelat’pŭnĕk’ hŭpan spŭmkek, mejool’tĭlĭts’.
32Netwāje Sāsoos ootĭha: Ulau, ŭlāu, yŏŏhoolĕkw, Mooes skat kŭmĭlkoone‐awĭb’ŭnĭl hŭpan spŭmkek tŭlāyaoo: kānookŭloo N’mĭhtakws kŭmĭlkoonea’l oolămāwā’ hŭpanŭl spŭmkeek tŭlāyaoo.
33Eebŭchŭl Nŭkskam ootŭpa’nŭmŭl net nŭt tan wĕje‐pŭnāgwĕsĭt spŭmkek, ha oomelooŏn pŭmowsooagŭn ooskĭt’kŭmĭkw.
34Netwāje ootĭhawŏl: Sakum, mā’jemeu’ melene woot hŭpan.
35Sāsoos ootĭha: Nel net pŭmowsooagŭnā’ hŭpan. Nāgŭm tan egŭhat n’hŭkĕk skatŭch kŭtoopeu; ha nāgŭm tan wĕlamsŭtŭk ’nhŭkĕk skatŭch kŭtoowŏŏsmeu’ askŭmeu’.
36Kānookŭloo ŭktehooloopapŭn, kese nŭmĭhepapŭn, ha skat koolamsŭtŭmooteba.
37M’seu wĕn tan N’mĭhtakws melet pŭkŭchehĕch n’hŭkĕk. Ha tanŭch wĕn nāgŭm egŭhat n’hŭkĕk skatŭch nootā’gemow kwŭch’ŭmŭk.
38Eebŭchŭl wĕje‐bŭnĕgwĕseŭnpŭn spŭmkek skat n’tŭlookawŭn tan nel ĕlëooleedŭhadŭm; kānookŭloo ’ntŭlook tan nāgŭm eleooledŭhadŭk tan pĕtŭkemĭtpŭn.
39Eebŭchŭl yoot N’mĭhtakws ooledŭhadŭmooagŭn, ’mseu wĕn tan nĕmĭhat Wĕmĭtakwselejĭl, hatĕhnaoolamsŭtŭmŭnŭl oohŭkĕk, ooteĭnp askŭmowsooagŭn. Ha nel noonagĕhlach ’mchŭsŭlāwā’ kesook.
40Ha yoot nāgŭm ooledŭhadŭmooagŭn tan pĕtŭkemĭtpŭn, ’mseu tan melĭtpŭn, skatŭp ’nkŭskatooŭn kĕkwsā, kānookŭch noonagĕhtoon ’mchŭsŭlāwā’ keesook.
41Netwāje Lĕsweesŭk mamsĕlāwĕstooteetĭt nāgŭm ooche, eebŭchŭl eetŭm, Nel hŭpan tan wĕje‐bĕnegwĕsĭtpŭn spŭmkek.
42Ha etŭmootooŭk: Skat yoot Sāsoos, Soosĕp’ ookwŏŏsŭl? tan oonekekoo kŭjejeetooŏnānoo? Netwāje tan ootŭlekese‐eetŭmŭn, Nel wĕje‐bĕnegwĕse‐yanpŭn spŭmkek?
43Sāsoos asedāmat, ootĭha: Ekwemamsĕletooltĭkw.
44Skat wĕn kese‐egŭhāoo ’nhŭkĕk N’mĭhtakws tan pĕtŭkĭmĭtpŭn skat wĭhkwŏŏnakw: ha noonagĕhlach ’mchŭsŭlāwā’ keesook.
45Net tĕlooĭkhasĭk negane‐dŭhasooenooŭk ootooĭkheegŭnoo‐owikŏŏk: Ha ’mseuŭch kĕhkĭm‐kwŭsooltooŭk Nŭkskam ooĭkŏŏk. M’seu wĕn tan wĕjenootŭkŭbŭn Wegwŏŏsĭt Nŭkskam ooĭkŏŏk ha wĕtŭhkĕhkĭmkoosĭtpŭn oohŭkĕk, ’npĕtĕhkakw.
46Skatama wĕn oonŭmĭhaëŭl Wĕgwŏŏselejĭl Nŭkskamŭl, tĕpŏŏkt nāgŭm tan wĕjeatpŭn Nŭkskam ooikŏŏk, nāgŭm kese nŭmĭha’bŭnĭl Wĕgwŏŏselejil Nŭkskamŭl.
47Ulĭhĕ, ŭlĭhĕ, tan yŏŏhoolĕkw, tan wĕlamsŭtŭk n’hŭkĕk, ooteĭn askŭmowsooagŭn.
48Nel pŭmowsooagŭnā’ hŭpan.
49Kŭmĭhtakwsoo‐owk oomĭjoolteneapŭn mana pĕnĕgwĭkpŭn, ha mĕchĭnhŭtoobŭnĭk.
50Woot nŭt hŭpan tan wĕjepŭnĕgwĕsĭt spŭmkĕk, wĕlaman wĕn mahatp ha skatŭch mĕchĭnāwŭp.
51Nel n’hŭk woot hŭpan pĕmowsĭt net, tan wĕje‐pŭnegwĕsĭtpŭn spŭmkek: tan wĕn wĕjemahat yootŭl hŭpanŭl askŭmowsooch’. Chŏŏ kĕtŭlal’ hŭpanŭch tan nel melooĭh, nel nooeoosŭm, tan nel melooa’nch ooche ooskĭt’kŭmĭkw oopŭmowsooagŭn.
