Ovun Apostol 5
5
1Kō sī neteme nin isen Ananĭus, ĭm Safīra retepon ūndū iyi yisevasi sī nūrū, 2miyi yemesiugi nugkon nipmi, ĭm retepon eni yemokili ugi, mempi nugkon metipe ūnokoren nowonda ōvun apostol. 3Im Piter yemenūwi pugi memokū, Ananĭus irasie Sētan ovūwara ūnōwam ma kempirigi Naviat Tumpora memasiugi nugkon nĭmpi nūrū mori?
4Pol sugkū kĭmetūvasi, yemeti sorūm, kū? ĭm pol sugkū kĭmpasi nipmi mori yeti sorūm kū? Sie mori kĭk otipe ūnōwam? kĭk otūnūwi namli punora ōveteme kō pugi Nōbū.
5Ananĭus yemorigi imo nam yemumol, yumti nesūmsah: ĭm omwisū mori dūmūrigi ugi dūmetet. 6Mōvun neviarep dūmūtūok mumovsin iyi mūmūriuki ratilat mūmūtĭneme.
7Penuri imo sugkū aūr endesel retepon eni yivelum ūnisog miyi yetūrigi ugi pe mori. 8Im Piter yemtagkeli memokū, Enūwi po yaū kĭmūvasi nūrū kūvī nipmi omwisū mori kū? Miyi yemtamsi memokū, monokowo, omwisū nipmi mori.
9Im Piter yemenūwi pugi memokū, Nokowo imo kĭmi ugi tarū siteven kūmokū kwontapmi Naviat eni Novsuromon? origi nowonda isenda mori ūtenemi asūm ra nugon nimo mirora wandiugkĭk ratilat. 10Marimago yumol ra nokoren nowon eni yumti nesūmsah: moviarap mori dūmūvelum ūnisog mūmokesi yimas, mirora dūmūriuki ratilat mōmūteneme iyi ra nokoren asūwon eni. 11Im nemtetugi tamas yivelum ra ōvun karestian omwisū mirora sū sugkū mori dūmūrĭgi ugi imosū.
12Mugi nokovenda ōvun apostol dūmūte ovnumpūrak horog movnokesinepūp sikat ra netevokontū; mirora dūmūte gi tarū siteven ra mumpon silebok eni Solomon: 13Im tawi sī ra irora metora yimseemeemo woramplesi iranda: kō ov netevokontū dūmūvietevisep irora iranda; 14mōvun tavniri mōmū sikat dūmamplesi iran Novsūromon, ōvun semsimak ōveteme movasiven; 15Mūmūriuki ōvun netromoro ra nokoren selat sū alam mūmūtipe ov nevlok mōvun nanum mūmōkū namolin eni Piter umampelum ontiali iran sī kū sī ra irora. 16Mūmūvelum numpūn lō mori dūmne ra ovun sĭti nagkaūugi ra Yerūsalem, mūmūriuki ov neturomoro mirora mori dūmūlaswonora ugi ōvun naviatindi; memkor horigeves omwisū.
