يَحْيَى 16
16
1«نَا ڢَطَا مُكُ وَطَنَّنْ أَبُبُوَ نٜىٰ دُواْمِنْ كَدَ كُجَا بَايَ ثِكِنْ بَنْغَسْكِيَرْكُ؞ 2ذَاعَكُواْرٜىٰكُ دَغَ ثِكِنْ مَجَمِعُ؞ بَابُ شَكَّ لُواْكَثِ يَنَ ذُوَا دَ دُكْ وَنْدَ يَكَشٜىٰكُ ذَيْ يِڟَمَّنِ يَنَ يِنْ عَيْكِنْ اللَّهْ نٜىٰ؞ 3ذَاسُيِ حَكَنٜىٰ كُوَ غَمَ بَسُ رِغَا سُنْ سَنْ عُبَا كُواْ نِے بَ؞ 4نَا ڢَطَا مُكُ وَطَنَّنْ أَبُبُوَ نٜىٰ، دُواْمِنْ إِنْ لُواْكَثِنْسُ يَيِ، كُتُنَ نَڢَطَا مُكُ؞
عَيْكِنْ رُوحُ مَيْ ڟَرْكِے
«بَنْ ڢَطَا مُكُ أَبُبُوَنَّنْ تُنْدَ ڢَرْكُواْ بَ دُواْمِنْ إِنَ تَرٜىٰدَكُو؞ 5عَمَّا يَنْذُ كُوَ ذَنْ تَڢِے وُرِنْ وَنْدَ يَعَيْكُواْ نِے؞ دُكْدَهَكَ عَثِكِنْكُ بَاوَنْدَ يَتَمْبَيٜىٰنِ، ‹إِنَا ذَاكَ؟› 6ظُكَاتَنْكُ سُنْثِكَ دَ بَڧِنْ ثِكِ دُواْمِنْ نَڢَطَا مُكُ وَطَنَّنْ أَبُبُوَ؞ 7عَمَّا، إِنَ ڢَطَا مُكُ غَسْكِيَ، تَڢِيَاتَ تَڢِے مُكُ أَمْڢَانِ، دُواْمِنْ مَيْ تَيْمَكُواْنَّنْ بَذَيْذُواْ بَ، عِدَنْ بَنْ تَڢِبَ؞ عَمَّا عِدَنْ نَتَڢِے ذَنْ عَيْكُواْ مُكُ دَشِ؞ 8لُواْكَثِنْ دَ مَيْ تَيْمَكُوانْ ذَيْذُواْ، ذَيْ تَبَّتَرْ وَ دُونِيَا ثٜىٰوَ تُنَانِنْسُ بَدَيْدَيْ بَنٜىٰ عَكَنْ ذُنُوبِ دَ عَكَنْ أَدَلْثِے دَ كُمَ عَكَنْ حُكُنْثِ؞ 9تُنَانِنْسُ عَكَنْ ذُنُوبِ بَدَيْدَيْ بَنٜىٰ سَبُواْدَ سُنْڧِے سُكَڢَ بَنْغَسْكِيَرْسُ غَرٜىٰنِ؞ 10تُنَانِنْسُ بَدَيْدَيْ بَنٜىٰ عَكَنْ أَدَلْثِے، سَبُواْدَ ذَنْ تَڢِے وُرِنْ عُبَانَ، كُمَ بَذَاكُ ثِيغَبَدَ غَنِينَبَ؞ 11كُمَ تُنَانِنْسُ بَدَيْدَيْ بَنٜىٰ عَكَنْ حُكُنْثِ، سَبُواْدَ أَنْرِغَا أَنْيَنْكٜىٰوَ مَيْ مُلْكٍ وَنَّنْ دُونِيَا حُكُنْثِ؞
