मत्ती 16
16
सरग राः चिन्ह कू ञँम बेड़ाआ
(मरकुस 8:11-13; लूका 12:54-56)
1 #
मत्ती 12:38; लूका 11:16 गोटाचार फरीसिकू अवुर सदूकिकू ईसु थरे मेजकेन ते फसोविय लगड कू कहनी तेडा, “भगवान कुलकेड मिआँ मेनाआँ साबित लगड अले सरग राः कनारा चिन्ह मी तिःवाले।” 2हेना वरी ईसु हेंकुय जबाब वडा, “अपे सींगड़ जुवर अगस जोगी जोगी कोःरे, ‘दाः एरो उयुः तेडा’ मेनते पे कहनियाँ। 3अवुर ञींदत जुवर अगस लाल अवुर हेंदे कोःरे, ‘तेसींञ गरा घटा अवुर दाः मेजुआ’ मेनते पे कहनियाँ। अपे अगस राः नआँ चिन्ह ञेंलकेते मोसम राः बारे तेपे लाय गोत्तेआ, लेकिन अपे नआँ समय रे होयाः तना, अवुर पे ञेंलियाडा, नआँ होयाः तना हेना मियाँटंग चिन्ह घयतेआ, निहों होयाः तना समय राः भेद ची लगड मेने पे जेर यडा? 4#मत्ती 12:39; लूका 11:29नआँ जुग रेनकू खराब अवुर लंद फाँदुःकू चिन्ह कू ञँम बेड़ाआ, जोना राः चिन्ह छोड़ अवुर कनारा चिन्ह एरो ओवड कुआ।” तहाँ ईसु हेंकू बगी वतेय चलो यनु।
फरीसिकू अवुर सदूकिकू राः सिक्छा रूपी खमीर
(मरकुस 8:14-21)
5समुन्धर परोम कू चलोः तोलोग चेलाकू रोटी ससब कू लीड़िंञ तेडा। 6#लूका 12:1हेना वरी ईसु हेंकू थरेय कहनी तेडा, “अँजोम पे, फरीसिकू अवुर सदूकिकू राः खमीर वरी सँवचेती तेपे दोहोनू।” 7“अबू रोटी बेगर बू सब ते न याःतेय कहनी यडा” मेनते चेलाकू अनाकू अनाकू पसींदे दोहो एनु। 8हेंकू पसींद तेड हेना पपाड़ी केनते ईसु हेंकू थरेय कहनी तेडा, “ए दमभर ते बिसवासेःकू, अपे ची लगड अले थरे रोटी कोवाआ मेनते पे पसींद यडा? 9#मत्ती 14:17-21अपे निहों मेनते मेने पे जेर यडा किदो? हेंकू पाँच हजार होड़कू लगड पाँच गोटंग रोटी मेने पे उहयर यडा किदो? अवुर तिमीन छनवाँ पे जवर तेडा हेना पे लीड़िंञ गोत्तेडा किदो? 10#मत्ती 15:34-38अवुर हेंकू चार हजार होड़कू लगड सात गोटंग रोटी अवुर तिमीन छनवाँ पे जवर तेडा, हेना पे लीड़िंञ गोत्तेडा किदो? 11अपे थरे रोटी राः बारे ते मेनेंञ कहनी गडा, हेना ची लगड मेने पे समझो यडा, लेकिन अपे फरीसिकू अवुर सदूकिकू राः खमीर वरी सँवचेती ते दोहोन लगाडिंञ कहनी वडपे दोहो एनु।” 12हेंडे हेंकू, रोटी राः खमीर राः बारे ते ईसु मेनेय टेबोः गडा, लेकिन फरीसिकू अवुर सदूकिकू चेडकुआ हेना वरी सँवचेती ते दोहोन लगाडिय कहनी तेडा, हेना टेबोः कू जेर तेडा।
पतरस ईसु मसीह मेनतेय अपनो तेडिया
(मरकुस 8:27-30; लूका 9:18-21)
13ईसु कयसेरिया फिलिप्पी छेतर रेय सेनेना, तहाँ चेला कुतायिय होंबोर तेडा, “इंञ होड़ होपोन होड़कू ची मेनते कू कहनी वंञ तना?” 14#मत्ती 14:1,2; मरकुस 6:14,15; लूका 9:7,8हेना वरी हेंकू कहनी तेडा, “कोई कोई कहनियाँ बतिस्मा ए-माय एहुन्ना मेनते अवुर कू एलिया मेनते अवुर कू जिरमिया चहे भविस्यवक्ताकू मेंडे रे कनय मियाँहोड़ हवे मेनते कू कहनियाँ।” 15हेना वरी हेंकुय होंबोर तेडा, “अपे ची मेनते पे कहनी वंञ तना?” 