LUKA 17
17
Paila kabokwapusi
(Md 18.6-7,21-22; Mk 9.42)
1E iluki la toligalega, kawala, “Mokwita kabokwapusi bimaisi; mitaga wo! tau matauna uula bimaisi! 2Ibodi sainela kidamwa bisipwaisi kwaitala uyuwa kwaiveka okaiyola e bilavaisi obolita, mitaga gala ibodi matauna bivakapusii taitala matausina tokikekita. 3Kuyamataimi.
“Kidamwa bodam kaina tuwam#Kugisi Lk 6.41 kala katumiki. bisula, kubuyoyu matauna; kidamwa bininavila, bukuligaiwa la mitugaga matauna. #Md 18.15 4Kidamwa bivagi sula baisa yoku biboda sivalima sivayu wa yam kwaitala, e sivalima sivayu bimakaiam bikaibiga, kawala, ‘Bogwa laninavila’, ibodaim bukuligaiwa la mitugaga.”
Paila dubumi
5E aposetolo ilukwaisi Tomoya, kawasi, “Ma dubumaisi kukwatumkulovi!”
6E Tomoya ivitakaula, kawala, “Kidamwa mi dubumi kala kwaiveka makawala waitunela mwaiya, gagabila bukulukwaisi makaina yaku, kawami, ‘Kukoulaim kulavaim obolita’, e bikabikuwolaimi.
Paila wotetila
7“Kaina taitala mi towotetila ibigubagula kaina iiyamati sipi. Igau bima metoya obuyagu, ki, bukuluki matauna, kawami, ‘Nani kuma kukwam’? 8Gala goli. Bukuluki matauna, kawami, ‘Kusulu kʹagu, e kukwatulova, kuyeyai kʹagu, kumai. Bakam, bamom; oluviga yoku.’ 9Ammakawala, bukunokagutoki baisa m towotetila paila ikabikuwoli karaiwaga kaina gala? 10Makawala goli yokomi. Kidamwa bogwa lokuvigimkulovaisi avaka kami karaiwaga, bukukwaibigasi, kawami, ‘Yakidasi da wotetilasi sitana wala; paila bogwa tavagaisi makawala kada karaiwagasi wala.’”
Yesu ikatumigileu tailuwotala tokwagwaiguya
11E tutala ililoula ilokaia Yerusalem, ivakana okaligeisi Sameria toyo Galili. 12Tutala iviloubusi kwaitala valu, tailuwotala tokwagwaiguya ibodaisi matauna. Itotusi sita ewaiwa, 13e ikapinivekasi, ikaibigasi, kawasi, “Yesu, Guyau, kunokapisaimasi.”
14Tutala igisi, iluki matausina, kawala, “Kulosi, kuvitulokaimi baisa tolula.”#Ibodi bivituloki wowola baisa matausina tolula ola valu tatoula kaina tolula matausina iyamataisi Bwala Kwebumaboma mapilana Yerusalem. #Tol 14.1-32
Mapaila ilosi. Ililoulasi, e ka, bogwa imigileusi.#Kugisi Lk 5.12 kala katumiki. 15E taitala matausina, tutala igisi leibwaina, ikaimilavau e deli kaigala kaigaveka iiyakawoli Yaubada. 16Ikavagina omatala Yesu, inokagutoki; e matauna guma Sameria. 17E Yesu ikawota, kawala, “Ki, gala akatumigileu tailuwotala? Mitaga ambaisa matausina tailima taivasi? 18Gala taitala isisu bikaimilavau biyakawoli Yaubada, mitaga matauna togilagala wala ke?” 19E iluki matauna, kawala, “Kutokaia, kula; m dubumi bogwa iyomovaim.”
Avai tuta Yaubada la Karaiwaga bima?
(Md 24.23-28,37-41)
20Parisi ikatupoiyaisi matauna avai tuta Yaubada la Karaiwaga bima. Yesu ivitakauloki matausina, kawala, “Gala bigisaki matila bitakateta Yaubada la Karaiwaga bimaima. 21Gala bitakaibigasi, ‘Ka, baisa emaima!’ kaina ‘Ka, baisa ewaiwa!’ Paila ka, Yaubada la Karaiwaga isisu olumoulemi.”#isisu olumoulemi. Gagabila bitagini, “isisu oninami” kainaga “bima nanakwa bikaloubusi olumoulemi”.