12«إِنَدَ سَوْرَنْ أَبُبُوَ دَيَوَ دَ ذَنْ غَيَ مُكُ تُكُنَ، عَمَّا بَذَاكُ عِيَ طَوْكٜىٰسُ عَيَنْظُبَ؞ 13عَمَّا سَعَدَّ رُوحُ نَغَسْكِيَ يَذُواْ، ذَيْبِشٜىٰكُ ثِكِنْ دُكَنْ غَسْكِيَ، دُواْمِنْ بَمَغَنَرْ كَنْسَ ذَيْ يِبَ، عَمَّا ذَيْ ڢَطِ أَبِنْدَ يَكٜىٰجِنٜىٰ كَوَيْ، ذَيْ كُمَ ڢَطَا مُكُ أَبُبُوَنْ دَ ذَاسُ ڢَرُ؞ 14ذَيْ طَوْكَكَنِ، دُواْمِنْ ذَيْ طَوْكِ أَبِنْدَ نَڢَطَا نٜىٰ يَغَيَ مُكُ؞ 15دُكْ أَبِنْدَ عُبَا يَكٜىٰدَشِ، نَوَنٜىٰ؞ شِيَسَا نَثٜىٰ رُوحٌ ذَيْ طَوْكُواْ أَبِنْدَ نَڢَطَا نٜىٰ يَغَيَ مُكُ؞»
بَڧِنْ ثِكِ ذَيْ كُواْمَ ڢَضٍ ثِكِ
16«بَايَنْ طَنْ لُواْكَثِ كَطَنْ بَذَاكُ غَنْ نِبَ، بَايَنْ طَنْ لُواْكَثِ كَطَنْ كُمَ ذَاكُغَنِّ؞»
17سَيْ وَطَنْسُ أَلْمَجِرَنْسَ سُكَثٜىٰ وَجُونَ «مٜىٰيَكٜىٰ نُڢِ دَيَثٜىٰ مَنَ، ‹بَايَنْ طَنْ لُواْكَثِ كَطَنْ بَذَاكُ غَنِّبَ، بَايَنْ طَنْ لُواْكَثِ كَطَنْ كُمَ ذَاكُ غَنِّ›؟ كُمَ مٜىٰيَكٜىٰ نُڢِ دَيَثٜىٰ، ‹دُواْمِنْ ذَانِ وُرِنْ عُبَا›؟» 18سُكَ ثِيغَبَدَ ثٜىٰوَ «مٜىٰيَكٜىٰ نُڢِ دَ ثٜىٰوَ ‹بَايَنْ طَنْ لُواْكَثِ كَطَن›؟ تُواْ، بَمُسَنْ أَبِنْدَ يَكٜىٰ نُڢِبَ؞»
19 عِيسَىٰ يَسَنِ أَلْمَجِرَنْسَ سُنَ سُواْ سُتَمْبَيٜىٰشِ عَكَنْ وَنَّنْ مَغَنَ، سَيْيَثٜىٰمُسُ «وَتُواْ، كُنَ تَمْبَيَرْ جُونَ نٜىٰ أَبِنْدَ نَكٜىٰ نُڢِ دَ نَثٜىٰ، ‹بَايَنْ طَنْ لُواْكَثِ كَطَنْ بَذَاكُ غَنِّبَ، بَايَنْ طَنْ لُواْكَثِ كَطَنْ كُمَ ذَاكُ غَنِّ›؟ 20حَڧِيڧَ، إِنَ غَيَ مُكُ، ذَاكُيِ كُوكَا دَ بَڧِنْ ثِكِ، عَمَّا دُونِيَا ذَاتَ يِڢَضٍ ثِكِ؞ ذَاكُيِ بَڧِنْ ثِكِ، عَمَّا بَڧِنْ ثِكِنْكُ ذَيْ كُواْمَ ڢَضٍ ثِكِ؞ 21عِدَنْ مَثٜىٰ ذَاتَ حَيْڢُ تَكَنْجِ ذَاڢِ سُواْسَيْ، دُواْمِنْ لُواْكَثِنْ حَيْڢُوَرْتَ يَيِ؞ عَمَّا عِدَنْ تَغَمَ حَيْڢُوَرْ جَرِرِ، تَكَنْ مَنْتَادَ ذَاڢِنْ دَ تَجِ سَبُواْدَ تَنَ ثِكٜىٰدَ مُرْنَ دُوانْ أَنْحَيْڢِ جَرِرِ عَدُونِيَا؞ 22حَكَ يَكٜىٰ أَغَرٜىٰكُ؞ يَنْذُ كُنَ بَڧِنْ ثِكِ، عَمَّا ذَنْ سَاكٜىٰ غَنِنْكُ، سَعَنً ذَاكُيِ ڢَضٍ ثِكِ، كُمَ بَاوَنْدَ ذَيْڨُوثٜىٰ مُكُ ڢَضٍ ثِكِنْكُ؞ 23أَ رَانَرْ نَنْ بَذَاكُ ضُواْڧٜىٰنِ وَنِ أَبُبَ؞ حَڧِيڧَ، إِنَ غَيَ مُكُ، عُبَا ذَيْبَاكُ دُكْ أَبِنْدَ كُكَ ضُواْڧَا عَثِكِنْ سُونَنَ؞ 24حَرْ يَنْذُ دَيْ بَكُ ضُواْڧِ كُواْ وَنِ أَبُ عَثِكِنْ سُونَنَبَ؞ كُضُواْڧَا، ذَاكُسَامُ، دُواْمِنْ ڢَضٍ ثِكِنْكُ يَذَمَ ثِكَكّٜىٰ؞»
