Matai 12
12
Ukunsungula Sabati
(Mar. 2,23-28; Luk. 6,1-5)
1Nkabalilo kako pisiku lya Sabati, Yesu alinkukisania mmigunda; abafundigwa bake bali ninjala, balinkwa-
2nda ukupulula ifisasa fya ngano, balinkulya. Lelo bo abaFarisai bababwene, balinkumbula balinkuti: Keta, abafundigwa bako bikubomba isi sili mwiko ukubomba pa-Sabati.
3Umwene alinkubabula alinkuti: Mukabalamo siku sila abo-
4mbege Davidi, bo ali ninjala na bala bali nagwe? Apa ingilege nnyumba ya Kyala, pala alyege ifisyesye ifikemesigwa, ifi fyali mwiko ukulya yuyo naba bali nagwe, loli bene ba
5baputi? Kangi mukabalamo ndulagilo, ukuti pa-Sabati abaputi mwa Tempeli bikunnyasya Sabati, loli batikuya nino-
6ngwa? Loli nikubabula umwe nikuti: Unkulumba na kwa
7Tempeli alipo papapa. Loli linga mwasimenye isi likusanusya ilisyu ili likuti: Ulupakisyo lo nikulonda, gomma amakemo,
8angali mukabayoba ububibi abasitanongwa. Namanga Nnyamundu yo Malafyale gwa Sabati.
Ugwa kiboko ikilale ikubumbulusigwa
(Mar. 3,1-6; Luk. 6,6-11)
9Popapo alinkusokapo, alinkwakwingila mu-Sinagogi yabo.
10Lelo alipo umundu ugwa kiboko ikilale; balinkundalusya balinkuti: Kali kubagile ukubumbulusya pa-Sabati? Batigi
11mo bikulyagilaga ilya kumohela. Umwene alinkubabula alinkuti: Ayege ywani mmyinu uyu ali ningʼosi yimo, iyi linga yisolokile nkina pa-Sabati atikuyikola nukuyifyula?
12Umundu akayikinda ingʼosi ubupala lelo! Bunobuno kuba-
13gile ukusibomba inunu pa-Sabati. Popapo alinkumbula umundu yula alinkuti: Golosya ikiboko kyako. Umwene alinkukigolosya, popapo lulinkuya kinunu itolo bo ikinine.
14AbaFarisai balinkusoka panja, balinkukomana nukuyobana isya kungogelamo.
Umbombi unsaligwa
15Umwene Yesu bo asyagenie sisisi, popapo alinkusokapo, abandu ba bingi balinkunkonga; umwene alinkubabumbu-
16lusya bosa. Alinkubakanisya ukuti bangamfumusyaga;
17ukuti mo simalikilege sisyo syayobeligwe munkunguluka Yesaya, apa atigi:
18Keta umbombi gwangu uyu nunsalile,
Unkundwe kumyangu, muli uyu umoyo gwangu gwikyelile;
Yo nisakumbikapo Mbepo gwangu pamyake,
Isakubafumukisyaga ubwanaloli abapanja.
19Umwene atisakulwaga, kangi atisakuywegaga,
Nayumo atisakupilikaga ilisyu iyake mmipulo.
20Ulutete ulu lufyonywike atisakulukonyolaga,
Nakoto aka kalotile atisakukasimisyaga,
Ukufika papo isakubupelaga ubwanaloli ukuya buponjoli;
21Kangi abapanja bisakusubilaga mungamu yake.
Yesu ikwamula kuli isi bikuti ikubombela mmaka ga Belzebuli
(Mar. 3,20-30; Luk. 11,14-23; 12,10)
22Popapo balinkuntwalila umundu ugwa mbepo inyali, uyu afwile amaso kangi ali kinunu; umwene alinkumbumbulusya,
23bunobuno uyu ali kinunu alinkuyoba nukuketa. Popapo ifilundilo fyosa Alinkuswiganika, filinkuyoba filinkuti: Kali
24yuyuyu yo yu nnya Davidi? Loli abaFarisai bo bapilike, balinkuyoba balinkuti: Umundu uyu atikusisosya itolo imbepo inyali, loli ikusisokesya mwa Belzebuli unkulumba
25gwa mbepo inyali. Umwene Yesu bo asyagenie inyinogono syabo, alinkubabula alinkuti: Ubutwa bosa linga bwilundulenie bubo butupu, po bukwipela kisame; kangi akaya kosa aka linga kilundulenie, pamo inyumba yosa iyi linga yilundu-
26lenie, fikabagila ukuyako. Yope na Setano linga ikunsosya Setano unnine, bo ilundulenie yuyo ntupu; lelo ubutwa
27bwake buyengeko bulebule? Lelo linga une nikusisokesya imbepo inyali mwa Belzebuli, po abaninu bikusisokesya
28mwani? Bunobuno bisakuyaga ba kubalonga umwe. Loli linga une nikusisokesya imbepo inyali mwa Mbepo gwa
29Kyala, po ngimba ubutwa bwa Kyala bubisile umwe. Pamo, abagile bulebule yumo ukwingila nnyumba ya gwa maka nukupupa ifyuma fyake, linga tasi atikumpinya ugwa maka yula? Pene apa linga ampinyile, po loli isakupupaga ifya
30nnyumba yake. Uyu linga akaya pamopene nanine, yo akindene nanine; kangi uyu linga atikubungania nanine, yo
31ikubululusya. Ko kuno nikubabula nikuti: Imbibi syosa namahelu bisakuswegigwaga abandu; loli isya kunhelula
32Mbepo sitisakuswegigwaga. Na uyu linga ikuntuka Nnyamundu, yo ikuswegigwaga; loli uyu linga ikuntuka Mbepo Mwikemo, atisakuswegigwaga, nkabalilo aka na nkabalilo aka kikwisaga.
