Yaya 13
13
Ɛnza ŋé a yɛ́ kaamɔɔndhye ŋólu se ŋo mánkwola
1A tɔ́ tɛ́ wɛ́ɛ tó tée kée ké Hɔ́lɔɲanli ɲánlagbɛ o á sé, Ɛnza ndɛ́ɛ lɔ ŋóo ale bhɔ́waati ó wɛ́ɛ sé dínɲan lɔ kɛ́ táa a Fá Ala fɛ́ yé. Á tá mɔɔn mínnu tɛ́ɛ dínɲan lɔ́, ólu tɛ́ɛ dí a yɛ, óni ólu ko é dhyáa a yɛ fɔ kɛ́ táa sé a lá ŋo man.
2Kɛ ale ni a yɛ́ kaamɔɔndhye ŋólu tó lɔ́minkɛ o la, óo kɛ́ ké Sɔtaannan wɛ́ɛ Ɛnza yánva ko o miliya o lo Simɔn dhyénjɛ Zudasi Sikaliyɔti yóso o lɔ́ kɛ bhá. 3Ɛnza ndɛ́ɛ lɔ kó a Fá wɛ́ɛ ko ó bɛ́ lo ale bhóo, óni ko ale lée bhɔ́ Ala fɛ́ yé, a kákan né kɛ́ í kwɔ́sɛɛ Ala fɛ́ yé íkwɔ. 4Ɛnza ŋé i wíi kɛ́ bhɔ́ súnman ŋó kunnan kɛ a yɛ́ déekeba ó bhɔ́, kɛ́ Fáani gbɛ́ lɔ tá kɛ́ i cɛ́sii ó lá. 5O kwɔ́, aa jí kɛ tása lɔ kɔ́ɔnnɔn, kɛ́ lámyaan kɛ́ a yɛ́ kaamɔɔndhye ŋólu se ŋo mánkwo, tó a cɛ́siinin ndɛ́ɛ Fáani minnan, kɛ ó ta kɛ́ í se ŋó jɔsi.
6Aa sé Simɔn Piyɛli mán mínngɛ, Piyɛli é fɔ a yɛ́ kó: «Mantii ó, íle lé káa né se ŋó mánkwo a?» 7Ɛnza ŋé a yawi kó: «Ní ko min ngɛ́la nín, ile tɛ́ bhɔ́la ó ɲánle kwáalenin, wáa kwɔla, i yáa bhɔ́ ó ɲánle.» 8Piyɛli é fɔ a yɛ́ kó: «Ɔn-ɔn, ile mánfaa né se ŋó kwó fɛ́sɛ fɛ́sɛ!» Ɛnza ŋé fɔ a yɛ́ kó: «Ni né mán íle se ŋó kwó, i mánfaa i tá nín ŋo sɔ́ɔ né bhóo.» 9Simɔn piyɛli é fɔ Ɛnza ɲɛ́n kó: «Ɛɛ o bhóo o mán, Mantii o, i kɛ́nan i lángɛ nze ŋó kée ŋó man, waa móo óni ngún ŋó kwó.» 10Ɛnza ŋé fɔ a yɛ́ í kwɔ́ kó: «Mɔɔn min wɛ́ɛ wɛ́ɛ í kwóla, o tíi o manko tɛ́ kwóli lá bhée fɔ kɛ́ í se ŋó lé mánkwo, kɛ mansɔɔ a Fási ó sɛ́nnɛnyanin yé kɛ́ bhá. Ále gbɛ́nin yé, waa a bɛ́ ko tɛ́.» 11Mɔɔn min ndɛ́ káa a lo mɔɔn ólu bhóo, a tɛ́ɛ ó tíi lɔ. O lé kósɔn a kó ko: «A bɛ́ gbɛ́nin ndɛ́.»
