Lir. 9
9
Endakaano eya Wele ne Noa
1 #
Lir. 1.28
Nio Wele abiita Noa ne babaana bewe chikhabi, mala aloma ali, “Saala babaana mukuche, mwichule khu sibala. 2Buli esaang'i ne solo eli khu sibala, buli enyuni, buli siindu sioosi simoola khu sibala, ne ching'eeni choosi, biareerwe asi we bunyali bwenywe. Bilamuria mala mulaba ne bunyali khu nibio. 3Buli sisiindu silamu sikeenda silaba siakhulia sienywe. Nga namuelesia bimelwa, namuele bibiindu bioosi. 4#Bal. 7.26,27; 17.10-14; Bal. 19.26; Likh. 12.16,23; 15.23 Ne kakhali mukhalia enyama esilimo kamalasile tawe sikila bulamu buli mu malasile. 5Sikila ndibanja sifuki sienywe, khukhwama khu saang'i, khu solo, ne khu mundu yesi yesi owiira omundu, ndibanja bulamu bwo mundu oyo. 6#Lir. 1.26; Khur. 20.13 Buli omundu ochukha sifuki sio mundu aliirwa no omundu, sikila Wele abuumba omundu mu fwaani yewe. 7#Lir. 1.28 Ne enywe saalana mukuche. Mube ne babaana bakali mala mukuche khu sibala.”
8Wele aboolela Noa ne babaana bewe ali, 9“Nono ndikho khola endakaano yase ne nanywe ne lisaaye lienywe enyuma wenywe, 10nende buli sibuumbe siili ne nanywe, ne chinyuni, ne chisolo ne chisaang'i, nende buli siindu sisiama mu meeli ne nanywe.” 11Ndikho khola endakaano yase ne nanywe, ne suubisia ndi bibuumbe bie bulamu bioosi se bilibunakho khulwe khukhwichula khwe kameechi tawe ne se kalibao lundi kameechi kamakali kabunia sibala tawe. 12Mala Wele aloma ali, “Sino sili simanyisio sie endakaano niyo ndikho khola akari wase ne nanywe nende buli sibuumbe sie bulamu sili ne nanywe. Endakaano yino eli eye chiselukho chichiicha choosi: 13ndikho ndao lufutu mu maleesi ne lulaba simanyisio sie endakaano akari wase ne sibala. 14Ndiba oli ndeera kamafuumbi khu sibala ne lufutu lubonekha mu maleesi, 15ndikhebulila endakaano yase eli akari wase ne nanywe nende buli sibuumbe sie bulamu, ndi kameechi se kaliicha lundi khukhwonaka bie bulamu bioosi tawe. 16Nga lufutu ne luliba mu mafuumbi, khalulole mala khebulile endakaano eya mindali na mindali akari wase nende buli siindu sie bulamu sili khu sibala.” 17Wele aboolela Noa ali, “Sino sili simanyisio sie ndakaano niyo kholile akari wase nende bie bulamu bioosi bili khu sibala.”
Noa ne babaana bewe
18Babaana ba Noa babarura mu meeli baaba Shemu, Hamu ne Chafwesa. Hamu aaba raraawe owa Kanaani. 19Babaana ba Noa bataru bano nibo ba baaba bakuuka be babaandu be khu sibala sioosi.
20Noa aaba omulimi owe khunyoa ne aaba ne liruuti lie kimisabibu. 21Anywa endali ameela akona sichula mu liiema liewe. 22Nga Hamu, raraawe owa Kanaani, abona sichula sia raraawe arura enje aboolela bawandaaye babili. 23Nio Shemu ne Chafwesa babukula engubo, bakitilila khu mabeka kabwe boombi bacha mafutaare babiimba sichula sia paapa wabwe, mala se babona sichula siewe tawe. 24Nga Noa ne ameelulukha amanya niko omwana wewe omutua amukholeele, 25aloma ali,
“Kanaani ali omulaame,
alabeela elala nasioobi khu bawandaaye.”
26Lundi aloma ali,
“Shemu abiitwe chikhabi ne Wele Omunyali Owa Bioosi, Wele wase,
mala lekha Kanaani abe nasioobi wewe.”
27“Wele balaayia Chafwesa,
amenye mu maeema ka Shemu,
ne lekha Kanaani abe nasioobi wewe.”
28Enyuma we kameechi kakechula, Noa amenya kimiiko chimia chitaru ne kamakhumi karaano. 29Kimiiko kioosi nikio Noa amenya kiaba chimia tisa ne kamakhumi karaano mala afwa.
Currently Selected:
Lir. 9: LUBUKUSU
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019