Halloo 10
10
Noohi Bushiishoochi Shiijjereenaꞌo
(1 Kiinoo 1:5-23)
1Noohi bushiishoo Sheemi, Kaaminaa Yafeetinochi shiijjereenaꞌo eboshine; boonoshiyoo aalliyee aacoyee gubb anaami bushiishoon shiyiheete.
2Yafeeti bushiishoo: Gomeeri, Magoogi, Madaayi, Yawaani, Tubaali, Mesheekinaa Tiraasinane. 3Gomeeri bushiishoo: Ashikenaazi, Rifaatinaa Togariminane.
4Yawaani bushiishoo: Elishi, Tarisheshi#10:4 Tarisheshi, Isipaanee showoone., Kitiiminaa#10:4 Kitiimi, Qoophiroosi getteebeeti buure showoone. Rodaniiminane#10:4 Rodaniimi, Roodi getteebeeti buure showoone..
5Baharee gashoonaa buure showoonooch beeti asheenaꞌo ebi Yawaani bushiisheenaꞌochi shiijjereenaꞌone. Ebi Yafeetichi shiijjereenaꞌo boonoshi yari yaroona qoodeeꞌi, boonoshi showi showooch beeheete; boonoshi yoodi yoodoona boonoshi hajjee noonoon yibbaatee beeheete.
6Kaami bushiishoo: Kushi, Mitsirayimi, Fuuxinaa Kanaaninane. 7Kushi bushiishoo: Seebi, Hawili, Sabiti, Raꞌiiminaa Sabitekinane. Raꞌiimi bushiishoo: Sheebinaa Dedaaninane.
8Kushiyoo Namiroodin shiyihe. Namiroodi showee toommooch batti batti ginee anaamone. 9Namiroodi Doono Yeeri aafooch kupphe aaddoo tunehe. Ebich asheenaꞌo “Doono Yeeri Namiroodiyoommi, giidechi aaddoon neen tuniibe” iyeete. 10Shiichiꞌi bi taateti katemeenaꞌo Shinaaree showooch beeti Baablooni, Ereekinaa Akkaadinane. 11Aroochee tiyii Asooree showooch hammiꞌi, Nanawin, Rehoboot Iirinaa Kalaahinon, 12ebiyoommon wotta Nanawinaa aricheti ooge katemoo tuneti Kalaahinochi gutte daggooch beeti Reseeni katemoon shuuniihe.
13Mitsirayimichi shiijjereenaꞌo: Luudeenaꞌo, Anaameenaꞌo, Lehabeenaꞌo, Nafituheenaꞌo, 14Fatiruseenaꞌo, Filsixeemeenaꞌo boonoshi yaroochee tuneti Kasiluheenaꞌonaa Kafitooreenaꞌonane.
15Kanaani bushiishoo: Bi gutenee bushoo Sidooninaa Hitinane. 16Wotta Kanaanichi bare shiijjereenaꞌo Yebuseenaꞌo, Amooreenaꞌo, Girigaasheenaꞌo, 17Hiweenaꞌo, Ariqeenaꞌo, Sineenaꞌo, 18Arwaadeenaꞌo, Tsemaareenaꞌonaa Hamaateenaꞌonane.
Aroyee gubb Kanaanichi yareenaꞌo baribare xaaꞌooch shaceheete. 19Boonoshi shaceto, Kanaanichi daaro Sidoonee tiijjiꞌi, Geraaree showoo waan Gaaza beddaahaane; aroocheenoo Sodoomi, Gomoori, Adiiminaa Tseboyimina waan, Laash beddaahaane.
20Eboshi Kaamichi shiijjereenaꞌone; boonoshi yari yaroona qoodeeꞌi, boonoshi showi showooch beeheete; boonoshi yoodi yoodoona boonoshi hajjee noonoon yibbaatee beeheete.
21Sheemiyoo wotta bushiishoon shiyihe; biyoo Yafeetichi qaabbe manoonaa Ebeerichi shiijjereenaꞌo bullichi qaabbechi nihoonane. 22Sheemi bushiishoo: Elaami, Ashuuri, Arifakisaadi, Luudinaa Araaminane. 23Araami bushiishoo: Uutsi, Huuli, Geteerinaa Mesheekinane. 24Arifakisaadi Seelin shiyihe; Seeliyoo Ebeerin shiyihe. 25Ebeerich gutte anaami bushiisheenaꞌo shiijjeheete. Ikkoochi shigo, Feleegi#10:25 Feleegi geto, “Shaco” getone. getteehe. Ebiyoo bi yemeenooba showee toommooch beeti asheenaꞌo shacetoyichiye. Bi manoo shigoo, Yoqixaani getteehe. 26Yoqixaani bushiishoo: Almodaadi, Sheleefi, Hatsarimaweti, Yerahi, 27Hadoraami, Uzaali, Diqili, 28Obaali, Abimayeli, Sheebi, 29Ofiiri, Hawilinaa Yobaabinane. Eboshi bulli Yoqixaanichi anaami bushiisheenaꞌone.
30Boonoshi yechiti xaaꞌoo Meeshee tiijjiꞌi, Sefaara daammiibeeti, aabi-keyo waan beeti geppe showooch beddaahaane.
31Eboshi Sheemichi shiijjereenaꞌone; boonoshi yari yaroona qoodeeꞌi boonoshi showi showooch beeheete; boonoshi yoodi yoodoona boonoshi hajjee noonoon yibbaatee beeheete.
32Noohi bushiisheenaꞌochi shiijjereenaꞌo boonoshi yoodi yoodoona eboshine. Aalliyee aacoyee gubb, aagetoo bulliich shaceti asheenaꞌo eboshine.
Currently Selected:
Halloo 10: KBRC
Highlight
Share
Copy
Want to have your highlights saved across all your devices? Sign up or sign in
SIM International, 2020.