A Kelekele 1
1
I
1I dan akit a muana ba pa i taram u ra wawera a nu ra kum tenawabulbul Nara,
Pa i turu kai u ra akapi a nu ra kum tenapetakaki,
Ma pa i ki u ra kinkini a nu ra kum tenatatauru pikoina.
2I kaia ku u ra wawera a nun Ieova;
Ma i nuk‐a‐takum a nuna wewapua u ra keke ma u ra marum kai.
3Kura in welara ma ren diwai ba di marutai na ra danim, i ua a uaina u ra pupukaina,
A donoina kai pa in marag uni;
Ma ra lig rap ba i peti in taua.
4A kum tenawabulbul Nara pa diat lenkuma:
Diat welara ku ma ra panina padi, ba a dadaip i iplămiruai.
5Ia ku kuma a kum tenawabulbul Nara diat kana turu pătpătuan uni u ra nakokon,
Ma diat kai a kum tenapetakakai diat kana tolug ugai ma diat a kum tenapetoduru.
6Kuma Ieova i nunura a makiradiat a kum tenapetodoru;
A makiradiat kai a kum tenawabulbul Nara kura ut in wirua.
Currently Selected:
A Kelekele 1: RAI
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1896.