Махьтвеест 6
6
Кудант алкхэш.
1Кихчед, іеллед аньтед иджант антмушійт олмый эвдест тэн гуэйк што уйнчин тиныйт; іересналла тійе ій линче пальхк тинэ альм‐аджест.
2Нит, куэсь тон вайваш‐антмушійт антах, іель райк‐мурэ чэдэ кукхэл иджант эвдест, кохт туешеб кухтла синагогыйн и іэтксист, што олмо синыйт китчин. Вуйкест тійе сарнам: сій уже вальтеб иджес пальк.
3А тонст, куэсь тон андах вайваш‐антмушійт, ань тонэ чиндж кит ій тидчи, мыйт еал уэльгис‐кит;
4Што тонэ антмужэ лихчин пяйхтест; и тонэ ачь, ку уйн пяйхт‐туійт, макс тонне элмед.
5И, куэсь коммэрдэлах, іель нит туешт, кохт кухтла, кук шабъшеб іэскнед синагогыйн и углійн іэтк?-?сій мильт коммэрдэллем варас, што вусьхувчин олмый эвдест. Вуйкест тійе сарнам, сій уже вальтеб иджес пальк.
6Тон‐же куэсь коммэрдэлах, мэнэ иджант пэрьхте, лохкед увсант и коммерт иджант ачча, ку ли пяйхтасьт; и тонэ ачь, ку уйн пяйхт‐туе, макс тонне элмед.
7А куэсь тій коммэрдэлбуэттед, іеллед сарнед лике сагыйт, го рыстнахтем; тэн мильт што сій юрьтеб, што іенгеттед иччис саныйн лянч кулманч синэ сагэ.
8Іеллед іеллед синый мильт; тіет тинэ ачь, ми тійе быт эвтель тэн, куэсь тій анешкуэтбеттед сонст.
9А коммэрдэллэд нит: Минэ ачь, тон ку лях альмест! ань пазьхув тонэ нэм;
10Ань поат тонэ царство; тонэ валт ань лянч и іемне альн кохт альмест;
11Минэ тармьинч лейп аньт мійе тан пяйвас;
12И кудэ минэ вильгійт, кохт и мій куттеп вялглайдан;
13И іель выгъ миныйт кихчлемушше, а піесьт миныйт нюэзест. Тэн‐гуэйк што тонэ ли царство и сам и шур‐нэм акь баяс. Амин.
14Буди тій альгнеппед олмыйт простьед синэ рикійт, танна и тиныйт просьтай тинэ альм‐ачь.
15А іеппед альгне простьед олмыйт синэ рикійт, танна и тинэ ачь ій простье тійе тинэ рикійт.
16Нит‐же куэсь тій пазьхеппед, іеллед тіеньтед уйвидант вуэлас готь кухтла: сій пійеб казвайдис сіевньден тэн варас што вузьхуввед олмыйт пазьхейен. Вуйкест тійе сарнам: сій уже вальтеб палькес.
17А куэсь тон лях пазьхемен, вуйтель оайвант и пэзэ касвант;
18Тэн гуэйк што иттед пазьхейен ій олмый варас а иджант адже эвте, ку ли пяйхтасьт; и тонэ ачь, ку уйн пяйхт‐туійт, макс тонне элмсе.
19Іеллед копчед иччант еалайт іемне элэ, косьт куэйхе и руст торм и косьт сул‐олмо раппэб и суэлнеб;
20А копчед иччант еалайт алма, косьт куэйх да ни руст ій тормэ, и косьт сулло іеб раб и суэлэнт іеб.
21Тэн мильт што косьт ли тинэ еал, тампе лянч и кутьк тинест.
22Чальм ли лишк варас тувэсен. И нит, куэсь тонэ чальм лянч путтес, танна лянч пук тонэ лишк чуввэд.
23А куэсь тонэ чальм шэнтинч нюэссен; танна лянч пук тонэ лишк сіевньден. И нит, куэсь чув, ку ли тонст, лянч сіевнедвут, маньтем лянч танна сіевнедвут?
24Ій уэй ни кіе слушшед кувьт шурре; или эвт ій шабэшешгуэд, а нумпь алк шабэшед, или сон тэн пинешкоат, а нумпь ій альк воарьдед. Іеппед уэй слушшед Иммела и Маммона.
25Тан мильт тійе цялкам: іеллед вулэхеккед иджант иӈк гуэйк, мыйт порред и мыйт юккед, ни ій иджант роӈьк варас, мэйн тэввэнэттед. Иӈк ійя ля шурямп пормушшед и роӈьк ійя ля шурямп асгійт?
26Вилшхеккед альм лоньдій элэ: сій іеб калы ды ни чуп іеб ды ни копч іеб айтійт; и тинэ альм‐ачь порт синыйт. Іеппеда тій лях чевта пурямп синыйт?
27И ни кіе тинест ій уэй иджес вулыйн лашьхед роӈькес (хотя) и эвт карьӈель віерьт.
28И асгій варас мэйт тій вулэхеппеп? Кичсеккед пялтэ поалэй элэ, кохт сій шэнтеб. Сій іеб лык ни мэйт, и ни понэ іеб.
29А тійе цялкам: и Соломон шурред славесес ій тэвнэтманч нит, готь юкьянч синест.
30Го нит Иммель тэвнахт пялт‐разь, ку тарьм ли, а ента лянч суэхпянч кивкна, то тинійт вял пурямп тэвнахт, вань‐віерлайт!
31Тэн гуэйк іеллед вулэхеккед и іеллед сарнед: ми мійе порред? или мэйн тэвнэттед?
32Тэн гуэйк што тан пук оццеб рыстнахтем; и тэн гуэйк што тинэ альм‐ачь тіет, што тійе тайт пук быт.
33А эвтель оццед Иммель царства и сонэ вуйкедвудэ, и тат тійе пук лянч.
34Тэн мильт іеллед вулэхеккед ентьинч піейв варас. Тэн гуэйк што ентьинч піейв ич лянч вулэхед иджес варас. Лянч юкке піейвест иджес варас вуллэд.
Currently Selected:
Махьтвеест 6: Kildin
Highlight
Share
Copy
Want to have your highlights saved across all your devices? Sign up or sign in
Евангеліе отъ Матеен, изданное Обществомъ Распространеиія Библін въ Велико‐Британін и въ другихъ странахъ (British and Foreign Bible Society) 1878.