KEJADIAN 5
5
Adam tititi-nonosin
(1Taw. 1:1-4)
1Adam tititi-nonosin susulan-na nde ia. [Nai lelek Manetualain nakadada'dik hataholi daebafak-ka, nakadada'di-nalas, lupan-nala nahope no Manetualain lupan-na. 2#Kej. 1:27-28#Mat. 19:4; Mrk. 10:6Nakadada'dik touk ma inak. Boema, Ana ba'e-palas, ma Ana foi na'den-nala “Hataholi”.] 3Lelek Adam teun natun esa teluhulu boema, ana bongi anatouk, de mata-panan nahope no ndia mata-panan, boema ana foin na'de Set. 4Basa ndia boema, Adam bei naso'da teuk natun falu seluk, de ana bongi ana fe'e-fe'en-nala. 5Teun 930 boema maten.
6Nai lelek Set teun 105 boema, ana bongi ana touk esa, na'de Enos. 7Basa ndia boema, Set bei naso'da teuk 807 seluk, de ana bongi ana fe'e-fe'en-nala. 8Teun 912 boema maten.
9Nai lelek Enos teun siohulu boema, ana bongi ana touk esa, na'de Kenan. 10Basa ndia boema, Enos bei naso'da teuk 815 seluk, de ana bongi ana fe'e-fe'en-nala. 11Teun 905 boema maten.
12Nai lelek Kenan teun hituhulu boema, ana bongi ana touk esa, na'de Mahalaleel. 13Kenan bei naso'da teuk 840 seluk, de ana bongi ana fe'e-fe'en-nala. 14Teun 910 boema maten.
15Nai lelek Mahalaleel teun 65 boema, ana bongi ana touk esa, na'de Yared. 16Basa ndia boema, Mahalaleel bei naso'da teuk 830 seluk, de ana bongi ana fe'e-fe'en-nala. 17Teun 895 boema maten.
18Nai lelek Yared teun 162 boema, ana bongi ana touk esa, na'de Hanok. 19Basa ndia boema, Yared bei naso'da teuk natun falu seluk, de ana bongi ana fe'e-fe'en-nala. 20Teun 962 boema maten.
21Nai lelek Hanok teun 65 boema, ana bongi ana touk esa, na'de Metusalah. 22Basa ndia boema, nai teuk natun telu dalen-na, Hanok naso'da nai nakabua-nakaesak-ka dalek no Manetualain. Ana bongi ana fe'e-fe'en-nala, de 23teun-na losa teuk 365. 24#Ibr. 11:5; Yud. 14Hu kande Hanok naso'da teik esa-dalek esa no Manetualain, de nalosa mopok-kana, nanahu Manetualain ho'i-nan.
25Nai lelek Metusalah teun 187 boema, ana bongi ana touk esa, na'de Lamek. 26Basa ndia boema, Metusalah bei naso'da teuk 782 seluk, de ana bongi ana fe'e-fe'en-nala. 27Teun 969 boema maten.
28Nai lelek Lamek teun 182 boema, ana bongi ana touk esa. 29Lamek nae, “Ni'iana ia, neukose lui namada'u bela-ba'uk nai lelek ita pusen-na ti'ti, no foi-fala dae fo, Manetualain soo-supak-ka.” Hu ndia de, Lamek foi ni'iana ndia na'de Noh. 30Basa ndia boema, Lamek bei naso'da teuk 595 seluk, de ana bongi ana fe'e-fe'en-nala, 31de teun 777 boema maten.
32Lelek Noh teuk natun lima boema, ana bongin-na, ni'iana touanak telu, fo nde Sem, Ham ma Yafet.
Currently Selected:
KEJADIAN 5: twu
Highlight
Share
Copy
Want to have your highlights saved across all your devices? Sign up or sign in