Ovun Apostol 3
3
1Im Piter im Yōane dūmūsah ra Tempel ra nempugon worufwaki poarap. 2Im sī neteme yumprokomol ugi noetet dūmandiuki mumantipe dan sū ra nokorin buketampit ra Tempel nin Nilaswi, woresenigora ugi ōvun ĭtemas mori dūmūve ūnisog Tempel; 3miyi yemokesi Piter im Yōane dūmumprokeve ūnisog Tempel yemesenigora ugi ōvun itemas. 4Im Piter otopotnemi iran ūndū Yōane memenūwi pugi memokū, Okosokam. 5Miyi yemendugi irora memokū irora wampugi sī sesi. 6Im Piter yemenūwi memokū, Tawi silver kū kold sorūg; kō ya kum mampunok (sugkū ya kum mantipe). Ra nin isen Iesū Krĭstō, neteme Nasaret, etūok mavan. 7Miyi yimelekavi nokoven mevis mevitūok iyi: ĭm marimago nowon mōv novwan nemli dūēpoipo; 8Miyi yĭmiraūsah memetūrū memavan; memtorimpe dal irora ra Tempel memavan memiraūsah mem arūfoves numplin Nōbū. 9Im netevokontū omwisū dūmokesi iyi yemavan memarūfo ves numplin Nōbū: 10mirora dūmokili iyi neteme mori yemandūnetesep memandūn esenigi ra nokoren buketampet Nilaswi ra Tempel: mirora dūmavlugi tamas mūinuvkeritwi ugi mori yivelum iran.
11Impolekū yemorūlukonda Piter ĭm Yōane netevokontū omwisū dūmalo semsimokonda punora ūnorĭyū isen Solomon, dūmovkeritwi. 12Im Piter yemokesi, memenūwi punora netevokontū memokū, ōveteme Isrēel, kĭmi kūmnavlugi ugi imo irasie? kūmūntupotneme kam (nagkū) sugkū ka kū umpi imo neteme woravan ugi horog kū pe tumpora soreman kū? 13Iyi Nōbū isen Ebraham, ĭm Isak ĭm Yēkob, Nōbū isenda ritemendeme soret otipe nilasewi iran Iesū Netni isen; mori kĭmi kūmempirigi mo mūnūavuni Iyi ūnipmi isen Pīlat, nempugon iyi yemenūwi nam memokū wusūli. 14Im kĭmi kūmūnūavuni iyi mori Tumpora ĭm Tanepoves wokon mūmakĭugi iyi worevugkūm neteme temelemel, ĭm kĭmi kū mūtalugi iyi Novsūromon nomūrep; 15mori Nōbū yemtorisah marugi nemas; ĭm kam ōvun numprok ugi. 16Im ugi tavniri ra nin eni imo neteme kūmagesi mūmagkili iyi oti horigives; nin isen umpi iyi faneteme; itnesog, tavniri umpi iyi horigives wokon ūnemitemi omwisū. 17Kō ravūgsĭeme yakum magkili ma kĭmi kūm umpi imo ugi numgī, mov natemonok soremi sugkū. 18Kō omwisū mori Nōbū yipmovūm menūwi ugi ra naveranda ōvun profet omwisū isen memokū Krĭstō osahūmūlep iyi yemekompeli sū. 19Popōwo imo sugkū ūvĭeves nōwami mūtorileki ma sugkū ĭyukuyeki sat sū soremi mōv nempugon nevĭeves wampelum ra nipmi isen; 20miyi ontamūli Iyi mori Iyi yepmetipe memokū ugi Iesū Krĭstō. 21Iyi mori pōkop umampi mafeli nempugon omantevūreves ugi siame sū mori Nōbū yemandūnenūwi memagkū ugi ōvun profet tumpora isen ra palsi sū. 22It Moses yemenūwi punora ōvun ritemendeme memokū Iehōva Nōbū soremi ontori sī Profet nisekomi marokonda rapmisĭeme sūgkū yaū; kĭmi kwandigi nam omwisū mori iyi anūwi pug kūm: 23Mirora mori ūtū wandigi Profet mori ontevavtiti irora sū marokonda netevokontū. 24Mōvun profet omwisū marugi Samūel, mirora mori dūomūri iyi omwisū dūmūnūwi nam, dūmokū ugi ōv nempugon mori. 25Kĭmi ōvun nitnime ōvun profet ĭm nam nievūos ūnam mori Nōbū yimenūwi punora ritementeme, yemenūwi pugi Ebraham memokū, Lōsū lōsū ra nūrūsū nūrūsū wampīeves irora ugi novsen sorum. 26Nōbū yemtorisah Iesu Netni isen memtamūli iyi pugkūm mampūm, miyi yipmandūn nevīeves kĭmi polekū iyi yemandūntorokūm omwisū marugi sat sū soremi.
Currently Selected:
Ovun Apostol 3: ERGNT79
Highlight
Share
Copy
Want to have your highlights saved across all your devices? Sign up or sign in
Erromangan New Testament © British and Foreign Bible Society, 1909,1979.