22Iluki toligalega, kawala, “Igau tuta bima bukupikwakusi bukugisaisi kwaitala ulo yam yeigu Latula Tomota, mitaga gala bukugisaisi makwaina. 23E tomota bilukwaimi, kawasi, ‘Ka, baisa ewaiwa!’ kaina ‘Ka, baisa emaima!’ Taga kulosi, kaina bukubokulaisi matausina. 24Paila yeigu Latula Tomota agu gigisa ogu yam#agu gigisa ogu yam. Mimilisi buki pilabubogwa iginisi wala “agu gigisa” e gala ikatumkulovaisi “ogu yam”. makawala kavikavila kidamwa bikavila e bititapi labuma metoya okwaibwaga baisa obomatu. 25Mitaga ikugwa ibodi matauna bibani kala mmayuyu bidubadu, e tubwa matubona bipakaisi matauna. 26Makawala ola tuta Nowa,#Omitibogwa Yaubada eikatudoum mina watanawa metoya wa dadoya, mitaga eikatumovi Nowa deli dalela. makawala goli yeigu Latula Tomota ogu tuta. #Vit 6.5-8 27Ikamkwamsi imomomsi, iveivaisi, ipukupakusi, ee, yam makwaiwena Nowa isila ola waga, e leima dadoya, komwaidosi idoumlabasi. #Vit 7.6-24 28Makawala goli ola tuta Lota,#Omitibogwa Yaubada eikatudoum mina Sodom deli mina Gomora metoya wa kova kovalululu, mitaga eikatumovi Lota deli dalela. ikamkwamsi, imomomsi, igigimwalasi, imipumapusi, isupusopusi, iiyoudilasi, #Vit 18.20—19.25 29mitaga wa yam makwaina Lota isilavi Sodom, e kova kovalululu toyo salipa maiinela saina peuluvagasi ididabwalisi makawala kuna metoya wa labuma, e komwaidosi idoumlabasi. 30E makawala bikaloubusi wa yam makwaina yeigu Latula Tomota bayoumatila.
31“Wa yam makwaina, matauna isisu obuneyova#Buki pilabubogwa eiginisi “odabala bwala”, baisa goli pilapatata, e koyavi wala bimwenasi baisa biuvaiwasi tutala kalasia kala yuviyavi ibubusi. Mitaga yakidasi da kabovaiwasi kaina buneyova. deli la guguwa olopola bwala, gala ibodi bikau makwaisina. Makawala matauna isisu obuyagu gala ibodi bikaimilavau. #Md 24.17-18; Mk 13.15-16 32Kululuwaisi la kwava Lota.#Minana gala eikabikuwoli Yaubada mauula eiboda kala kamwaga mwau eimila dakuna yonawokuva wala. #Vit 19.26 33Availa mwada biyusi tatoula, matauna bitamwau; e availa bikitumou tatoula, matauna bimova goli. #Md 10.39; 16.25; Mk 8.35; Lk 9.24; Yn 12.25 34Alukwaimi, wa bogi makwaina taiyu tauwau ikanuvadulisi bikanukwenusi okabasi kwaitala; Yaubada bikau taitala e taitalaga bikanam. 35Nayu vivila bitutusi kasi witi bimila pwarawa; Yaubada bikau natana e natalaga bisim.”#Mimilisi buki pilabubogwa ikatumkulovaisi mailela 36, iginisi, “ 36 Taiyu tauwau obuyagu bibigubagulasi; Yaubada bikau taitala e taitalaga bisim.”
37Ikatupoiyaisi matauna, kawasi, “Tomoya, ambaisa?”
Iluki matausina, kawala, “Ambaisa tomata bikanukwenu, baisa mluveka#Baisa mina Yudia si bigivakala, e kala katumiki baisa makawala — avai tuta vavagi kwevakaigaga bikaloubusi, nani wala tomota bilagaisi bulogala. Kaina avai tuta vavagi saina mwaugaga bikaloubusi tomota bidubadu bitoulaisi bitopataisi bitobu mitasi bigigisaisi wala. Mitaga mabigana “mluveka” tuvaila bikibuboti mabudona mina Roum si tokwabilia, e kaina Yesu ililivala paila mabudona igau bikatudoum mina Yudia. bitogugulasi mwada bikamsi.”
Currently Selected:
LUKA 17: PNGKIR
Highlight
Share
Copy
Want to have your highlights saved across all your devices? Sign up or sign in
Kiriwina Bible (Buki Pilabumaboma) © Bible Society of Papua New Guinea, 2011.