نَايِ نَصَرَا عَكَنْ دُونِيَا
25«نَايِ أَمْڢَانِ دَ مِصَلَيْ نٜىٰ دُوانْ إِنْبَيَّنَ مُكُ وَنَّنْ؞ عَمَّا لُواْكَثِ يَنَ ذُوَا دَ ذَنْيِ مَغَنَ دَكُو أَ ڢِيلِ غَمٜىٰدَ عُبَا، كُمَ بَذَنْ ڧَارَ مُواْرَنْ مِصَلَيْبَ؞ 26أَ رَانَرْ نَنْ ذَاكُيِ ضُواْڧُواْ ثِكِنْ سُونَنَ؞ ذَاكُ ضُواْڧِ عُبَادَ كَنْكُ، بَنِينٜىٰ ذَنْ ضُواْڧَا أَمَدَدِنْكُبَ، 27دُواْمِنْ شِ عُبَنْ يَنَ ڧَوْنَرْكُ دَ كَنْسَ، سَبُواْدَ كُنْ ڧَوْنَثٜىٰنِ، كُنْ كُمَ بَادَ غَسْكِيَ ثٜىٰوَ دَغَ وُرِنْ اللَّهْ نَ ڢِتُواْ؞ 28دَغَ وُرِنْ عُبَنْ نٜىٰ نَڢِتُواْ، نَشِغُواْ دُونِيَا، يَنْذُ كُمَ ذَنْبَرْ دُونِيَا إِنْكُواْمَ وُرِنْ عُبَنْ؞»
29سَيْ أَلْمَجِرَنْسَ سُكَثٜىٰ «يَوَّ! يَنْذُنٜىٰ ڢَا كَكٜىٰ مَغَنَ أَ ڢِيلِ، بَ دَ مِصَلَيْبَ! 30يَنْذُ كَمْ مُنْ غَانٜىٰ ثٜىٰوَ كَا سَنْ دُكَنْ كُواْمٜىٰ؞ كَا عِيَ بَادَ أَمْسَ كَاڢِنْ وَنِ يَيِ مَكَ تَمْبَيَ؞ وَنَّنْ يَسَا مُنْ بَادَ غَسْكِيَ ثٜىٰوَ دَغَ وُرِنْ اللَّهْ نٜىٰ كَڢِتُواْ؞»
31 عِيسَىٰ يَأَمْسَ مُسُ يَثٜىٰ «أَشٜىٰ! يَنْذُ كُنْ بَادَ غَسْكِيَ؟ 32تُواْ، لُواْكَثِ يَنَ ذُوَا، حَرْ مَا يَيِ دَ كُواْوَنّٜىٰ طَيَنْكُ ذَيْ غُدُ ذُوَا غِدَنْسَ كُبَرْنِ نِے كَطَيْ؞ عَمَّا دُكْدَهَكَ بَنِ كَطَيْ نَكٜىٰبَ، دُواْمِنْ عُبَا يَنَ تَرٜىٰدَنِ؞
33«نَڢَطَا مُكُ وَطَنَّنْ أَبُبُوَ نٜىٰ دُواْمِنْ عَثِكِنَ كُسَامِ سَلَمَ؞ عَثِكِنْ دُونِيَرْ نَنْ كُنَ شَنْ عَذَابَ، عَمَّا كُكَسَنْثٜىٰ دَ ڧَرْڢِنْ ذُوثِيَا غَمَا نَايِنَصَرَا عَكَنْ دُونِيَا؞»
Currently Selected:
يَحْيَى 16: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020