33Linga mukugupela umpiki ukuya nnunu, po syope niseke syake sikuya nunu; pamo linga mukugupela umpiki ukuya mbibi, po syope niseke syake sikuya mbibi; namanga umpiki
34gukumanyigwa museke syake. Mwe luko lwa njoka umwe, mubagile bulebule ukuyoba inunu bo muli babibi? Namanga
35isi sikulefuka mundumbula, syo isi sikusoka nkanwa. Umundu unnunu ikusakula si nunu muno alundike ubununu; umwene umundu umbibi ikusakula si mbibi muno alundike ububibi.
36Loli nikubabula nikuti, ilisyu lyosa ilibibi ili bikuyobaga abandu, bisakulalusigwaga ukulingania limo limo pisiku lya
37bulongelo; namanga mu mmasyu gako mo kwisakuyobeligwaga ubugolofu, kangi mu mmasyu gako mo kwisakuyobeligwaga ububibi.
Yesu ikukana ukunangisya ikika kya kummanyilamo
(Mat. 16,1-4; Mar. 8,11-12; Luk. 11,16.29-32; 12,54-56)
38Popapo bamo abamanyakalata nabaFarisai balinkumwamula balinkuti: Mmanyisi, tukulonda ukuketa kimo ikika ukufuma
39kumyako. Loli umwene alinkubamula alinkuti: Ingulilo imbibi isimisi yikukilonda ikika; yitisakupegigwa nakimo
40ikika, loli kyene ki kika kya nkunguluka Yona. Namanga bo papo Yona ali munda muswi ingulumba amasiku matatu pamusi na pakilo, yope na Nnyamundu isakuyaga munda
41nkisu amasiku matatu, pamusi na pakilo. Abandu ba mu-Ninive bisakusumukaga mbulongi ningulilo iyi nukuyitobesya namanga abene bapindwike mbulumbilili bwa Yona;
42lelo keta, unkulumba ukunkinda Yona alipo papapa. Untwa unkikulu umfuma kwitongo isakusumukaga mbulongi ningulilo iyi nukuyitobesya, buno afumile kubumalikilo ikisu ukwisa kukupilikisya amahala ga Solomoni, lelo keta, unkulumba ukunkinda Solomoni alipo papapa.
Isya kugomokela imbepo inyali mmundu
(Luk. 11,24-26)
43Apa linga imbepo inyali yikusokamo mmundu, yikukisania mbuyo ubusitamisi ukulonda ubutusyo, loli yitikubwaga.
44Popapo yikuyoba yikuti: Nikugomokelaga kunyumba yangu kuno nafumile; lelo bo yisile, yikwaga muli itolo, mupya-
45giligwe nukunosigwa. Po yikubuka nukwakusyega imbepo isingi ihano na ibili imbibi nukuyikinda iyene; lelo bo singile sikutugala mumo; popapo akayilo ka mundu yula aka kunyuma kikuya kabibi ukukinda aka kwanda. Bo sikuyaga bunobuno kungulilo imbibi iyi.
Ubunyamundu bwa naloli
(Mar. 3,31-35; Luk. 8,19-21)
46Lelo bo akali ali pakuyoba kufilundilo, unna nabamyabo
47balyimile panja, balondaga ukuyoba nagwe. [Yumo alinkumbula alinkuti: Keta, unyoko nabamyinu bimile panja,
48bikulonda ukuyoba nanungwe.] Popapo alinkumwamula uyu ambulaga alinkuti: Yuba yo aliku, nabamyitu bo baliku?
49Popapo alinkugolosya ikiboko kubafundigwa bake alinkuti:
50Keta, yuba nabamyitu! Namanga gwesa uyu linga ikubomba ubwigane bwa Tata uyu ali kumwanya, yo nnuguna gwangu, yo ilumbu gwangu, kangi yo yuba.
Currently Selected:
Matai 12: NYY
Highlight
Share
Copy
Want to have your highlights saved across all your devices? Sign up or sign in
Nyakyusa Ngonde New Testament (Ulwitikano Ulupya) © United Bible Societies, 1966.