Matiyu 17
17
Kaamɔɔndhye nzawa wɛ́ɛ Ɛnza nɔ́lɔyaman ŋó yé
Maki 9.2-13; Luka 9.28-36
1Tee wɔ́ɔlɔ tínminnin ngwɔ, Ɛnza ŋé Piyɛli ní Zaki ní Zaki bhádhyemannjɛ Yaya lú kíi kɛ táa ni ile i kéenan tíiba lɔ́ ka. 2Ɛnza ngɛseɲan oo yɛ́ɛman i ɲanla, a ɲanlɔshaa ó mannan mannan ŋé bhɔ́ óyoo teemaan, tó a yɛ déeke olu gbɛ́nin ndɛ́ɛ óyoo kɛ́ɛnɲan. 3Tó kaamɔɔndhye nzawa ólu céla Musa ní céla Eli yé ké ólu ní Ɛnza ŋé kómanla. 4Piyɛli é fɔ Ɛnza ɲɛn kó: «Mantii o, án ngɛ yánun ŋó wɛ́ɛ físaya. Ni í kɛ́ sɔ́n, ɲáan tóo sáwa lɔ́ ya: Í tá kée, céla Musa tá kée, óni céla Eli tá kée.» 5Aa tó kóman ó la tó káwa lɔ́ é nan i mantuun. O káwa o mannan mannan ndɛ́ɛ bhɔ́la. Saaninkan nɔ é bhɔ́ káwa ó cɛ́man kɛ fɔ kó: «Míin née nyénjɛ óle, mín ŋan dí ɲɛ́n koyoongɛ. Áa a kómankan ŋo lɔ́myɛn!» 6Saaninkan mín ŋé wé, kaamɔɔndhye ŋolu o myɛ́n mínngɛ, i man é sháan fɔ́ íi í kɛ́la lúuman kɛ í cé gbáan lúu lɔ. 7Ɛnza ŋé í mángbaa i la kɛ í bhóo túu i la tó kɛ fɔ kó: «A kɛ́nan sháan, áa í wíi.» 8Ii í kún nánwii o lé lɔ, wáa kɛ bhɔ́ Ɛnza nɔn, i man mɔɔn gbɛ́ɛ yé. 9I tɛɛ bhɔ́la tii ó ka mínngɛ, Ɛnza ŋé fɔ i yɛ kɛ a mangbɛya kó: «Áa kó mín ɲé nín, a kɛ́nan o lábhɔ mɔɔn sí ɲánla sánnin mɔɔn Dhyénjɛ ó kúunnzan o cɛ kɛ bhɔ́ su ólu cɛ́man.»
Kaamɔɔndhye ŋolu ɲaanli kɛla Eli ta fa ŋo fɛ́
10 Kaamɔɔndhye ŋolu Ɛnza manɲaankɛ kó: «Mínnɛɛn le kósɔn sɛliya kaamɔɔn olu fɔ́la kó fɔ́ céla Eli lé á nan ótun?» 11Aa i yawi kó: «Aa céne, céla Eli le káa nan ŋótun kɛ́nan kó ŋólu bɛ́ lɔ́bhyɛ. 12Wáa tó ní fɔ a yɛ́ ngó céla Eli wɛ́ɛ wɛɛ nan la, wáa mɔɔn ó léelu mán a mánlɔ. Kó mín ɲé dhyáa i yɛ, ii o lá a ka. Mɔɔn Dhyénjɛ, o gbú yɛ́ɛ káa tɔ́lɔya myáan i bhóo o ɲán kée ŋó lé mán.» 13Kaamɔɔndhye ŋolu bhɔ́ a ɲan lé o lé lɔ óo a kan ndɛ́ɛ Yaya Bátizelikɛbhaa le man.
