Махьтвеест 5
5
Выдант алкхэш.
1Куэсь сон уйній олмыйт, сон мэный тіерме элэ; и куэсь сон ыштый, путтин сонне сонэ уэпсувэе.
2И сон аведь иджес няльме, уэпесть синійт, сарнай:
3Оазлэж тэк ліеб, кук ліеб вайваш иӈкійнис; тэн гуэйк што сннэ ли альме цар‐валт.
4Оазлэж ліеб луйкей; тэн гуэйк што сій іэскеб.
5Оазлэж тэк ліеб, кук ліеб суэне; тэн гуэйк што сійе кутьед лянч іемне.
6Оазлэж тэк ліеб, кук ліеб вуйкедвудэ ніельгест и кошкест; тэн гуэйк што сій линчин калнанч.
7Оазлэж ліеб тэк, кук ліеб лавьдес олмо; сійе лянч лавьдесвут.
8Оазлэж тэк ліеб, кук ліеб кутькійнис пухтас; сій линчин уйнед Иммель.
9Оазлэж мырдэттей ліеб; линчин сій сарнманч Иммель алькен.
10Оазлэж тэк ліеб, кук ліеб вуэеханч іерс сайя вуйкедвудэ гуэйк: синэ ли альм‐царство.
11Оазлэж тій ліеппед, куэсь тинійт линчиш санійн чудзхэллэд и вуехед и юккеналла віере саный?-?гуэйм тиныйт віерьхэллэд мунэ гуэйк.
12Рамшэттед и віеслушшед; тэн гуэйк што Шурэ ліеб тинест лайхе альмест: нит вуехиш и пророкійт, кук лейин эвтель тинэ.
13Тій ліеппед іемней суль. Буди суль кадхинч самайдис, мыйн сонэ туйшах суэллэй? Сон уже ни коз ій анехт, а што суэхпьед сонэ олкус олмыйт пайель ваньцем налла.
14Тій ліеппед тан альме чув. Ій уэй кахтьед лань, чуэнчей тіерм альн.
15И пуэлханч тувас асьте вуэлла ій ціеӈкхувэ, а ціеӈкхув тувас юльг элэ, и чуэв пукійт пэртест.
16Нит ань чуэв тинэ чув олмый эвдест, што сій уйнчин тинэ шиг туійт, и китчин тинэ альм‐адже.
17Іеллед юрьтед што мун путтим сіегхед закон или пророкыйт: мун ым сіегхед поаттанч, а тіев?-?тед путтим.
18Вуйкест мун тійе сарнам: кон ій чацк альм и іемне, ій ни эхт іота или ни эхт цякас пудэ законест, эвтель кон ій тявто пук.
19И тадэ мильт, кіе сіегахт эвт тайн уцмус пахкмужійн и уэпест олмыйт нит; тэт лянч кохчманч уцмуссен альм‐царствасьт: а кіе тайт туяшт и уэпест, тэт лянч цялхкманч шуррен альм‐царстваст.
20Тасьт‐го мун тійе сарнам: буди тинэ вуйкедвут ій линче іенамп кирькидій и фарисеій вуйкедвут?-?тед, іеппед линче мэннед альм‐царство.
21Тій кулыйт, што ляй цялхканч поарсійт: іель коньт; кіе конт, тэт лянч антанч судэ вуэлла.
22А мун цялкам тійе, юкке сіентней вильлес элэ пусьтійт, лянч антанч судэ вуэлла; а кіе цялхк виль?-?лис: рака, лянч антанч синедріон вуэлла; а кіе цялхк: міелхемес, лянч антанч тол‐атту.
23Нит, буди тон путтах иджант лайх волтра, и тампе муштьях, што тонэ виль юрт тонэ вуэста мыйт‐ни;
24Кудь тогэ лайхант волтар эвте и мэнэ, эвтель мырдэд вильлійнант, и танна пуэдэ, путь лайхант.
25Мырдэд пакьійнант вактамп, кон тон соныйн лях варэст вял, што тоныйн паккэй ій антчи тонэ судья, а судь ій антчи тонэ слушья и тонэ іет ышт?-?хехчиш турма.
