Matai 10
10
Yesu ikubabilikila abafundigwa bake kalongo nababili
(Mar. 3,13-19; Luk. 6,12-16)
1Alinkubabilikila abafundigwa bake kalongo na babili, alinkubapa amaka ga kusilambikila imbepo inyali nukusikaga, naga kubumbulukisya imbungo syosa nubonywa bosa.
2Isyene ingamu sya batumigwa kalongo na babili syo isi: Ugwa kwanda Simoni uyu batigi Peteri imbegwa, na Andrea unnuguna gwake, Yakobu unnya Zebedai na Yohani unnuguna
3gwake, Filipu na Bartolomai, Tomasi na Matai unsongesya-
4songo, Yakobu unnya Alfai na Tadai, Simoni ugwa mu-Kana na Yuda ugwa mu-Karioti, uyu ulwa nyuma ambikaga mmaboko ga balugu.
Imbombo yabo
(Mar. 6,7-13; Luk. 9,1-6; 10,1-12)
5Kalongo na babili bababa, Yesu alinkubatuma alinkubalagila alinkuti: Mungabukaga munjila iya bapanja, komma nukwa-
6kwingila nkaya ka baSamaria; loli kununu mubukege kungʼosi
7isi sisobile isya nyumba ya Israeli. Bo mukwenda mulumbi-
8lilege lilya kuti: Ubutwa bwa kumwanya busegelile. Mukabagangulege ababine, mukabasyusyege abafwe, mukabelusyege aba bukoma, mukasikagege nimbepo inyali; mwambilile
9itolo, mupege itolo. Komma ukwega indalama isya sahabu
10nisya fesa,#isya sahabu nisya fesa, bamo bikuti isya gold nisya silva. nisya kikuba munyambi syinu, yomma ninyambi ya munjila, gyomma nimiselekesye mibili, fyomma nifilato, yomma ningili. Namanga umbombi kumbagile ukwambilila
11ifindu fyake. Nkaya kosa akakulumba pamo akanandi muno mukwakwingilangamo, mo mukandondege mumo uyu abagile,
12mukayege mumo ukufika papo mukwakusokangamo. Bo
13mukwingila nnyumba, mukayiponiege; lelo linga inyumba yiyo yibagile, po ulutengano lwinu lukayisilege. Loli linga
14yikabagila, po ulutengano lwinu lukabagomokelege. Linga yumo atikubambilila pamo atikugapilikisya amasyu ginu, bo mukusokamo nnyumba yiyo pamo nkaya kako, mukaku-
15ngʼundege ulufumbi ulu luli kusi kumalundi ginu. Naloli nikubabula umwe nikuti: Pisiku lya bulongelo, sisakuya hobofupo isya nkisu kya Sodomu na Gomora, ukukinda isya nkaya kala.
Ukufwimigwa
(Mat. 24,9-14; Mar. 13,9-13; Luk. 21,12-19)
16Keta, une nikubatuma bo ingʼosi pakati pabakamutu.#Kamutu, bamo bikuti imbumbi. Amuyege namahala lelo bo si njoka, kangi muyege belu bo si
17ngunde. Loli mwandege kubandu; namanga bisakubabikaga
18pabulongi, bisakubakomaga mmaSinagogi gabo; Mwisakutwaligwaga nkyeni mbalindililakisu na nabatwa panongwa yangu, ukuti luyege lo lusisimikisyo kumyabo na kubapanja.
19Bo bikubatwala, mungisakulwaga nasyo na muno mwisakuyobelaga, nisi mwisakuyobaga; buno mwisakupegigwaga
20nkabalilo kako isi mwisakuyobaga. Namanga mukaya yo umwe mukuyoba, loli yo Mbepo gwa Gwisemwe uyu ikuyoba
21nkati mmyinu. Buno ugwamyabo isakumohelaga ugwamyabo ukuti afwege, ugwise isakumohelaga umwanake ukuti afwege,
22bope abana bisakubasambukilaga abapapi nukubagoga. Mwisakubengigwaga nabandu bosa panongwa ya ngamu yangu; loli uyu linga ikumilisya ukufika kubumalikisyo, yo isakupo-
23kigwaga. Lelo linga bikubafwima nkaya aka, mukayongelege nkangi. Namanga naloli nikubabula umwe nikuti: Mutisakumala utwaya tosa twa Israeli bo akisa Nnyamundu.