Ɛnza ŋé kaweenin benzhaayatɔ lɔ́ lákɛɛnyala
Maki 9.14-29; Luka 9.37-43a
14Ɛnza ni a yɛ kaamɔɔndhye ŋolu sé yaman ó tɔ́ɔfɛ mínngɛ, cɛ lɔ́ é í mángbaa Ɛnza nan kɛ í kúnmɛɛn nɔkɛɛ a kɔɔ 15tó kɛ fɔ a yɛ kó: «Mantii o, nyénjɛ ó manɲwaan mánfɛɛ. Benzhaaya lée a lá, óo a tɔ́lɔla kóyoongɛ. A kɛ wíi nín aa a labe tá lɔ wáman jí lɔ. 16Ní nán a le í yɛ́ kaamɔɔndhye ŋolu fɛ́ wáa i man sé a lákɛɛnyala» 17Ɛnza ŋé fɔ kó: «Ále wáati miin mɔɔn lánanbhɛɛ ólu! Ále mínnu tɛ́ Ala sháa o ka. Né káa tó a fɛ́ yánun kɛ táa sé fɔ́ɔ wáati mínnɛɛn lé mán? Né káa ále lɔ́myaan kɛ sé fɔ́ɔ wáati mínnɛɛn lé mán ósɔ? Áa nan dhyé ŋó lé ɲɛ́n ya.» 18Ɛnza ŋé í táan fɔ́ lámansayoo ŋó yɛ, lámansa yóo ŋóo bhɔ́ dhyé ŋó fɛ́. Aa kɛ́ɛnya íkɔlɔ. 19Kaamɔɔndhye ŋolu í mángbaa o lé lɔ́ Ɛnza nán í kéenan kɛ a manɲaankɛ kó: «Mínnɛɛn kósɔn án nee mán sé o lámansa yóo ŋó gbɛnan?» 20Ɛnza ŋé i yawi kó: «A yɛ́ lánanya ó a lɔ́ɔ lé koyoongɛ. Tó ní fɔ a yɛ́ tínɲan in ne ngó, ní a tɛɛ kɛ́ óo a yɛ́ lánanya ó a lɔ́ɔ óyoo mútaalikoo, a tɛ́ɛnan sé fɔ́la tii míin ɲɛn kó aa bhɔ́ ya kɛ táa yeenɔn tó a tɛɛ o kɛ. A tɛ́ táa kwee kó óo kó mán. 21[Wáa mɔɔn tɛ́ sháa lámansa yóo nzúu míin ngbɛnan ni mɔɔn mán í sɛ́ɛ óni kɛ súnno.]»
Ɛnza ŋé a sayako óni a kuunngo o fɔ́la íkwɔ
Maki 9.30-32; Luka 9.43-45
22Ló nɔ́ la ké kaamɔɔndhye ŋo bɛ́ ládhyɛnin ɲé Galile, Ɛnza ŋé fɔ i yɛ kó: «Mɔɔn Dhyénjɛ, o yáa ló mɔɔn ólu bhóo 23kó óo kó é kɛ olu a a fáa. Wáa a yɛ saya ó tée sáwaɲɔn lo ŋo kɛ́se, a yáa kúun kɛ bhɔ́ su ólu cɛ́man.» O kóman óo kaamɔɔndhye ŋolu nílafin ngbúnigbu kɛ.
Ala bhatobhomba ó bhóobhɔko
24Ɛnza ni a yɛ kaamɔɔndhye ŋolu lo mínngɛ Kapɛnamu, mɔɔn mínnu tɛ́ɛ Ala bhatobhomba ó bhóobhɔ ó myáanla, olu í mángbaa Piyɛli la kɛ a manɲaankɛ kó: «A kaamɔɔncɛ tɛ́ Ala bhatobhomba ó bhóobhɔ ó lɔ a?» 25Piyɛli kó: «Aa a bhɔ́la kɛɛ!» Piyɛli tɛ́ɛ lónan bhó ŋó lá wáati mínnɔn, Ɛnza ŋé kóman ó tá kɛ fɔ kó: «Simɔn, í tá ɲánla ó lɔ yɛ́ne kákan kɛ bhóobhɔ ólu ní nísɔɔn ólu sála dínɲan míin mansa ólu yɛ? I yɛ́ɛlamɔɔn ólu bháa mɔɔn gbɛ́ɛ olu?» 26Piyɛli kó mɔɔn gbɛ́ɛ olu. Ɛnza ngó a yɛ o lé lɔ kó: «O ɲán o mán, mansa yɛ́ɛlamɔɔn ólu mánngan kɛ fé mɔ́. 27Wáa án ngɛ́nan lo mɔɔn míinnu la. Oo lɔ mínngɛ, táa í yɛ́ lwée ó bhyáa kɔ́ɔji ó lɔ. Yɔ́ɔ jónan mín ngɛ í tá íi o lábhɔ kɛ a lá láka, í yáa wɛ́ɛgbannan nɔ yé a lálɔ. O yáa nan kɛ́ íle ní né tá bhóobhɔ óle. Í kɛ́nan, íi a lo i bhóo ndá bhóobhɔ le.»
Currently Selected:
Matiyu 17: MXX
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.