Kɛ́wɛɛ 6
6
Céladhye ŋólu dhyɛ́manbhaa ólu
1O wáati ó lɔ, lɔ́ tɛ́ɛ táa bhyáa lé Kaamɔɔndhye ŋólu ká. Yawudhyaa mín núu Gɛlɛkikan ŋó fɔla, ólu kóman Yawudhyaa Ebulukan nvɔ́ bháa ólu man, kó i tɛ́ i yɛ́ finɲanmuso ólu myáanla cɛ́ɛne sunman nɔ táa ŋólu lɔ. 2O kósɔn, céladhye ndá ní fyáa ólu kaamɔɔndhye ŋólu bɛ́ kíi kɛ fɔ i yɛ kó: «A láanin ndɛ́ ké án ni Ala yɛ Sanmankanmɛɛ o láse o lábhyaa tó kɛ súnman ŋólu lɔ́taa. 3O lé kósɔn Mádhye ŋólu, a gbúlu á mɔɔn wóonvyaa bhɔ́ a cɛ́man, mɔɔn olu mínnu tɔ́ɔɲwaan fɔla, Ala wɛɛ mínnu wasa Ní Sɛnnɛnyanin ŋó la óni hákii bhɛ́ɛ bhɛ́ɛ la. Án ɲáan olu bhyáa o súnman lɔ́taa ŋó la. 4Án née kwɛ́nnin, án née yáa án njɛ́sii sɛ́ɛ óni Ala yɛ kóman o láse o la.» 5O kóman óo dhyáa yaman o bɛ́ yɛ. Oo kɛ́ mínngɛ, íi Etiyɛni bhɔ́, o wásanin ndɛ́ɛ lánanya óni Ní Sɛnnɛnyanin ŋó la, óni Filipu, ní Polokoli, ní Nikanɔli, ní Timɔn, ní Pamenasi, óni Nikolasi kɛ bhɔ́ Antiyɔsi, o míin lo Yawudhyaaya o lɔ. 6Ii nán ile céladhye ŋólu saala, céladhye ŋólu i bhóo lá í ká tó kɛ́ Ala dɛ́li i yɛ́. 7Ala yɛ Saaninkan ŋó tɛ́ɛ búubhɛɛla, kɛ táa ɲɛ́n, kaamɔɔndhye ŋólu tɛ́ɛ sháaya la kúdɛyi Yeluzalɛmu. Faanlɛɛɲansebhaa olu shɛ́ɛman ŋé lá Ɛnza nan, tó kɛ a bwóɲan.
Etiyɛni myaanko ó
8Etiyɛni wásanin ndɛ́ɛ Ala yɛ nɛ́nmɛn óni a yɛ sébhaaya o lɔ; a tɛ́ɛ káwananngo bába lu ní tɔ́ɔmanse bába lu kɛ́la yaman o cɛ́man. 9Mɔɔn lɔ́lu bhɔ́ sɛ́ɛbho nɔ la aa fɔla mín mánko yɔ hɔ́lɔɲanin ŋólu yɛ sɛ́ɛbho ŋó. O mɔɔn olu tɛ́ɛ Silɛninnga óni Alɛsandilika óni Silisika óni Azika léelu lé, ii nán kíti lamyaan ní Etiyɛni né. 10Wáa i mán faan sɔ́ɔ Etiyɛni man, kɛ mansɔɔ a tɛ́ɛ kómanla ní hákiimanɲan óni Ní Sɛ́nnɛnyanin ŋó le. 11Oo kɛ mínngɛ, ii mɔɔn lɔ́lu sála kɛ olu lɔ́lo, kó olu a fɔ kó a tɛ́ɛ Ala ní Musa tɔ́ɔ cáannan. 12O kɛ́ɲan o man, ii cɛba olu ní sɛliya kaamɔɔn olu ní yaman olu lɔ́lo, olu í mángbaa Etiyɛni nan kɛ a myáan, kɛ́ táa ni ale kítitɛɛbhaa ólu sáala. 13Ii nan ní sɛ́ɛya fwɔ́nɲan fɔ́ lú le. Olu fɔ́ kó: «Cɛ míin ndɛ́ kóman cɛ́yoo nvɔ o lábhyaala án ɲɛ́n ywáa sɛ́nnɛnyanin ŋó mán, óni Musa yɛ sɛliya o mán. 14Án ní myɛ́n ko aa fɔla kó Ɛnza Nazalɛtika yáa ywáa míin njé, óni Musa é laanan mínnu ndí án mán kɛ olu yɛ́ɛman.» 15Mɔɔn óo mɔɔn tɛ́ɛ kítitɛɛlaa o lɔ, olu í ɲán gbáan a lɔ. Oluu a ɲánlɔshaa ó ye óyoo malɛɛka ɲánlɔshaa.
Currently Selected:
Kɛ́wɛɛ 6: MXX
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.