12Aa wɛ́ɛ a yɛ́ kaamɔɔndhye ŋólu se ŋo mánkwola mínngɛ, aa a yɛ́ faani ólu tá kɛ a lo tó kɛ́ i síi lɔ́min ó mán íkwɔ tó kɛ́ fɔ i yɛ́ kó: «Né wɛ́ɛ ko min ngɛ́ a yɛ́ nin, aa wɛ́ɛ bhɔ́ ó ɲánle a? 13Áa né kíila kó kaamɔɔn óni Mantii ó, ó bhyɛ́nin yé, kɛ mansɔɔ ni ó lé lé. 14Né min ŋé a yɛ́ Mantii óle óni a Kaamɔɔn o lé ni né wɛ́ɛ a sé ŋo mankwo, a léelu kákan né kɛ́ ɲɔ́ɔn nze mánkwo céne. 15Né wɛ́ɛ ó kɛ́ kɛ ó ɲán yáa a lá. Né wɛ́ɛ fé min ngɛ́ a yɛ́, áa ó ɲɔ́ɔn ngɛ́ a mɔɔnɲɔɔn ólu yɛ́. 16Tínɲan in ne ní fɔ́la a yɛ́ ngó, bháalakɛdhye ŋó man bwó a kunndii o lé, wáman céladhye ŋó man bwó a cébhaa ó lé. 17Ni a kɛ ó ko ólu lɔ, ní a kɛ́ ó ko ólu kɛ́, nisɔdhyaa óo a yɛ́. 18Ndɛ́ kómanla a bɛ́ yɛ́ lɛ́. Né wɛ́ɛ mínnu lɔ́tɔnmɔn, ni olu lɔ, wáa míin fɔ Ala yɛ Kitabu ó lɔ, fɔ o wáa kɛ́. A fɔnin ɲé kó: ‹Min ndɛ́ɛ lɔ́minkɛla ni né, ó lé wɛ́ɛ i wíi né kanman.› 19Ní o fɔ́la a yɛ sísan sánni o kɛ́waati o waa sé, ké o kɛ́ kɛ́ ló minnan, né kó ni min ne, ké áa la ó lá kó ni ó lé lé. 20Tínɲan in ne ní fɔ́la a yɛ́ ngó, mɔɔn mínngɛ í ɲán síi né ta céladhye ŋo kɔ́ɔ, ké o tíi o wɛ́ɛ í ɲán síi né lé kɔ́ɔ wé. Ni mɔɔn mínngɛ í ɲán síi né kɔ́ɔ, ké o tíi o wɛ́ɛ í ɲán síi né bhyáashaa bháa ó lé kɔ́ɔ wé.»
Ɛnza ŋé a yánva ko ó fɔ́la
Matiyu 26.20-25; Maki 14.17-21; Luka 22.21-23
21 Ɛnza ŋé wɛ́ɛ ó kóman ólu fɔ́la mínngɛ, a hákii óo ɲanmin, aa fɔ kó: «Tó ní fɔ a yɛ́ tínɲan in né ngó, a kée ngéenan yáa yánva.» 22Kaamɔɔndhye ŋólu tɛ́ɛ ɲɔ́ɔn mánfɛɛla, í tɛ́man lɔ óyoo a káan mɔɔn min man. 23Kaamɔɔndhye ŋólu cɛ́man, min ngo tɛ́ɛ dí Ɛnza ɲɛ́n koyoongɛ, ó síininndɛ́ɛ a tɔ́ɔfɛ. 24Simɔn Piyɛli é kóman í bhóola ó yɛ́, kó áa a mánɲaankɛ mɔɔn min ngo yé. 25O kaamɔɔndhye ŋóo i Fáan Ɛnza manshaafɛ, kɛ́ a mánɲaankɛ kó: «Mantii ó, óo yɛ́ɛtii le?» 26Ɛnza ŋé a yawi kó: «Né káa búluguun míin nzu kɛ́ a dí mɔɔn min man, ó lée.» O lɔ, aa búluguun ŋó su kɛ́ a dí Simɔn dhyénjɛ Zudasi Sikaliyɔti mán. 27Aa búluguun ŋó dí sán min nɔn, ó wáati ó lé yɛ́ɛ lɔ́ Sɔtaannan é lo Zudasi yóso o lɔ́. Ɛnza ŋé fɔ a yɛ́ kó: «Ii fɛ́ kɛ́ kó mínngɛ, i láteeya kɛ́ ó kɛ́.»