26Вуйкест тонне сарнам: тон тампет ык піезь; кун тон ык аньт маӈемус тяӈкне.
27Тій кулыйт што ляй сарнманч поарсійт: іель туешт блудэ.
28А мун тійе цялкам: кіе кяхч нызан‐олмо элэ тахтмужійнис, сон уже ряхктувуй соныйн куткійнис.
29Буди тонэ уэльгис‐піель чальм тонэ вык ряхка; рутте сонэ мянда и суэхпе иджесант паго: тэн‐гуэйк што пурямп лянч тонне, што тонст эхт рувь майкьяхч, а й лихче пук тонэ роӈкь суэхпьянч атто.
30І буди тонэ уэльгис‐піель кит тонэ вык ряхка; чуп сонэ іерс сайя, и суэхпе иджесант; тэн гуэйк што лянч пурямп тонне што майкьяхч эхт рувь тонст а ій пук лихче тонэ роӈкь суэхпьянч атто.
31Цялхканч ли нит‐же, што буди кіе раткьинч иджес капгест, ань ант сонне раткьем‐кирь.
32А мун цялкам тійе: кіе раткай капгестес іерес віерасвудэ гіеччен, мэн блудэ гуэйк, сон вык сонэ блудэ туэйя; и кіе найхтлат ратканч капге, тэт туяшт блудэ.
33Вялъ тій кулыйт, цялхканч ляй поарсійт: іель мэнэ пайель Иммель‐сане, а тіевт иджант Иммель‐сане Иммель эвдест.
34А мун цялкам тійе: іель кліендэд ни мэн віерьт: ни эльмійн, тэн‐гуэйк што сон ли Иммель ыштем‐сай;
35Ни іемнійн, тэн‐гуэйк што сонэ юльксае ліеб; ни Іерусалимыйн, што сон ли шур царэ лэнь.
36Ни уйвинант іель кліендэд, тэн‐гуэйк што ык уэй ни эвт вупт туешед вилкден или чахпден.
37А ань нит лянч тинэ сань: ли, ли, иллях, иллях; а ми ли тан элэ, тэт ли нюэзест.
38Тій кулыйт што ляй цялхканч: чальм чальме сайя и пань пане сайя.
39А мун тійе сарнам: іеле вуэстласьт нюзійн. Ну кіе тонэ часк уэльгис‐піель нирре, кавест сонне и нумпь піель.
40И кіе татаст тоныйн суттэттед, и вальтед тонст пайт, аньт сонне и олгельт асгійдант.
41І кіе тонэ вулгахт соныйн ваньцед эвт вирст, ваньц соныйн кухт.
42Аньт тэз, ку тонст ан, и тесьт ку тонст тахт лайнас вальтед, іель коввес паго.
43Тій кулыйт, што ляй цялхканч: шабешт иджант альдес и куньт ніене иджант пас‐олмо элэ.
44А мун цялкам тійе: шабшеккед иджант пас‐олмыйт, блавэсловвед кук тиныйт кордин, туйшеккед сійе пуре, кук тиныйт іеб шабешт, и коммердэллед тэй эвтель, кук тиныйт чудзъхэллэб и выхчтеб:
45Што шэнтчиппед альм‐аджант алькен; тэн гуэйк што сон пахк пяйвась пайнед пасникій альн и пурій альн, и вулкхал абрь вуйк‐олмый элэ и віерь‐олмы й элэ.
46Тэн мильт што, буди тій алькбэттед шабшед тэйт, кук тиныйт шабшеб, ми лянч тійе палькійт. Нит‐же чоаӈк копчей туйшеб?
47И буди тій іельбиттед пуэрасьт эвтій виль?-?линт‐гуэйм, мыйт тій туешеппед іерес туійт? Нит‐же и рыстнахтем туешеб?
48И нит тій куэтьеккед тивтса, кохт тинэ альм‐ачь ли тивтас.
Currently Selected:
Махьтвеест 5: Kildin
Highlight
Share
Copy
Want to have your highlights saved across all your devices? Sign up or sign in
Евангеліе отъ Матеен, изданное Обществомъ Распространеиія Библін въ Велико‐Британін и въ другихъ странахъ (British and Foreign Bible Society) 1878.