16#एहुन्ना 6:68,69तहाँ सिमोन पतरस जबाब तेडा, “अम जीवातय भगवान होपोन मसीहा हवे।” 17हेना वरी ईसु कहनी तेडा, “ए जोना होपोन सिमोन, भगवान अम आसीसिय ओवड मिआँ, कहेकि नआँ टेबोः कनय होड़#16:17 उनानी भासा ते जील अवुर लोहू मेनतेआ मेने, सरग रे दोहोनाय अपुंञ अम थरेय देखर केडा। 18अवुर इंञ हो अम थरेंञ कहनी यडा, अम पतरस हवे, अवुर इंञ नआँ चटाँड़ी रे ईनिञाआँ कलीसियांञ बनोआँ, अवुर नरक कुंड राः सक्ति नआँ एरो हरो सको एना। 19#मत्ती 18:18; एहुन्ना 20:23इंञ सरग राज राः खोलनिंञ ओवा मिआँ, अवुर जे-ना अम नआँ धरती रेम तो-लेआ, हेना सरग रे तोलुआ; अवुर जे-ना धरती रेम लड़ाया, हेना सरग रे लड़ाआ।” 20तहाँ चेला कुतय इंञ मसीहा हवे मेनाआँ, कनय थरे अलोपे कहनी बेड़ाय मेनतेय चेतवन तेडकुआ।
ईसु अनेज राः मिरतू राः बारे तेय भविस्यवाड़ी तेडा
(मरकुस 8:31; 9:1; लूका 9:22-27)
21हेन तोलोग वरी ईसु अनेज रेनकू चेला कुय लायवा दोहो एनु, “इंञ एरुसलेम रे सेनुः जरूरी इदाना, अवुर मुख मुखकू अवुर बड बडे आजककू, अवुर एहूदी नियम चेचेडकू हाथ वरी अखीर ते दूखिंञ रीमा, अवुर कू गोजेञाँ; अवुर तीसरा दिन रे फेरिंञ जियो रिमुआ।” 22हेना वरी पतरस एटाः हँडे इदी केडिय तेय दब-दिबो तेडिया, “ए परभु, भगवान एरोय एने वडा, अम सुदा ना घयते कभी एरो होया एना।” 23हेना वरी ईसु पतरासिय कहनी वडा, “ए सयतान, इंञ मड़ंग वरिम अड़ीऊ! अम ईञाः होर रे अड़ांगम डालो यडा; कहेकि अम भगवान राः टेबोः रे मेने, लेकिन होड़कू राः टेबोः रे मन मी लगो यडा।”
ईसु तयोम ते से-ने राः मतलोब
24 #
मत्ती 10:38; लूका 14:27 तहाँ ईसु अनेज रेनकू चेलाकू थरेय कहनी तेडा, “अगर कनय इंञ तयोम ते सेन गिसानिय रेदो, हेंय अनानेजिय नहकारू, अवुर अनेज राः कुरूसिय रीमू, अवुर इंञ तयोम तेय से-ने। 25#मत्ती 10:39; लूका 17:33; एहुन्ना 12:25कहेकि कनय हो अनेज जीवितिय मोंहवा रेदो, हेंय अनन्त जीवानिय गवोआँ; अवुर कनय हो इंञ लगड जीवितिय गवोआँ; हेंय अनन्त जीवानिय ञाँमा। 26अगर कनय मनवाँ चँवदीस राः सींड़ चीजिय ञाँमे। अवुर अनेज राः जीवितिय गँवों रेदो, हेंय ची फयदाय ञाँमा? चहे मनवाँ जीवित राः बदला ते चीय ए-मा? 27#मत्ती 25:31; रोमि 2:6होड़ होपोन अनेज रेनकू सरगदूतकू सुदा अपत राः सोबहा तेय मेजुआ, अवुर हेन तोलोग, ‘हेंय सगोरकू अपन अपन काम राः अनुसार ते फालिय ओवा कुआ।’ 28इंञ अपे थरे सही मेतेंञ कहनी यडा, ना रेकू चड़ाँ केन हेंकू मेंडे रे कुछ एयसा इदान कुआ, हेंकू इंञ होड़ होपोन ईञाः राज रे मेजुः तोलोग, अनायिन कू ञेंलेंञ मेन दिन मिरतू राः सवाद एरो कू चिखो तेडा।”
Currently Selected:
मत्ती 16: ksz
Highlight
Share
Copy
Want to have your highlights saved across all your devices? Sign up or sign in
© 2022, Wycliffe India. All rights reserved.