YONI 18
18
Yudasa ikasali Yesu
(Md 26.47-56; Mk 14.43-50; Lk 22.47-53)
1Bogwa ilivala biga mabigasina, Yesu isunapula deli la toligalega e iluvapela makwaina waya Kidironi.#Makwaina waya opapala Yerusalem opilibomatu oluwalaisi valu deli koya Umilela Olibe. Bagula isisu baisa, e Yesu isuvi deli la toligalega. 2Yudasa matauna kala tokwasesila tuvaila einikoli mapilana; paila tuta bidubadu ilolosi baisa deli la toligalega. 3Mapaila Yudasa ivakouli mabudona tokwabilia#Baisa mabudona toyausa isim kasi karaiwaga biyamataisi Bwala Kwebumaboma. Kugisi Yn 7.32 kala katumiki. toyo towotetila metoya baisa tolula kasi tokugwa toyo Parisi, e imakaiasi deli katukusikwasi toyo kaitapa toyo guguwala kabilia. 4Yesu inikolibogwi komwaidona avaka bikaloubusi baisa matauna, e ivaloula iluki matausina, kawala, “Availa kuninevaisi?”
5Ivitakaulokaisi matauna, kawasi, “Yesu guma Nasaredi.”#Kidamwa magisi bilivalasi paila taitala tomota, mimilisi tuta bikaibigimgulisi la valu. Kugisi 1 Gwe 17.1 (Ilaitia tolela Tisibe); Mk 15.43 (Yosepa guma Alimatia); VA 9.11 (Saulo guma Tasu).
Yesu ivitakaula, kawala, “Yeigula goli.”
E Yudasa, kala tokwasesila, itotu deli matausina. 6E tutala iluki matausina, kawala, “Yeigula goli”, ivayumilasi e ikapusisi opwaipwaia. 7E ikatupoivau matausina, kawala, “Availa kuninevaisi?”
E ikaibigasi, kawasi, “Yesu guma Nasaredi.”
8Yesu ivitakaula tuvaila, kawala, “Lalukwaimi yeigula goli matauna; mapaila kidamwa kuninevaigusi, kukilavaisi matausina.” 9Ikaibiga makawala kidamwa avaka leilivala gala bisala, “Gala lakitumou taitala metoya availa lokusakaigu.”
10Mapaila Samoni Pita yamala iyosi la puluta ibiigili, iwaiya la towotetila tolula toveka e ikapituni taigala okakata. E towotetila matauna yagala Maliko. 11Yesu iluki Pita, kawala, “Kusewoya m puluta okauyala. Ki, kudoki gala bamom viga makwelana#Mabigana “bamom viga” bigivakala e kala katumiki “Baboda agu mmayuyu mwau.” #Md 26.39; Mk 14.36; Lk 22.42 avaka Tamagu bogwa leisakaigu?”
Yesu omatala tolula toveka
(Md 26.57-58; Mk 14.53-54; Lk 22.54)
12Mapaila mabudona tokwabilia#Kugisi mailela 3 kala katumiki. deli kumatoula toyo mina Yudia si towotetila iyosisi Yesu e ikatupipaisi matauna. 13E ikugwa imiakaisi matauna baisa Anasa;#Matauna igau goli Tolula Toveka wa taitu 6-15 AD. e Anasa yawala Kaiapa matauna Tolula Toveka paila taitu makwaina. 14E Kaiapa baisa matauna eivituloki#Kugisi Yn 11.50. mina Yudia kidamwa ibodi taitala bikaliga paila tomota. #Yn 11.49-50
Pita iyakali Yesu
(Md 26.69-70; Mk 14.66-68; Lk 22.55-57)
15E Saimoni Pita iyeikuli Yesu, e makawala toligalega taiyuwela. E Tolula Toveka eivigaki sola matauwena taiyuwela, e isuvi toyo Yesu baisa okoukweda la bwala Tolula Toveka. 16Mitaga Pita itotu omatala kabosusuvi. Mapaila matauna toligalega taiyuwela, matauwena goli Tolula Toveka eivigaki sola, isunapula e ibigatona deli minana nayamata kabosusuvi, e matauna ivakouli Pita. 17E nayamata kabosusuvi ikatupoi Pita, kawala, “Ki, kaina yoku taitala la toligalega matauwena?”
Ikaibiga, kawala, “Yeigu gala wala.”
18E towotetila toyo tokwabilia eivakataisi kova, e itotusi baisa ikikaikwalasi; e Pita deli matausina itotu ikikaikwala.
Tolula Toveka ikatupoi Yesu
(Md 26.59-66; Mk 14.55-64; Lk 22.66-71)
19Mapaila Tolula Toveka ikatupoi Yesu paila la toligalega deli la vituloki. 20Yesu ivitakauloki matauna, kawala, “Bogwa lakabau baisa komwaidosi; tuta tuta lauvituloki wa bwala tapwaroru deli wa Bwala Kwebumaboma ambaisa komwaidosi goli mina Yudia eisigugulasi; e gala lakebigikium agu livala. 21Avaka paila kukwatupoiyaigu? Kukwatupoi matausina agu tolega avaka lalivala baisa matausina; einikolaisi goli avaka lakaibigi.”