28Kaamɔɔndhye mínnu tɛ́ɛ lɔ́min kɛla ni Ɛnza ne aa o kóman o fɔ kún minnan ólu sí man o lɔ. 29Lɔ́lu tɛ́ɛ í milila kó Ɛnza ŋé fɔ́la Zudasi yɛ́ lé kó aa i mankoyafe nɔ sa fɛ́ti ó kanman, wáman kó aa táa fé nɔ dí Fáannda ŋólu mán, kɛ mansɔɔ ale lé tɛ́ɛ i yɛ́ wɛ́ɛmalabhaa ó lé. 30Zudasi é ó búluguun ŋó myáan kɛ́ o lɔ́ɔ, áa wɛ́ɛ o lɔɔnan mínngɛ, aa í wíi kɛ́ bhɔ́, óo kɛ́ ké sú ó wɛ́ɛ kwó.
Ɛnza ŋé tɔ́ ngwaa dila
Matiyu 26.31-35; Maki 14.27-31; Luka 22.31-34
31Zudasi é bhɔ́ tɛ́nmɛn, Ɛnza ŋé fɔ kó: «Sísan ngwɛ́nnin mɔɔn Dhyénjɛ ó wɛ́ɛ bwóɲan sɔ́ɔ, Ala lo wɛ́ɛ bwóɲan sɔ́ɔ a bháaka lɔ́. 32[Ni Ala wɛ́ɛ bwóɲan ó sɔ́ɔ ale kósɔn,] Ala lo yáa kɛ́ ké aa bwóɲan ó sɔ́ɔ, a táa myɛ́n kɛ o bwóɲan o la an nga. 33Né dhyé ŋólu, ní ni ále wáati dɔ́ɔnin le kɔ́ɔnnɔn cé. O kwɔ́shaafɛ, a yáa né ywáa ɲíin. Ní fɔ Yawudhyaa ólu yɛ́ ɲánminman ngo a mánfaa sé táala ndáalaa ó lɔ́, ní ó kó kée ŋó lé fɔ́la a yɛ́ íkwɔ.
34Ní tɔ́ ngwaa dila a mán: Áa dhyáa ɲɔ́ɔn ɲɛ́n. Óyoo Áa dhyáa né yɛ ɲán min mán, áa dhyáaɲɔɔnɲɛn cé. 35Ni a kɛ́ dhyáa ɲɔ́ɔnɲɛn, mɔɔn olu bɛ́ yáa lɔ ŋó lɔ kó a wɛ́ɛ kɛ́ né yɛ́ kaamɔɔndhye né.»
Ɛnza ngo Piyɛli yáa fɔ́ ko a man ale lɔ
Matiyu 26.31-35; Maki 14.27-31; Luka 22.31-34
36Simɔn Piyɛli é Ɛnza mánɲaankɛ kó: «Mantii ó, i kɛɛ tɛ́ɛ mín?» Ɛnza ŋé a yawi kó: «Né kɛɛ tɛ́ɛ ywáa min nɔn, i tɛ́ sé kɛ́ bhyáa né kwɔ́ kɛ́ táa o ywáa lɔ́ ó sísan, waa kwɔ́la, i yáa sé kɛ́ bhyáa né kwɔ́.» 37Piyɛli é fɔ a yɛ́ íkwɔ kó: «Mantii ó, mínnɛɛn la né tɛ́ sé kɛ́ bhyáa i kwɔ́ kwáa lé nín? Nɔ́bhyɛnin yé kɛ ní ó di i kósɔn.» 38Ɛnza ŋé a yawi kó: «I lɔ́bhyɛnin yé kɛ́ í ní ó dí né kósɔn ŋán? Tínɲan in ne tó ní fɔ í yɛ́ ngó, lónan ŋo táa kóman bí, ké í mán fɔ síɲan sawa kɛ bhá kó i mán né lɔ.»
Currently Selected:
Yaya 13: MXX
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.