Yohane 7
7
Yesu ne oliɛma mɔ
1 #
Mat 12.14
Na ɛhemɔ asi ne, Yesu hyinini Galilea; wanguro kyɛ ɔkɔhɔ Yudea, ofikyɛ né Yudafoɛ nemɔ bɛpena ye beku ye. 2#Lew 23.34; Deut 16.16 Né Yudafoɛ Asese aluolue ne apingye. 3#Mak 3.21; Mat 12.46 Yiti oliɛma nemɔ sele ye kyɛ, “Fi wa kɔ Yudea, ná w’asuafoɛ nemɔ benwu nnwumaa bɔ ɛ́yɔ ne. 4Ofikyɛ ebiala bɔ ɔpena kyɛ mmenia benwu ye nen, ɔnyɔ ye nningyein mvea. Sɛ ɛyɔ ɛhemɔ de a, ye de da wɔ nwo ali kyire wiase.” 5Na oliɛma nemɔ po banne ye banni.
6 #
Mat 26.18; Yoh 2.4; 7.30 Yeɛ Yesu sele bɛ kyɛ, “Me de, me mmerɛ ne onnya oddwuli; nakoso ɛmɔ de, ɛmɔ mmerɛ ne ɔwɔ berɛ daa. 7#Yoh 15.18-21 Wiase ngora mbɔ ɛmɔ, nakoso me yeɛ ɔpɔ me ɔ, ofikyɛ medi adanzeɛ kyɛ ye yɔleɛ te bɔne. 8Ɛmɔ de, ɛmɔhɔ aluolue ne abo. Na me de, mengɔhɔ aluolue ne abo, ɔnate kyɛ me mmerɛ ne onnya oddwuli.” 9Na ɔhã hyirele bɛ sɔ nen, ɔhale Galilea berɛ.
10Na oliɛma nemɔ hɔle aluolue ne abo nen, ye si ye, ye koso ɔhɔle ye bo bie; wanye ye nwo ali, na mmom ɔfale ye nwo feale. 11Né Yudafoɛ nemɔ bɛpenane ye wɔ aluolue ne abo, na bebisale kyɛ, “Ɔwɔ nisua?” 12#Yoh 7.40-43 Na mmenia nemɔ yɛle nwuhunwuhu pee bɛfale ye nwo. Ebiemɔ hane kyɛ, “Ɔte sona paa.” Yeɛ ebiemɔ koso nwa, “Daabi, ɔlakalaka mmenia.” 13#Yoh 19.35; 20.19 Nakoso né besuro Yudafoɛ nemɔ, yiti ebiala anye ye nyunu wanga ye nwo dwirɛ.
14Na bedwuli aluoluelilɛ n’afia nen, Yesu hɔle asɔneyɛɛ sua ne anu ɔɔyɛle ngyerɛkyerɛ. 15#Aso 26.24 Na ɔyɛle Yudafoɛ nemɔ nwanwa maa bɛhane kyɛ, “Ɔyɛle sɛɛ bɔ biaa he nyane nimdeɛ sɔa ɔ, wɔ aberɛ bɔ ossuane nwomaa biala ɔ?”