22Ililivala, e taitala tokwabilia itotu katitaikina ikipitati yamala iwaiya Yesu, ikaibiga, kawala, “Ki, kuvitakauloki Tolula Toveka makawala?”
23Yesu ivitakauloki matauna, kawala, “Kidamwa lalivala gaga, kukwamituli avaka kala gaga; mitaga kidamwa lalivala duwosisia, avaka paila kuwawaigu?”
24Mapaila Anasa iwitali matauna deli kala katupipi baisa Kaiapa Tolula Toveka.
Pita iiyakalavau
(Md 26.71-75; Mk 14.69-72; Lk 22.58-62)
25E Saimoni Pita itotu ikikaikwala. Mapaila ikatupoiyaisi matauna, kawasi, “Ki kaina yoku taitala la toligalega matauwena?”
Iyakala, e ikaibiga, kawala, “Yeigu gala wala.”
26Taitala la towotetila tolula toveka isisu, matauna vaiyola availa Pita eikapituni taigala. E matauna ikaibiga, kawala, “Ki, kaina agisaim wa bagula deli matauna?”
27Mapaila Pita iyakalavau, e nanakwa rekorekwa igela.
Yesu omatala Pailato
(Md 27.1-2,11-14; Mk 15.1-5; Lk 23.1-5)
28E ilauwaisi Yesu metoya ola bwala Kaiapa ilosi ola bwala tokwaraiwaga. E tuta bulubuvisiga. E mina Yudia titoulesi gala isuvisi wa bwala makwaina, mwada taga biyogagaisi kasi Karaiwaga, paila ikikilasi#Mina Yudia gala magisi bisuvisi osi bwala matausina gala mina Yudia, paila baisa biyogagaisi si katubaiasa paila paka kwaibumaboma. kidamwa igau bikamsi Luvapela Pakala. 29Mapaila Pailato#Matauna mina Roum si tokwaraiwaga paila mapilasina Yudia, Sameria deli Idumia wa taitu 26-36 AD. isunapula baisa matausina, e ikaibiga, kawala, “Avai pakula kutabinakaisi matauna tau?”
30Ivitakaulokaisi matauna, kawasi, “Kidamwa matauna gala tomitugaga, gala bakasakaimsi matauna.”
31Mapaila Pailato iluki matausina, kawala, “Kuwoyaisi matauna titoulemi, e kuyakalasi matauna makawala kami karaiwaga titoulemi.”
Mina Yudia ilukwaisi matauna, kawasi, “Gala bukutagwala bakakatumataisi availa.” 32Ikaloubusi baisa makawala kidamwa gala bisala avaka Yesu leilivala tutala eivituloki ammakawala bikatumataisi matauna.#Kidamwa mwada bikatumataisi tomitugaga, mina Yudia bikabidikunaisi wala, mitaga mina Roum bikatukorosaisi. #Yn 3.14; 12.32
33Pailato isuvau ola bwala, e idou Yesu ikatupoi matauna, kawala, “Ki, yoku si giyouveka mina Yudia?”
34Yesu ivitakaula, kawala, “Ki, lokukwaibiga makawala metoya onanom titoulem, kaina mimilisi tuwoli ilukwaimsi makawala paila yeigu?”
35Pailato ivitakaula, kawala, “Wa, ammakawala! Yeigu guma Yudia ke? Veyamwa toyo tolula kasi tokugwa matausina goli eikasalaimsi baisa yeigu! Avaka lokuvigaki?”
36Yesu ivitakaula, kawala, “Yeigu ulo guyau gala metoya ovalu watanawa; kidamwa ulo guyau metoya ovalu watanawa, agu viloumgwa bogwa bikabiliasi kidamwa gala bikasalaigusi baisa mina Yudia; mitaga ulo guyau gala goli metoya ovalu watanawa.”
37Pailato ikatupoi matauna, kawala, “Yoku taitala giyouveka; ki, mayokula?”
Yesu ivitakaula, kawala, “Yokula kawam ‘Giyouveka’.#Yoku kawam “Giyouveka”. Gagabila bitagini, “E, makawala. Lokukwamokwita goli.” Baisa uula lakaloubusi, e baisa uula lama ovalu watanawa paila wala baisa, kidamwa balivala paila vavagi kwekamokwita. Availaga tokamokwita, matauna ililagi kaigagu.”
38Pailato ikatupoi matauna, kawala, “Avakaga kamokwita?”
Ikaraiwagasi Yesu bikaliga
(Md 27.15-31; Mk 15.6-20; Lk 23.13-25)
Pailato ililivala, e isunupulovau baisa mina Yudia, e iluki matausina, kawala, “Gala avaka kala pakula labani. 39Mitaga isisu kami gulogula, kidamwa bataneku taitala baisa yokomi Luvapela oPakala. Ammakawala, bataneku mi giyouveka yokomi mina Yudia paila yokomi ke?”
40Ikawotasi iwaiweyasi, kawasi, “Matauwena gala, mitaga Baraba.” E Baraba matauna tolibulebu.#tolibulebu. Gagabila bitagini “tokowolova karaiwaga”.
Currently Selected:
YONI 18: PNGKIR
Highlight
Share
Copy
Want to have your highlights saved across all your devices? Sign up or sign in
Kiriwina Bible (Buki Pilabumaboma) © Bible Society of Papua New Guinea, 2011.