Uyu fikuti atiligwege
(Luk. 12,2-9)
24Umfundigwa akankinda ummanyisi gwake, yope untumwa 25akankinda umalafyale gwake. Kumfwene umfundigwa ukuya bo yu mmanyisi gwake, yope untumwa bo yu malafyale gwake. Linga bambilikile umwenenyumba iya Belzebuli, po baleke
26ukukindilila kuba nnyumba yake! Bunobuno lelo mungabatilaga, namanga nakamo aka kikingile aka katisakukinguli-
27gwaga, naka kafisigwe aka katisakumanyigwaga. Aka linga nikubabula mungisi, mukakayobege ndumuli; nisi mukuheheligwa mumbulukutu, syo mukafumusyege pamwanya
28panyumba. Mungabatilaga aba bikugoga umbili, aba bakamanya ukugoga umoyo; kununu muntilege uyu amenye
29ukugupyuta umoyo numbili mu-Gehena. Bule, twa batundulu tubili tutikulisigwa nihela ihano? Nakamo muli tututu
30katikugwa pasi, bo akamanya uGwisemwe. Loli umwe syope
31na si nywili sya kuntu sibaligwe syosa. Komma lelo ukutila;
32umwe muli bapala ukutukinda twa batundulu twingi. Popapo lelo gwesa uyu linga ikunyitika nkyeni mbandu, yo nanine
33nisakumwitikaga nkyeni mwa Tata uyu ali kumwanya; loli uyu linga ikwikana kumyangu nkyeni mbandu, yo nanine nisakunkanaga nkyeni mwa Tata uyu ali kumwanya.
Ulusalo utupalapala, nifihombigwa fyake
(Luk. 12,51-53; 14,26-27)
34Munginogonaga ukuti nisile nkubika ulutengano nkisu;
35himma, ngisa nkubika ulutengano, loli lu lubo. Namanga nisile nkubasomania umundu nugwise, yope undindwana
36nunna, unkamwana nunna gwa ndume; kangi naba nnyumba
37ya mundu bisakuyaga balugu bake. Uyu linga anganile ugwise pamo unna ukunginda une, yo akambagila; na uyu linga anganile umwanake undumyana pamo undindwana
38ukunginda une, yo akambagila. Yope na uyu linga atikupimba ikikohekano kyake nukungonga munyuma, yo aka-
39mbagila. Uyu linga ikuti mbwagile ubumi bwangu, yo abupesisye; loli uyu linga ikubutaga ubumi bwake panongwa yangu, yo isakubwagaga.
40Uyu linga ikubambilila umwe, ikunyambilila une; kangi uyu linga ikunyambilila une, yo ikumwambilila uyu andumile
41une. Uyu linga ikumwambilila unkunguluka papo nkunguluka, yo isakuhombigwaga ifihombigwa fya nkunguluka; yope uyu linga ikumwambilila ungolofu papo ngolofu, isakwambili-
42laga ifihombigwa fya ngolofu. Kangi gwesa uyu linga ikunnwesya yumo mbanandi aba ikinwelo kimo kya misi amatalalifu papo mfundigwa, naloli nikubabula une nikuti: Atisakupondwa ifihombigwa fyake.
Currently Selected:
Matai 10: NYY
Highlight
Share
Copy
Want to have your highlights saved across all your devices? Sign up or sign in
Nyakyusa Ngonde New Testament (Ulwitikano Ulupya) © United Bible Societies, 1966.