16Na Yesu buale bɛ kyɛ, “Me ngyerɛkyerɛ ne ɔtte me deɛ, na mmom ɔte bɔ ɔsomane me ne deɛ. 17Sɛ ebie kuro kyɛ ɔyɔ ye apɛdeɛ a, okonwu ye kyɛ, ngyerɛkyerɛ ne ofi Nyameɛ berɛ, anaakyɛ mefa me bɔbɔ me tumi yeɛ medwudwo hɔ a. 18Ebiala bɔ ɔbɔ ye ti anu dwudwo ne, ɔpena ye bɔbɔ ye animnyam; nakoso bɔ ɔpena animnyam ma bɔ ɔsomane ye nen, ye ole nahorɛniɛ ne, na ngondombo biala nne ye nu. 19#Mat 12.46 Aso Mose amva mmeraa ne wamma ɛmɔ? Nakoso ɛmɔ nu biala nni mmeraa ne aso. Nzu ati yeɛ ɛmɔpena me beku me ɔ?” 20#Yoh 8.48; Mak 3.22 Na ɛlɔen ne buale kyɛ “Ele sunzummɔne! Nwa yeɛ ɔpena wɔ ku wɔ ɔ?” 21Na Yesu buale bɛ kyɛ, “Nyɔle anwanwadeɛ ko, na ɔyɛ ɛmɔ amukoraa nwanwa. 22#Lew 12.3; Gye 17.10-14 Mose hyɛle bienzuapɛlɛ nwo mmeraa mane ɛmɔ, (wanhyɛ ye bo wamvi Mose aberɛ so, na mmom ɛmɔ nana mɔ aberɛ so), na afofikyẽa po, ɛmɔpɛ sona bienzua. 23Na sɛ ɛmɔpɛ ebie bienzua afofikyẽa, kyɛbɔ ɔkɔyɛ bɔ ɛmɔngobu Mose mmeraa so a, né nzu ati yeɛ ɛmɔafɛ me so yaa kyɛ mama sona mumua wate apɔ wɔ afofikyẽa ɔ? 24#Yes 11.3; Sak 7.9; Yoh 8.15 Nnɛma ɛmɔnea sona nyunu bebua ye ndɛen, na mmom ɛ́mɔbua ndɛen bɔ ɔtengyɛ ɔ!”
Ɛhe ole Kristo ne anaa?
25 #
Mat 12.14
Yeɛ Yerusalemfoɛ nemɔ bie hane kyɛ, “Aso nna biaa he yeɛ bɛpena ye beku ye ne? 26Nea, ɔwɔ wa odwudwo petee nu, nakoso benze ye huu! Mbanyi nemɔ, aso bɛse amba kyɛ ɛhe ole Kristo ne anaa? 27#Mat 13.55; Yoh 6.42 Nakoso biaa he de, yɛse nekaa bɔ ofi ɔ; na Kristo ne de, sɛ ɔba a, ebiala ngonwu nekaa bɔ ofi ɔ.”
28 #
Yoh 8.42
Na Yesu gu so bɔ ɔyɛ ngyerɛkyerɛ wɔ asɔneyɛɛ sua ne anu nen, ɔteane nu hane kyɛ, “Ɛmɔse me, yeɛ ɛmɔse nekaa bɔ mvi ɔ. Nakoso nna me bɔbɔ me tumi so yeɛ mva mmale ɔ; na bɔ ɔsomane me ne te nahorɛniɛ, na ɛmɔnze ye. 29#Mat 11.27; Yoh 8.55 Me de, mese ye, ofikyɛ mvi ye berɛ, na ye yeɛ ɔsomane me ɔ.”
30 #
Yoh 10.39; Mak 12.12 Na ahaa bɛpena ye bɛkye ye; nakoso ebiala amva ye sa wanga ye, ofikyɛ né ye mmerɛ ne onnya oddwuli. 31#Yoh 8.30; 10.42 Nakoso mmenia nemɔ anu pee belele ye belili, na bɛhane kyɛ, “Kristo ne, sɛ ɔba a, aso ɔkɔyɔ nzɛngyerɛnneɛ pee kɔtra bɔ biaa he wayɔ ye?”
Yesu kosa kɔhɔ Nyameɛ berɛ
32Farasiifoɛ mɔ bɛtele kyɛ ɛlɔen ne bɛ́yɛ nwuhunwuhu bɛkekã sɔ dwirɛ ne bɛfa ye nwo. Yiti Farasiifoɛ ne asɔfo mbanyi mɔ betuli asomvoɛ mɔ kyɛ bɛhɔ bɛɛhye ye. 33Yeɛ Yesu sele bɛ kyɛ, “Me ne ɛmɔ kɔtena mmerɛ kãa bie, na afei ngɔhɔ bɔ ɔsomane me ne berɛ. 34Ɛmɔkɔpena me, na ɛmɔngonwu me; na nekaa bɔ nwɔ ne, ɛmɔngɔhora ngɔwa berɛ bie.”