52Netwāje Lĕsweesŭk kwĕjewākwa‐mowtoolteetĭt, yŏŏhoodooltooŭk: Tanŭpa’l wŏŏt ooskedap tŭle‐kese‐mĭlkoonā’n oohŭk kŭmĭj-emoo’ŏnān’?
53Netwāje Sāsoos ootĭha: Ulău, ŭlāu, yŏŏhoolĕkw, skat mechewĕkw’ pŭmowsooĭn Ookwŏŏsŭl oohŭk, ha oopŭkŭnoom’ skat kŭdoosŭmoolteewĕkw’, pŭmowsooagŭn skatama ŭkteu’nea ŭkhŭkāwĭkooŏk.
54Tan mechĭt ’nhŭk, ha kedoo’sŭmĭt ’npŭkŭnoom, ooteĭn askŭmowsooagŭn; ha noonagĕhlâch’ m’chŭsŭlāwā’ keesook.
55Eebŭchŭl nel ’nhŭk oolamāwe‐mechooagŭn net, ha ’npŭkŭnoom oolămāwe‐kŭtoosŭmooagŭn net.
56Tan mejĭt ’nhŭk ha kĕdoosŭmĭt’ ’npŭkŭnoom, oomājĭmka’dŭmŭn n’hŭkĕk, ha nel nŭnmājĭmkala oohŭkĕk.
57Stŭkā’ N’mĭhtakws pĕmowsĭt pĕtŭkĭmĭtpŭn, ha wĕjepŭmowsĭ N’mĭhtakws oohŭkĕk, net ĕlāĭk tan mĭhĭt oochepŭmowsoo n’hŭkĕk.
58Net woot hŭpan tan wĕje pŭnĕgwĕsĭtpŭn spŭmkek. Skat tĕtpeu kŭmĭtakwsooŏ ootŭle‐mejetĭtpŭn mana pĕnĕgwĭkpŭn bakŭtakŭmeekw, ha tŭle‐mĕjĭnhŭtoo’pŭnĭk. Nāgŭm tan mejĭt ’nhŭk askŭmowsooch’.
59Sāsoos oonŭstŏŏh’mŭnŭl netŭl kĕkwsāăl hemeāwĭgwamŭk, toocheu’ tan ĕtlekĕhkekāmĭt Cāpŭlneŭmk.
60Netwāje ŭktanakwsooŭk tanĭk kese-kĕhkemoojĭk oohŭkĕk, tan toocheu’ noodŭmooteetĭt netŭl, kĕloosooa’gŭnŭl, etŭmootooŭk: Mŭdooāu kĕloosooagŭn net: Wĕnŭpa’l kese-jĭksŭtŭk?
61Kānookŭloo Sāsoos wĕjĭkchejĭhtowk oohŭkĕk tanĭk wĕjekese‐kĕhkemoojĭk oohŭkĕk ootŭlemamsĕlāwĕstoote’nea ooche yoot kŭloosooagŭn, ootĭha: Net net wĕje‐nabĭskwahmateĕkw?
62Tanŭpŭloo nŭmehā’kw pŭmowsooĭn Ookwŏŏsŭl ootŭle‐woonagĭhan tan tŭmk āyĭtpŭn?
63’Mchŭchakw nŭt tan pĕmowsooĭh’ooĕt. M’hŭk skat wĭjookĕgĕmweu’. Netŭl kŭlooswagŭnŭl tanĭl yŏŏhoolāgwĭl, netŭl tŭkĕh’ wāŏŏchŭchakwe’gĭl, ha tĕhna pŭmowsoowewŭl.
64Kānookŭloo kelooow’ ankwŏŏch’ skatama koolamsŭtŭmoone’al. Eebŭchŭl Sāsoos ookoojeje’a amskooŏsĕtā wĕjātagāmŭk tan yoohoot’ skat wĕlamsŭtŭmoo‐te’lekwĭhĭ, ha tĕhna ëu’ tanĭlch’ ĕhkĭnoowĕhlĭhjĭl.
65Ha ootĭha: Ha net tĕhna wĕjehoolĕkwpŭn: Skatŭch wĕn kese‐egŭhāoo n’hŭkĕk skat oochelĕlmookseekw N’mĭhtakwsŭk.
66Agĭmtĕ net wĕsooe’‐abase‐dĭtpŭn ŭktanakwsedĭtpŭn, tanĭk wĕje‐kesŭkĕkemoojĭk oohŭkĕk, ha skadama agwamŭk tŭlŭme‐wĭjaŏŏwawewŏl.
67Netwāje Sāsoos yŭhat’ nesankoosoo wĕswewĕskajĭhĭ: Kelooow’ nŭ kŭte‐maje‐abaseba?
68Semoo Peāl ootasedāmal: N’sakŭmamŭn, wĕnŭchaloo oohŭkĕk ĕlabaseĕk? kel āyĭn kŭloosooa’gŭnŭl askŭmowsooa’gŭnāyăl.
69Ha tĕhna neloon’ noolămsŭtŭmootenān’ ha ’nkŭjejetoonĕnān’ kel Nŭkskam wāwĕsenoomŭl.
70Sāsoos ootasedāma: Skat nel kesĭmkŭnŭloobapŭs kelooow’ nesankooseĕkw’? Ha kelooow’ pĕskw mŭchŭhant’.
71Noo ooskooeman Soodahŭl Iskaleotŭl, Semoo ookwŏŏsŭl, tanŭch’ wŏŏt ĕhkenooĕhlat; wŏŏt nŭt pĕskw nesankoosejĭk wĕse’wĕskajĭhĭ.
Currently Selected:
Wĭkheegŭn 6: PQM1870
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1870.