17Potni sokowar yemtūok, momwisū dal iyi (mori ōvun Sadūsi) mumarakara, 18mūmūrūleki ōvun apostol momūsumpatamtokonda ūnisog nimo nugkugko. 19Kō sī nagelo eni Novsūromon itī pelah ōvun buketampet ra nimo nugkugko nempugon pūmrok, ĭm pol sugkū yemtorora ilat yenūwi memokū, 20Uve mūtūrū, menūwi punora netevokontū ūnisog nimo tumpora, mokū ugi nam omwisū ugi imo Nomūrep. 21Mirora dūmūrĭgi mūve ra numtin dan ūnisog nimo tumpora mūmūtavsokonda. Miyi potni sokowar yivelum mirora dal iyi, mūmūvro-konda ovatemonūk mōveteme talam ra netevokontū Isrēel dūmūsemsimokonda, mūmūtamūlora ra nimo nugkugko woretorora. 22Mōvun nivūo dūvelum dūtokesora ūnisog nimo nugkugko; dūmūtorileki mūmūnūwi mūmokū, 23Ka ke lokesi nimo nugkugko sumpat nigara, mōvum navales dūmūtūr ran tan ōvun būketampet; 24ĭm pol sugkū ka ke litīpelah litokesi sī ūnisog, Im pol sugkū (potni) sokowar, ĭm nivūo ra nimō tumpora mōveteme sokowar, dūmūrigi imo nam irora dūmefokerarū ugi mūmokū wantepū sie? 25Im sī yivelum memenūwi punora memokū, irora mori kūmūsumpat ūnisog nimo nugkugko irora ūmantūrū ūnisog nimō tumpora momentavsokonda netevokontū. 26Miyi nivūo nūsian movun nivūo dal, dūve memtorora metok; irora dūimtitokonda netevokontū mūmokū ma sugkū ūtū wantevora ugi nevat. 27Im pol sugkū dūmūtorora dūmūtipe ūniminda naūor, ĭm potni sokowar yemtagkelora memokū, 28Kam liwalivat ūnōwami ĭm lokū kūtūontavsokonda ra nin mori kū? Im kĭmi kūvūwara Yerūsalem ugi nam tavsogi soremi, ĭm kumagkū kwampulo kam ugi de eni neteme mori. 29Im Piter mōvun apostol mōmū dūmūtamsi mūmūnūwi mūmokū, Ka kim lesindiuki ves Nōbū mōmū ra ōveteme. 30Nōbū isenda ritemendeme soret yeviesorasah Iesū kĭmi kūmūtalugi kūmūsakelsvugi ra nē. 31Iyi mori Narisah ĭm Nēyōwara, Nōbū yemetipe sah ugi nokoven meves eni worevunora ōveteme Isrēel nevīeves nowanda, ĭm nefielentugi sat sū. 32Im kam ōvun numpūvsok eni ugi imō sū, miyi Naviat Tumpora sugkū mori Nōbū yovunora ūmesendiukives Iyi.
33Im pol sugkū irora dūmūrigi yisēgi nōwanda (ugi nakan), mirora dūmaūor ugi mūmokū wontara. 34Kō sī yemetūrū ra naūor, neteme Faresi, nin eni Kamaliel, mori yemtavsokonda ra ōvun netiyi tumpora, netevokontū omwisū dūmūsesie ves iran, memenūwi memokū wantūratumpene lap ōvun apostol, 35mo menūwi punora memokū, Oveteme Isrēel, ūfinte kĭmi popōwo ugi ōveteme mori mugi imo kūmagkū kwonumpi, 36Itetūwi Tiūdas yemtuok mori yemesepen nenūwi memokū iyi neteme horogsah, ĭm sikat ōveteme, sugkū for-hunder, dūmamplesi iran: dūmūtalugi; iyi im omwisū dūmūsendiuki iyi, dūmaseviokonda mūmūvia. 37Penūri iyi Yūdas neteme Kaleli yemtūok ra nempugon dūotivi ninda ōvetemesū woresitū, memtorora ōveteme sikat dal: miyi yimas; mirora omwisū mori dūmūsendiuki iyi dūmasiviokonda. 38Im yakum manūwi pugkūm mēmagkū, Uwi ōveteme mori, mūtenimpe irora, popōwo nagkū imo nam tavsogi ĭm numpūrak umamne ra ōveteme, wontalepasi: 39kō nagku umamne ra Nōbū, kĭmi tawi faneteme worēalepasi; kenūwumpi navohat iran Iehōva. 40Mirora dūmūtavnirĭgi iyi: dūmūvrokonda ōvun apostol, mūselatevora mūmūnūamwus punora mūmokū irora ūtū wantorenūwi nam ra nin eni Iesu, mūsūlora. 41Mirora dūmūve mūwi irora ra naūor, mūmavosavos mūmokū irora aremī worevi narumprum ugi nin eni. 42Im dan sū ūnisog nimo tumpora, ĭm nimo sū, irora dūtūwi tavsogi kū mūtūwi wortorenūwi sah Iesū Kristo.
Currently Selected:
Ovun Apostol 5: ERGNT79
Highlight
Share
Copy
Want to have your highlights saved across all your devices? Sign up or sign in
Erromangan New Testament © British and Foreign Bible Society, 1909,1979.