35 #
Yak 1.1; Aso 11.20; 1 Pet 1.1 Yeɛ Yudafoɛ nemɔ sisele bɛ nwo kyɛ, “Nisua yeɛ biaa he ɔbaahɔ bɔ yɛngonwu ye ɔ? Ɔbaahɔ bɛ bɔ babɔ aya bahɔ Helafoɛ mɔ nu ne berɛ ɔkɔyɛ ngyerɛkyerɛ kyire Helafoɛ anaa? 36Sɛɛ yeɛ ɔpena kyɛ okyire ɔ? Ɔnwa, ‘Ɛmɔkɔpena me, na ɛmɔngonwu me; na nekaa bɔ nwɔ ne, ɛmɔngɔhora ngɔwa berɛ bie.’ ”
Ngoa nzue nwo dwirɛ
37 #
Lew 23.36; Nye 22.17 Na kyẽa bɔ ɔpɛ ye bo, bɔ ɔte aluolue ne anu kyẽa piri ne, Yesu dwɔso gyinane, na ɔteane nu hane kyɛ, “Sɛ nzuhɔen ku ebie a, ɔbra me berɛ ɔɔno nzue oo. 38#Yes 44.3; 55.1; 58.11 Na kyɛbɔ Ahyerɛlɛ ne ahã ne, ebiala bɔ ode me di ne, ‘Ngoa asue mɔ kɔtengyɛ kofi ye kunu.’ ” 39#Aso 2.17; Yow 2.28 Na ɛhe de, ɔhã fale Sunzum ne nwo, bɔ mmenia bɔ bede ye bedi ne bɛbaanya ye ɔ; né Sunzum ne onnya ɔwwale, ofikyɛ né bennya bɛhhyɛle Yesu animnyam.
Mmenia ne anu ahyehyɛ
40 #
Yoh 1.21; Mat 21.11 Na mmenia ne tele sɔ dwirɛ nen, bɛ nu biemɔ hane kyɛ, “Ngɔmhyɛlɛniɛ ne ɛhe amba!” 41Yeɛ ebiemɔ koso hane kyɛ, “Kristo ne ɛhe!” Nakoso ebiemɔ hane kyɛ, “Kristo ne, Galilea yeɛ okofi kɔwa hɔ anaa? 42#Mat 1.1; Mika 5.2 Ahyerɛlɛ ne, aso wanga kyɛ Kristo ne kɔyɛ Dawide bosoniɛ, na Betlehem kuro bɔ Dawide tenane so ne anu yeɛ okofi ɔ?” 43Na ɔnate ye ti mmenia ne anu hyehyɛle. 44#Yoh 7.30; 10.39 Na bɛ nu biemɔ penane kyɛ bɛkɔhye ye ɔ, nakoso ebiala amva ye sa wanga ye.
Bangora bangye Yesu
45Na asomvoɛ nemɔ sa hɔle asɔfo mbanyi ne Farasiifoɛ nemɔ berɛ nen, bebisale bɛ kyɛ, “Nzu ati yeɛ ɛmɔamva ye bamma ɔ?” 46#Mat 7.28 Na asomvoɛ nemɔ buale kyɛ, “Sona biala nne berɛ bɔ wadwudwo kyɛ biaa he ɔ le!” 47Yeɛ Farasiifoɛ nemɔ buale bɛ kyɛ, “Walakalaka ɛmɔ koso anaa? 48Mbanyi nemɔ anu bie anaa Farasiifoɛ nemɔ anu bie wale ye wali hɔ ɔ? 49Na mmenia hemɔ bɔ bɛnze mmeraa ne ne, ɛnomalɛ yeɛ banoma bɛ ɔ!”
50 #
Yoh 3.1; 19.39 Na Nikodemo bɔ mmerɛ bie ɔwale Yesu berɛ [kɔngɔen] ne, bɔ ɔte bɛ nu ko ne, osele bɛ kyɛ, 51“Yɛ mmeraa ne, aso obua sona foɛ, wɔ aberɛ bɔ yɛttiele ye noa dwirɛ ná yɛnnwuni bɔ wayɔ ɔ?” 52Na bebuale ye kyɛ, “Gyamea wɔ koso efi Galilea hɔ ɔ? Neanea Ahyerɛlɛ ne anu, na ekonwu ye kyɛ ngɔmhyɛlɛniɛ biala ngodwɔso ngofi Galilea le.”
[53Na ebiala hɔle ye awuro ngoko ngoko.]
Currently Selected:
Yohane 7: EBP
Highlight
Share
Copy
Want to have your highlights saved across all your devices? Sign up or sign in
Esahie Bible © Bible Society of Ghana, 2018.